Ukubilisha

◼ Ulupapulo lwa kutambika mu September: Ukwishiba Uko Kutungulula ku Mweo wa Muyayaya. October: Ukulembesha Ulupungu lwa kwa Kalinda nangu Loleni! nelyo bamagazini bonse. November: Ukwishiba Uko Kutungulula ku Mweo wa Muyayaya. December: Umuntu Wakulisha Uwabalile Abako Uwa Mweo na New World Translation.

◼ Kangalila wa kutangilila nelyo umbi uo akasonta afwile ukupenduluka mu maakaunti ya cilonganino pa September 1 nelyo mu kwangufyanya fye pa numa. Bilisheni ku cilonganino nga mwapwisha.

◼ Waini wa pa Cibukisho: Ifilonganino fyabela mu mishi kuti fyaorda waini pali ino ine nshita. Tumeni S-20 apali indalama sha waini sheka. Lembeni pa mupelwa umo fye mu kumonekesha ukuti “INDALAMA SHA WAINI.” Mwikatuma kalata nelyo S-14, mukatume fye S-20 yeka. Takwakabe ukumutumina waini nga tamwakatumine orda wenu pamo ne ndalama. Umutengo wa kabotolo ka 200ml ni K1,500.00. Ubushiku bwa kulekeleshako ukubombela pa maorda ya waini ni pa December 31, 1998. Tukamutumina waini mu February 1999.

◼ Baeluda balecinkulwako ukukonka amakambisho yapeelwa mu Ulupungu lwa kwa Kalinda ulwa April 15, 1991, amabula 21-23 pa lwa bali bonse abatamfiwa nelyo ukuifumya abalefwaya ukubweshiwa.

◼ Ababishanya ne cilonganino balingile ukutuma ukulembesha kupya no kulembesha cipya cipya ukwa Ulupungu lwa kwa Kalinda na Loleni!, ukusanshako no kulembesha kwa pa lwabo ukupitila mu cilonganino.

◼ Kangalila wa kutangilila alingile ukutantika ukuti balebilisha cila mweshi ilyo icilonganino tacilatuma orda wa fitabo ku Sosaite pa kuti abalefwaye fya pa lwabo bengalembesha kuli munyina abombela ku fitabo. Twapaapaata muleibukisha ifitabo fyaba pa kuorda kwaibela, no kuti amaorda ya ifi yafwile ukulatuminwa pamo ne ndalama.

◼ Kuli ukukabila kukalamba ukwa kukuula Amayanda ya Bufumu ayapya ku Mikoti na ku Lusaka. Bushe kuti mwaipeelesha ukubombako? Bushe mwalishiba umulimo wa kukuula? Bushe kuti mwatemwa ukuti mukasambilishiwe? Baeluda na babomfi batumikila, bushe kuti mwaipeelesha ukubombako? Bushe kuti mwatemwa ukubombako muli programu mupya uwa Sosaite uwa makuule? Nga kuti mwabomba, twapaapaata isushisheni Ipepala lya Fipusho fya Mubomfi wa Kuitemenwa no kutuma ku Sosaite.

◼ Sosaite iletasha nga nshi pa kwankulako kusuma ukwa bapainiya ukwisa mu kubombela kuno ku farmu. Twapaapaata ishibeni ukuti tatulekabila na kabili ukwaafwa ukufikila tukamwishibishe.

◼ Impapulo Ishilipo:

Ukwishiba Uko Kutungulula ku Mweo wa Muyayaya—Icibemba, IciChewa, IciFrench, IciLozi, IciNgeleshi, IciPortuguese, IciShona, IciSwahili, IciTonga, IciTumbuka

Imbileni Yehova Amalumbo (icinono)—IciShona