Bakangalila Abatungulula—Kangalila wa Mulimo

¹ Kangalila wa mulimo alasakamana nga nshi imibombele yonse iikumine ukulunduluka kwa mulimo wa bukabila mu cifulo ca kubombelamo ica cilonganino. Kanshi alabomba ulubali ulukalamba mu kutwaafwa ukubombelapo pa mulimo wesu uwa kushimikile mbila nsuma. Pamo nga kabila wapimpa, alatungulula ukutantika konse ukukumine imibombele ya mulimo wa mwi bala. Pamo ngo wakampuko kusambilisha, alaafwa bakasabankanya bonse ukulunduluka ukufika pa kuba bakabomba basuma mu butumikishi.—Efes. 4:11, 12.

² Uyu eluda e wangalila umulimo uwapeelwa ku babomfi batumikila abasunge fitabo, bamagazini, ne cifulo ca kubombelamo ica cilonganino. E washingamwa ukulashininkisho kuti ifitabo, bamagazini, na maformu ya cilonganino, e po fili cila mweshi pa kuti tulefibomfya.

³ Kangalila wa mulimo e usakamana ukushimikila kwa mu fifulo fyalekanalekana, ifya bukwebo, mu misebo, no kwa pali lamya. Alebukila nga nshi ukutantika inshita ishingabomba bwino isha kufumina mwi bala umulungu onse, e lyo na mu nshiku sha mwikalwe. Alasakamana sana ukwishibe fyo amasambililo ya Baibolo yaletungululwa. Alaibikilishako ukumone fyo engacitako ukwaafwa abaleba bamanshintula na baleleka ukushimikila. Aliba uwasakamana nga nshi pa mibombele ya bapainiya, kabili alangalila ifileenda programu wa kuti Bapainiya Baleafwa Bambi.

⁴ Pamo ngo waba mu Komiti wa Mulimo uwa Cilonganino, kangalila wa mulimo alapeelako imitubululo imo pa kuteuluka kulekabilwa mu mabumba ye Sambililo lya Citabo pa Cilonganino. Lintu akulatandalila icifulo mwabako, sangweniko no kubomba nankwe mu mulimo wa mwi bala.

⁵ Bonse fwe baba mu cilonganino tulingile ukulaitememwa ukukonka ubutungulushi bwa kwa kangalila wa mulimo. E cikatwaafwa ukufikapo nga nshi mu mulimo wa kupanga abasambi, kabili tukacilapo ukulasekelela mu butumikishi bwesu.