Ukulongana kwa Mulimo Ukwa October
Umulungu wa Kutampa October 5
Ulwimbo 199
10 min: Ukubombwapo na kalemba. Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukulanshanya ne bumba lyonse ukwa Umukululo wa Fipusho.
15 min: “Twalinonkelemo mu Mabungano ya ‘Imikalile ya Bukapepa.’” Ifipusho ne fyasuko. Langisheni kwi bumba icitabo cipya na broshuwa no kulondolola inshila twingabombelamo na fyo bwino mu butumikishi.
20 min: “‘Ukubyale Mbuto Sha Bufumu’ ku bantu Tutwalila Bamagazini.” Ukulanshanya ne bumba lyonse. Ebeni bakasabankanya bamo ukulondolola ifyo baishibene na bantu aba kutwalila bamagazini ne fyo twingacita pa kulabatwalila lyonse. Langilileni icilangililo ca kutambika magazini umo uuletambika alondolwela uulepoka ukuti akabwela ku kumuletela bamagazini abakakonkapo. Komaileni pa fintu ukukwata aba kulatwalila bamagazini kwafwilisha abantu ukupoka ukulembesha magazini, ne fyo cacindamina ukubakoselesha ukulembesha.
Ulwimbo 133 ne pepo lya kusondwelela.
Umulungu wa Kutampa October 12
Ulwimbo 42
5 min: Ukubilisha kwa pa mwenu. Landeni imitantikile yaibela iya mulimo wa mwi bala pa bushiku bwa mwikalwe. Lipoti wa ndalama.
10 min: “Bakangalila Abatungulula—Kalemba.” Ilyashi kuli kalemba wa pa cilonganino, ukulondolola imibombele yakwe. Akomaila pa cishinka ca kuti bonse kuti babombela capamo pa kulatuma amalipoti yabo aya mulimo wa mwi bala ukwabulo kucelwa cila mweshi.
10 min: Baliba no Mupashi Wacincila uwa Bupainiya. Ilyashi lya kukoselesha ukufuma muli 1998 Yearbook, amabula 104-7. Londololeni icalenga bapainiya ukufula nga nshi mu Japan, icalenga bana mayanda abengi ukutangishako ifya ku mupashi, ne calenga abengi kufwaya ukubombako bupainiya. Kabili lumbuleni abafulapo pali bapainiya ba mu Japan. Londololeni ifyo abafyashi bapainiya baba ifya kumwenako fisuma ku bana. Komaileni pa fyo bamo bateuluka nga nshi mu mikalile ilyo batendeka bupainiya. Koselesheni bonse ukutontonkanyapo bwino no kupepa, kabili bapitulukemo mu mikalile yabo ukumona nga kuti batendeka bupainiya. (Nga tamukwete Yearbook kuti mwabomfya ifyebo fya mu citabo ca Abateyanishiwa ku Kupwilikisha Ubutumikishi Bwesu, amabula 113-4)
20 min: “Bushe Mulabelenga Bamagazini?” Ifipusho ne fyasuko. Pitulukeni mu mitubululo pa fya kutantike nshita ya kubelenga kwa pa lwesu iisangwa mu Icitabo ca Kutungulula Isukulu, isambililo 4, amaparagrafu 5-6.
Ulwimbo 107 ne pepo lya kusondwelela.
Umulungu wa Kutampa October 19
Ulwimbo 16
10 min: Ukubilisha kwa pa mwenu. Landeni pa fishinka twingalandapo pa kutambika bamagazini ba nomba line. Shimikeni ifya kukumanya fya muli 1997 Yearbook, ibula 45, na mu Ulupungu lwa kwa Kalinda ulwa January 1, 1994, ibula 23. Koselesheni bonse ukubombako umulimo wa kutambika bamagazini pa mpela ya uno mulungu.
15 min: Ukukabila kwa pa mwenu.
20 min: Ifya Kupekanya Isambililo lya Ulupungu lwa kwa Kalinda. Ukulanshanya ne bumba lyonse ukutungululwa na katungulula we sambililo lya Ulupungu lwa kwa Kalinda, ukufuma mu Ulupungu lwa kwa Kalinda ulwa May 15, 1986, amabula 19-20, amaparagrafu 16-18, isambililo 7 mu Icitabo ca Kutungulula Isukulu paragrafu 11 ne sambililo 18, amaparagrafu 4-6. Ipusheni ibumba aya mepusho: (1) Mulandu nshi cacindamina ukumfwikisha Ulupungu lwa kwa Kalinda lonse ulwaisa? (2) Cinshi tufwile ukucita lintu twapokelela magazini umupya? (3) Ni nshila nshi iisuma iya kukonka pa kupekanya isambililo lya Ulupungu lwa kwa Kalinda? (4) Cinshi tufwile ukucita na malembo yaloshiweko mwi sambililo? (5) Kuti twapitulukamo shani mu fyo twasambilila? (6) Fishinka nshi ifyacindama ifyo tufwile ukwetetulapo lintu twapwisha ukupekanya isambililo lya pa lwesu? (7) Ni shani twingapekanya ifyasuko? (8) Kuti twalondolola shani mu nshila shapusanapusana lintu twaipushiwa fye icipusho cimo? Ebeni bamo ukushimika fintu babomba ifibalenga ukumfwikisha isambililo lya Ulupungu lwa kwa Kalinda.—Moneni na Abateyanishiwa ku Kupwilikisha Ubutumikishi Bwesu, amabula 65-7.
Ulwimbo 95 ne pepo lya kusondwelela.
Umulungu wa Kutampa October 26
Ulwimbo 98
10 min: Ukubilisha kwa pa mwenu. Ebeni icilonganino ifitabo fya kale ifilipo ifyo bengashitako ukulatambika mu butumikishi lintu bakumanya abengafitemwa. Apo kukaba cuti mu November na December, kukaba ishuko lya balumendo na bakashana ababatishiwa na bakasabankanya bambi ukubombako bupainiya bwa kwafwilisha.
20 min: Icumfwila ca Bukapepa mu Lupwa Lwayakanikana mu Mipepele. Ilyashi ukufuma mu Ulupungu lwa kwa Kalinda ulwa June 1, 1995, amabula 26-9. Mu cikuuku, konkomesheni no kukoselesha ababa na balume nelyo abakashi abashasumina ukutwalilila abakosa lwa ku mupashi no kuba abacincila mu kubombela pamo ne cilonganino mu mibombele yonse.
15 min: Ukukanacelwa ku Kulongana. Ukulanshanya na bakatungulula ba Masambililo ya Citabo pa Cilonganino babili nelyo batatu nelyo ababomfi batumikila, pa lwa bwafya bwa kucelwa ku kulongana. Basumina ukuti ifya kupumikisha pamo nga ifya kucitika fya mu kampampa, imiceele yabipa, ukufulisha kwa bamotoka mu musebo, nelyo fimbi kuti limo fyalenga bamunyina bamo ukucelwa. Lelo kwena bamo bacelwa fye pe. Mu nshila ya kukoselesha, balanda no kulangilila inshila ishingaafwa pa kuti kwilaaba ukucelwa: (1) ukutesekesha kwa kufuma ku mutima ukwe shuko lya kulongana ne ca kulya ca ku mupashi no kubishanya na ba bwananyina ukubako ku kulongana, (2) ukutantikila libela imibombele yonse iya fintu tulefwaya ukubomba pa lwesu, (3) ukubombela capamo ukwa kuitemenwa mu ndupwa, (4) ukulabangililako ukwima ukwishibe fyo limbi kuti kwaba ubwafya mu nshila na (5) ukukanafwaya nangu panono ukupumfyanya abo mwasanga na bekala balekutika. Bonse basuminishanya ukuti ubu bwafya bwa kucelwa ku kulongana kuti bwapwa kulila bonse twabombesha mu kutwalilila ukulafika bwangu ku kulongana.
Ulwimbo 86 ne pepo lya kusondwelela.