Ukulongana kwa Mulimo Ukwa November
Umulungu wa Kutampa November 2
Ulwimbo 38
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa July uwa Zambia no wa cilonganino cenu.
15 min: “Bonse Bafwile ‘Ukupokelela Icebo’!” Ifipusho ne fyasuko. Sanshenimo imitubululo yalundwako ukufuma mu ca mu kati ica Ubutumikishi Bwesu Ubwa Bufumu ubwa June 1996, paragrafu 21.
20 min: “Ndefwaya Isambililo lya Baibolo!” Kangalila wa mulimo alanshanya ne bumba lyonse. Londololeni ifyo icilonganino cenu citantike ukubombesha mu kucita ifipempu fya kubwelelamo. Tantikeni bakasabankanya ababelesha ukubomba na bapya. Amabumba ya muli motoka yalingile ukuba ayanono pa kuti abantu abengi bengatandalilwa. Pitulukeni mu mitubululo mu ca mu kati ica Ubutumikishi Bwesu Ubwa Bufumu ubwa August 1998, amaparagrafu 12-15. Lekeni kasabankanya wa kampuka alangilile ifya kutendeka isambililo lintu abwelela ku o atandalile. Koselesheni bonse ukubombesha ku kutendeka isambililo lipya.
Ulwimbo 35 ne pepo lya kusondwelela.
Umulungu wa Kutampa November 9
Ulwimbo 187
13 min: Ukubilisha kwa pa mwenu. Lipoti wa ndalama. Umukululo wa Fipusho.
15 min: Ukukabila kwa pa mwenu.
17 min: “Kuulaneni Ukupitila mu Kwasukapo pa Kulongana.” Ifipusho ne fyasuko. Londololeni ifyo ukwasukapo kulundapo ukulunduluka kwesu ukwa ku mupashi. (Moneni Icitabo ca Kutungulule Sukulu, isambililo 38, paragrafu 4.) Ipusheni bamo ukushimika ifyo bacimfishe ubwafya bwa kukanayasukapo ne fyo bamwenamo mu kwasukapo pa kulongana.
Ulwimbo 51 ne pepo lya kusondwelela.
Umulungu wa Kutampa November 16
Ulwimbo 182
8 min: Ukubilisha kwa pa mwenu. Pitulukeni mu fyo muteyenye imibombele ya mwi bala pa mpela ya mulungu.
20 min: “Bakangalila Abatungulula—Kangalila we Isukulu lya Butumikishi bwa Teokrasi.” Ilyashi ukulandwa na kangalila we sukulu. Pitulukeni mu Icitabo ca Kutungulule Sukulu, pa mabula 10-11, amaparagrafu 6-12.
17 min: “Bombeni Bwino mu Butumikishi Bwenu.” Ukulanshanya kwa fipusho ne fyasuko ukwa maparagrafu 1-7 mu ca mu kati. Tontomesheni pa fishinka ifikumine icifulo cenu ica kubombelamo.
Ulwimbo 167 ne pepo lya kusondwelela.
Umulungu wa Kutampa November 23
Ulwimbo 89
8 min: Ukubilisha kwa pa mwenu. Shimikeni ifya kukumanya ifili ku nkupo ya ku numa iya Loleni! uwa August 8, 1998, ukukuma ku fyo abantu batemwisha icitabo ca Umuntu Wakulisha. Bakasabankanya bonse balingile ukwibukila ukutambika ici citabo pa nshita yalinga.
17 min: “Bombeni Bwino mu Butumikishi Bwenu.” Ukulanshanya kwa fipusho ne fyasuko ukwa maparagrafu 8-21 mu ca mu kati. Lanshanyeni fye ifishinka ifikumine icifulo cenu ica kubombelamo.
20 min: Imitubululo pa fya Kuwamyako Ukubelenga Kwenu Ukwa Baibolo. Ilyashi ukufuma mu Ulupungu lwa kwa Kalinda ulwa May 1, 1995, amabula 16-17. Komaileni pa kumwenamo kwa ku mupashi ukufuma mu kubelenga Baibolo cila bushiku. Pitulukeni mu mitubululo ilangililwe, kabili landeni pa fyo ingabomfiwa. Lekeni bakasabankanya babili nelyo batatu bashimike ifyo bamwenamo mu kubelenga Icebo ca kwa Lesa cila bushiku.
Ulwimbo 46 ne pepo lya kusondwelela.
Umulungu wa Kutampa November 30
Ulwimbo 64
15 min: Ukubilisha kwa pa mwenu. Cinkuleni bonse ukutuma amalipoti ya mulimo wa mwi bala. Koselesheni bonse abashatendeke amasambililo ya Baibolo mu November ukutwalilila ukubombesha mu December. Lekeni kasabankanya wa kampuka alangilile icipempu ca kubwelelamo ukubomfya umukululo pe bula 19 mu citabo ca Ukwishiba; kasabankanya alondolola ifyo icitabo cingabomfiwa ku kumfwikisha ifisambilisho fya Baibolo no kutendeka isambililo.
15 min: Bomfyeni Bwino Kalenda uwa Nte sha kwa Yehova uwa 1999. Ilyashi. Londololeni ifyaba muli kalenda: (1) ifikope fya kucebusha ifilangisha ifya kucitika fikalamba ifya mu Baibolo ne fisambilisho, (2) ukutantika kwa kubelenga Baibolo cila mulungu ukwe Isukulu lya Butumikishi bwa Teokrasi, (3) ukutantika kwa cila mwaka ukwa kubelenga Baibolo mu mulungu wa Cibukisho, (4) ifishibisho fya kupitulukamo kwa kulemba, no (5) kucinkulako kwa kubombako lyonse mu mulimo wa magazini. Landeni pa nshila sha kubomfeshamo incende shapayanishiwa ku kulembapo ukutantika kwa mulimo wa mwi bala, ukulembapo amalipoti ya mulimo wa mwi bala na mashina ya ba kubomba na bo, ukulembapo amalyashi ya mu kulongana, ukulembapo inshiku kangalila wa muputule akatandala ne nshiku sha kulongana kukalamba ukuleisa. Ukubika kalenda pa ncende isuma mu ng’anda nelyo ku ncito, kuti kwaletako amashuko ya kulanshanya ifya mu Amalembo. Shimikeni ifya kukumanya ukufuma muli 1988 Yearbook, pe bula 8.
15 min: Ukumwenamo Muli Broshuwa Mupya uwa Cinshi Cicitika Nga Twafwa? Pitulukeni mu fishinka fikalamba ifyabamo. Uyu broshuwa alondolola ukwafumine icisambilisho icitila umweo taufwa kabili abebeta ifyo iyi mfundo yacindama ku mipepele iingi iya mwi sonde. Alondolola mu nshila ya kucebusha ifyo Baibolo isosa pa lwa mweo, umulandu tufwila, imibele ya bafwa, isubilo lya bumi umuntu nga afwa, no mulandu tukabila ukwishiba icine pa lwa iyi milandu. Bonse balingile ukubelenga uyu broshuwa. Langilileni fimo ifya filangililo 40 ukusanshako ukwambula ukwalembwa ku ntendekelo ya ciputulwa cimo na cimo, ifingabomfiwa ku kulenga abantu batemwe ici citabo. Langilileni ifyo iciputulwa ca kulekelesha cingabomfiwa lintu muletambika isambililo lya Baibolo ilya mu ng’anda. Lekeni bakasabankanya balande pa fyo balepekanya ukubomfya broshuwa mupya mu butumikishi.
Ulwimbo 121 ne pepo lya kusondwelela.