Ukubilisha

◼ Ulupapulo lwa kutambika mu January: Ifitabo ifili fyonse ifya mabula 192 ifyasabankanishiwe pa ntanshi ya 1985 ifilipo pa cilonganino. Ifilonganino ifishikwete ifi fitabo kuti fyaorda ifyakonkapo ku Sosaite: Umutelelwe wa mu Kusalala kwa Calo pe Samba lya kwa “Cilolo wa Mutende” mu ciNgeleshi. Ifi fitabo fili pa mutengo waibela uwa K400.00 kuli bapainiya na K500.00 kuli bakasabankanya ne cintubwingi. Twapaapaata ifitabo Ukwishiba Uko Kutungulula ku Mweo wa Muyayaya, Icaba Inkaama ku Nsansa sha Lupwa, ne citabo cipya ica Is There a Creator Who Cares About You? tafisanshiwemo. Ifilonganino ifingi nafikwata ifitabo fya Ukulenga Ubumi bwa Lupwa Lobe Ubwa Nsansa na Kuti Waikala Kuli Pe na pe muli Paradise Pe Sonde (Icikalamba ne cinono), tambikeni ifi ifitabo uno mweshi. February: Icaba Inkaama ku Nsansa sha Lupwa. March: Ukwishiba Uko Kutungulula ku Mweo wa Muyayaya. Kukaba ukubombesha kwaibela ku kutendeka amasambililo ya Baibolo aya mu ng’anda. April: Kampeni wa kulembesha Ulupungu lwa kwa Kalinda. Lyonse muleenda na broshuwa wa Cintu Lesa Afwaya no kwesha ukutendeka amasambililo ya Baibolo aya mu ng’anda ku bengatemwa ukusambilila.

◼ Bakasabankanya bonse ababatishiwa abakasangwa ku Ukulongana kwa Mulimo umulungu wa January 4 bakapoka kardi wa Advance Medical Directive/Release na ma Identity Card aya bana babo.

◼ Ukutendeka mu February, kabili te kucila pa March 1, bakangalila ba muputule bakatendeka ukulanda ilyashi lipya ilya mutwe wa kuti: “Lesa Aba Shani Uwa Cine Cine Kuli Imwe?”

◼ Amaorda ya bamagazini balundwapo aba kubomfya mu March ukufika mu May yafwile ukutumwa ku Sosaite lino line. Bilisheni ku cilonganino ukwipusha bonse abalepanga ukubomba bupainiya pa kuti mwishibe bamagazini balundwapo abo cila muntu akafwaya ukubomfya ne myeshi akabafwaya. Lintu mukasansha pamo isho mpendwa, mukeshiba bamagazini balundwapo abo mufwile ukuorda. Bomfyeni formu wa M-202 ukulangilila bwino bwino impendwa ya bamagazini abo mulefwaya no mweshi wa abo bamagazini. Lembenipo ukuti uyu ni orda waibela. Mwilaba ukuti aba ni bamagazini balundwapo e co bamagazini ba cilonganino cenu abesa lyonse na bo bene bakatumwa.

◼ Kangalila wa kutangilila afwile ukubebeta capamo na kalemba ifyakonkapo: Bushe kuli bakasabankanya abakuuka ukufuma mu cilonganino nomba line? Bushe kalata alitumwa ku cilonganino ukwaya bakasabankanya pa kuti bengasengelwa no kwaafwiwa na bamunyina kulya? Bushe kuli bakasabankanya abakuukila mu cilonganino cenu nomba line? Bushe kalemba alilembeshanya na kalemba wa cilonganino ico bafumineko? Bushe ifyalembwa fya bukasabankanya fyalitumwa?

◼ Ifilonganino filingile ukupekanya bwino bwino ukusefya Icibukisho uno mwaka pali Cine, April 1, cilya akasuba kawa. Nangu line ilyashi nalimo kuti lyatendeka mu kubangilila, ukupishamo ifimpashanya fya Cibukisho takulingile ukutendeka ukufikila akasuba kawa. Ipusheni abalashi uko mwaba bamwebeko inshita akasuba kawilapo. Nangu line cilafwaikwa ku filonganino fyonse ukuisefesha Icibukisho pa lwabo abene, napamo ici te lyonse cingabomba. Uko ifilonganino ifingi fibomfya Ing’anda ya Bufumu imo, napamo icilonganino cimo nelyo ifingi kuti fyaashima icikuulwa cimbi ica kusefeshamo Icibukisho pali cilya cungulo bushiku. Nga kuti cabomba pa mwenu, kuti cawama nga mwatantika ukutendeka programu wenu pa numa ya baminiti 40 ukufuma apo bambi bakafuminamo, pa kuti mukabeko ne nshita ya kuposhanya na beni, ukukoselesha abapya abalefwaya ukusambilila icine, ku kumwenamo nga nshi muli uku kulongana. Mufwile ukupekanya bwino aba kulangilila fintu bamotoka bafwile ukwenda no kwimikwa, na pa kuselukila no kuninina ku baleisa ku Cibukisho. Baeluda bakapingulapo imitantikile iingabomba bwino ku mwenu.

◼ Ilyashi lya Cintubwingi ilyaibela mu nshita ya Cibukisho ca 1999 likalandwa pa Mulungu, April 18. Umutwe wa ili lyashi ukalati: “Bucibusa bwa Cine Cine Kuli Lesa na ku Bantu Bonse.” Autulaini akatumwa. Ifilonganino ifikaba no mulungu waibela, ukulongana kwa muputule, nelyo ubushiku bwa kulongana kwaibela muli ilya mpela ya mulungu, fikalanda ilyashi umulungu ukakonkapo. Takuli icilonganino icilingile ukulanda ili lyashi libe April 18, 1999 tailafika.

◼ Cilemoneka ukuti mu filonganino ifingi amatrakiti ya Imbila Nsuma Namba 34 na 35 e mo yacili. Bomfyeni aya matrakiti nga filya fiine mubomfya amatrakiti yonse mu mulimo wa mwi bala. Nga mulefwaya na yambi, kuti mwaorda ukubomfya formu wa lyonse uwa S-14 ukusanshako fye na Matrakiti Namba 13-16 na Namba 19-22.

◼ Impapulo ishilipo:

Is There a Creator Who Cares About You?—IciFrench ne ciSwahili

Imbileni Yehova Amalumbo—IciLozi

The Time for True Submission (ica kutambika ku baShilamu)—IciNgeleshi

Kalenda wa Nte sha kwa Yehova uwa 1999—Icibemba IciChewa, IciNgeleshi

◼ Amakaseti ayalipo:

Keep Your Eye Simple—IciNgeleshi