Ukulongana Kwa Mulimo Ukwa June
Umulungu wa Kutampa June 7
Ulwimbo 45
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Ilyashi lya Teokrasi.
15 min: “Tusambilishiwa na Yehova.” Ipifyeni imitendekele ukukanacila pali miniti umo, kabili konkanyenipo ukulanshanya kwa cipusho ne casuko. Ipusheni abali mwi bumba ukulanda pa fintu banonkelamo mwi Sukulu lya Butumikishi bwa Teokrasi, Isukulu lya Mulimo wa Bupainiya, Isukulu lya Butumikishi bwa Bufumu, na yambi. Komaileni pa fintu aya masukulu yaafwa abantu ba kwa Yehova ukubomba bwino sana mu butumikishi.
20 min: “Bomfyeni Bwino Inshita Yenu.” Katungulula we Sambililo lya Citabo pa Cilonganino alanshanya na kasabankanya umo nelyo babili ababelesha. Bashimika ifyo babomfya inshita pa kuti babombeko mu kukumanina mu mulimo wa mwi bala ukufika pantu bengapesha. Balondolola ubucindami bwa kutantika kwayanguka ukukonka, no kukomaila pa kuti mufwile ukukwata uko kutantika. Balondolola ifyo basengauka ifintu fyonaula inshita pamo nga ukucelwa ukutampa, ukukanapekanishisha bwino, nelyo ukwambaula sana ilyo bali mu butumikishi. Peeleniko imitubululo ingabomba pa kuti mubomfye nshita bwino ukulingana ne cifulo mwikalako.
Ulwimbo 48 ne pepo lya kusondwelela.
Umulungu wa Kutampa June 14
Ulwimbo 63
10 min: Ukubilisha kwa pa mwenu. Lipoti wa ndalama.
15 min: Ukukabila kwa pa mwenu.
20 min: “Bushe Kuti Mwayafwako?” Ukulanshanya ne bumba lyonse ukutungululwa na eluda. Sanshenimo imitubululo yapeelwa muli Loleni! wa October 8, 1995, amabula 8-9 pa lwa kwafwa abafyashi abashimbe. Ebeni bamo ukulanda pa fyo batasha pa kwafwa kwa kutemwa uko babafwako kuli bambi mu cilonganino.
Ulwimbo 53 ne pepo lya kusondwelela.
Umulungu wa Kutampa June 21
Ulwimbo 72
10 min: Ukubilisha kwa pa mwenu. Bilisheni ukutantika kwaibela ukwa mulimo wa mwi bala pa nshiku sha mwikalwe isha July 1 na 2. Citeniko icilangililo icipi ukushimpwa pa mukululo uleti, “Tatuli Basulwishi.” Bomfyeni ica kukumanya pe bula 21 ilya Ulupungu lwa kwa Kalinda ulwa April 1, 1998.—Moneni ne citabo ca Ukupelulula, amabula 20-21.
17 minKonkeleleni Ubuyo bwa Mulimo wa Nshita Yonse. Eluda alanshanya no mupungwe umo nelyo babili, ukushimpwa pa Ulupungu lwa kwa Kalinda ulwa December 15, 1988, amabula 25-7. Abacaice baleesha ukupingula ifyo balefwaya ukucita nga bapwishe sukulu. Balefwaisha incito sha ku calo pantu kuti shabapeela ifikwatwa ifingi. Eluda alondolola umulandu cingawamisha sana ukutinamina bupainiya. Abapungwe basumina lelo batwishika nga kuti babomba bupainiya no kulaipayanishisha ifya ku mubili. Eluda abashimikila ifya kukumanya ukufuma muli ci cine cipande ca Ulupungu lwa kwa Kalinda, ukulangisha ukuti bupainiya buyo bwalinga, ubo bengafikilisha ubuletela abengi ubuseko. Pa mpela ya kulanshanya, abapungwe batasha eluda pa fintu abeba no kusoso kuti bali no kutontonkanyapo sana pa kusupila ubuyo bwa kubombako umulimo wa Bufumu mu kukumanina.
18 min: “Bushe Mulolesha fye Ubuntu bwa ku Nse?” Ilyashi no kulanshanya ne bumba lyonse. Komaileni pa mulandu tushilingile ukususwa ukutontonkanyapo fimo pa bantu tulekumanya. Mu kwipifya landeni pe sambililo Yehova asambilishe Yona, uyo walubile no kupingula abo alemona ukuti babifi. (Moneni Ulupungu lwa kwa Kalinda ulwa August 15, 1997, amabula 21-2, amaparagrafu 17-19.) Ipusheni ibumba ukulanda pa bantu bapusanapusana bakumanyapo mu cifulo cabo ica kushimikilamo, bashimike ifyo bashisuula abantu ba musango yo no kushiila ubupingushi kuli Yehova.
Ulwimbo 77 ne pepo lya kusondwelela.
Umulungu wa Kutampa June 28
Ulwimbo 85
12 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya June. Landeni pa ca kutambika mu July. Langisheni amabroshuwa mukwete pa cilonganino, no kutubulula ulubali lumo nangu shibili isho twingalangisha ilyo tuleshalika. Sanshenimo icilangililo capekanishiwa bwino.
13 min: Mulandu Nshi Yehova Alekela Abantu Bakwe Ukupakaswa? Ilyashi kuli eluda ukushimpwa pa Ulupungu lwa kwa Kalinda ulwa May 15, 1998, amabula 16-20. Nga fintu Yesu asobele, ‘twaba abapatwa ku bantu bonse.’ (Mat. 24:9) Kuti twalolenkana no kukaanya ilyo tulebomba mu butumikishi, ilyo tulebishanya na balupwa ba ku calo, nelyo ilyo tuli ku ncito nelyo ku sukulu na bashili Inte. Kalanda mu nshila isuma alondolola umulandu Yehova alekela ukupakaswa kwa musango yo nelyo ukukaanya na fintu ukushipikisha kwesu kwi pele pele kukaleta amapaalo.
20 min: Ipekanyeni Ukucita Ubunte bwa mu Lyashi. Lyonse tulakumanya amashuko ya kushimikila ku bantu tukumanya. Nga kwaba ishuko, kuti twasange fyo tatukwete Baibolo nelyo ulupapulo lwa kubomfya. Pekanishisheni libela. Ku ng’anda, mulebikako impapulo shimo mupepi na ku mwinshi ku kupeelako abeni. Longeniko impapulo shalekanalekana mu cola, nelyo mu cikwama, no kusenda nelyo ukubika mu motoka, nelyo ku ncito, atemwa ku sukulu. Ilyo muli muli bamotoka ba cintubwingi, sendeniko shimo. Ilyo muleya ku fya makwebo, sendeniko impapulo, na lintu muleya kwi bungano, nelyo pa cuti. Landeni pa mitubululo yalundwapo mu Citabo ca Kutungulula Isukulu, amabula 80-2, amaparagrafu 11-16. Mu kwipifya langilileni inshila sha kutununukilamo kashitisha, uwa pa ncito, umwana we sukulu, uo tuli nankwe muli basi, nelyo abo tuli na bo uko twaya pa cuti.
Ulwimbo 75 ne pepo lya kusondwelela