Ukubilisha

◼ Impapulo sha kutambika mu September: Ukwishiba Uko Kutungulula ku Mweo wa Muyayaya nelyo Umuntu Wakulisha Uwabalile Abako Uwa Mweo. October: Ukulembesha Ulupungu lwa kwa Kalinda na Loleni! November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya nelyo Ukusokolola—Akalume ka Kuko Kakalamba Nakapalama!. December: Ukwishiba Uko Kutungulula ku Mweo wa Muyayaya nelyo Umuntu Wakulisha Uwabalile Abako Uwa Mweo.

◼ Kangalila wa kutangilila nelyo umbi uo akasonta afwile ukupenduluka mu maakaunti ya cilonganino pa September 1 nelyo bwangu bwangu pa numa. Ilyo ico cacitwa, bilisheni ku cilonganino lilya mwapwa ukubelenga lipoti wa ndalama.

◼ Baeluda balecinkulwako ukukonka amakambisho yaba mu Ulupungu lwa kwa Kalinda ulwa April 15, 1991, amabula 21-23, ukulosha ku bantu batamfiwa nelyo abaifumya abalemoneka kwati kuti batemwa ukubweshiwa.

◼ Cili icacindama ukuti ibumba lya bantu 20 nelyo ukucilapo abalepanga ukutandalila amaofeshi ya Sosaite ku Makeni bafwile intanshi batuma kalata nelyo lamya ku Bethel Office. Ukutandasha kubako pali Cimo ukufika pali Cisano, ne nshita ya 8:00 hrs ukufika 15:00 hrs. Takuba ukutandasha pa numa ya 15:00 hrs na pa mpela ya milungu. Tumeni impendwa ya bantu abakesa no bushiku ne nshita mukatandala. Ilyo mushilaima, shi pitulukeni mu fyebo fya Umukululo wa Fipusho mu Ubutumikishi Bwesu Ubwa Bufumu ubwa March 1998.

◼ Sosaite taituma amaorda ya mpapulo aya muntu pa lwakwe. Kangalila wa kutangilila afwile apekanya ukuti kuleba ukubilisha cila mweshi ilyo icilonganino tacilatuma orda wa mpapulo ku Sosaite pa kuti bonse abalefwaya ukuorda impapulo bengalembesha kuli munyina abombela ku fitabo. Ibukisheni ukuti impapulo sha kuorda kwaibela shifwile ukutuminwa pamo ne ndalama.

◼ Bonse abasangilweko ku Mabungano ya Citungu na ya pa Kati ka Nko aya mu 1998 ayaleti “Imikalile ya Bukapepa,” balisekelele icine cine. Pali bene pali 2,764 bamishonari na bakabomba ba makuule aba Sosaite abafuma mu fyalo fimbi. Bailetandala ku fyalo ku mwabo pa mulandu wa kuti balyafwilishiwe ku misangulo ya bukapekape ukufuma mu filonganino. Tuletasha nga nshi pali ubu bwafwilisho. Apo yalya mabungano yalipita, indalama shishelepo shikabomfiwa ku kulundulula umulimo wa kushimikila uwa mwi sonde lyonse.

◼ Impapulo Ishilipo:

1998 Watchtower Publications Index—mu ciNgeleshi

Cinshi Cintu Lesa Afwaya Kuli Ifwe?—mu ciFrench

Apply Yourself to Reading and Writing (Ica Kwaafwa Ukubelenga icipya—K2,500 bakasabankanya, bapainiya ni K2,000.00)—mu ciNgeleshi

◼ Ukutendeka no lwa September 1, 1999, Ulupungu lwa kwa Kalinda lukatendeka ukufuma lumo pa mweshi mu lulimi lwa ciKazakh.

◼ Waini wa pa Cibukisho: Ifilonganino fyabela mu mishi kuti fyaorda waini pali ino ine nshita. Tumeni S-20 apali indalama sha waini sheka. Lembenipo pa mupelwa umo fye mu kumonekesha ukuti “INDALAMA SHA WAINI.” Mwikatuma kalata nelyo S-14, mukatume fye S-20 yeka. Takwakabe ukumutumina waini nga tamwakatumine orda wenu pamo ne ndalama. Umutengo wa kabotolo ka 200ml ni K1,500.00. Ubushiku bwa kupelako ukubombela pa maorda ya waini ni pa December 31, 1999. Tukamutumina waini mu February 2000.