Ukulongana kwa Mulimo Mu September
Umulungu wa Kutampa September 6
Ulwimbo 190
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
17 min“Bushe Mulebomba ne Mifwaile?” Intendekelo yenu taifwile yacila pali miniti umo, kabili tendekeni ukulanshanya kwa fipusho ne fyasuko. Landeniko na pa fyebo fisangwa mu citabo ca Abateyanishiwa, amabula 88-89. Koselesheni bonse ukuba no mute kabili ukulabomba bwino mu butumikishi.
18 min: “Mwe Bafyashi—Imikeni ica Kumwenako Cisuma ku Bana Benu.” Mu kwipifya, eluda alandapo amashiwi ya kwiswila, lyena bamunyina babili abafyashi batendeka ukulanshanya icipande. Bailishanya pa fyo basakamikwe pa lwa kucingilila abana ku misango yabipa bamona ku sukulu, pa televishoni, na kuli balupwa na bantu bambi abashili Nte. Bamunyina balanda pa misango imo iya musaalula, imilandile ya ku calo ne mifwalile, na pa fya kusekesha fishawama. Cilya balanshanya pa fyo bengemikila abana ica kumwenako, balanda na pa fyo bengacincisha indupwa shabo ukutemwisha isambililo lya lupwa, ukulongana kwa pa cilonganino, no mulimo wa mwi bala.—Moneni Ulupungu lwa kwa Kalinda ulwa July 1, 1999 amabula 8-22 na Loleni! wa October 8, 1991, amabula 25-26.
Ulwimbo 101 ne pepo lya kusondwelela.
Umulungu wa Kutampa September 13
Ulwimbo 171
10 min:Ukubilisha kwa pa mwenu. Lipoti wa ndalama.
15 min: Twabombele Shani Umwaka Wapwile? Ilyashi na kangalila wa mulimo. Landeniko ifipulilemo muli lipoti wa cilonganino uwa mwaka wa mulimo uwa 1999. Tasheni icilonganino pa fisuma ifyo bapwishishishe. Landeniko na pa mbali ishilekabila ukuwamyako. Komaileni pa fyo icilonganino cabombele ukulosha ku kusangwa ku kulongana no kutungulula amasambililo ya Baibolo. Landeniko amabuyo yengabomba mu mwaka wa mulimo uupya.
20 min: “Cinshi Mukasosa ku MuHindu?” Ifipusho ne fyasuko. Komaileni pa bucindami bwaba mu kulanda pa fyo umuntu aishiba, kabili landenipo fimo fimo ifyo twaishiba ifyo na baHindu baishiba. Londololeni ifyo imitubululo ipeelwe ingateululwa ku kushimikila ku bantu abapepa konse kumbi. Citeniko icilangililo capekanishiwa bwino pa fya kushimikila ku muHindu. Ku fyebo fyalundwapo pa lwa baHindu, moneni ica mu kati ica Ubutumikishi Bwesu Ubwa Bufumu ubwa February 1998; icitabo ca Ukupelulula, amabula 21 na 22; ne citabo ca Ukusapika Lesa Ukwa Mutundu wa Muntu, icipandwa 5.
Ulwimbo 140 ne pepo lya kusondwelela.
Umulungu wa Kutampa September 20
Ulwimbo 193
12 min: Ukubilisha kwa pa mwenu ne fya kukumanya fya mu mulimo wa mwi bala.
15 min: Ukukabila kwa pa mwenu.
18 min: Bushe Mfwile Ukuilunda ku Kuteyanya? Ukulanshanya ne bumba ukushimpwa pa fyebo mu citabo ca Ukupelulula amabula 374-78. Ilingi line tulalanda na bantu abapokelela ubukombe bwa Bufumu lelo abashifwaya “ukuilunda” ku kuteyanya kwa fya mapepo. Londololeni ubupilibulo bwe shiwi lya “ukuteyanya,” kabili landeni na pa mibele 7 iishibisha ukuteyanya kwa kwa Yehova ukumoneka. Londololeni umulandu kwapusanina na mateyanyo yambi aya mipepele no mulandu ukubishanya na kwene kwingaletela amapaalo yene yene.
Ulwimbo 175 ne pepo lya kusondwelela.
Umulungu wa Kutampa September 27
Ulwimbo 141
15 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya September. Koselesheni bonse ukuipekanya ukubombesha muli kampeni wa kutambika ukulembesha mu October. Landeniko pa mitubululo imo imo iyali mu Ubutumikishi Bwesu Ubwa Bufumu ubwa October 1996, ibula 8, pa fya kupekanya imilandile. Landeni pa fishinka fisuma ifya kulandapo pa kutambika bamagazini ba nomba line, kabili mu kwipifya citeniko icilangililo cimo nelyo fibili.
15 min: Umukululo wa Fipusho. Ilyashi na eluda.
15 min: “Ukupepa kwa Cine Kulelunduluka mu Eastern Europe.” Eluda alanda lino lyashi ukupitila mu fipusho ne fyasuko. Shimikeni ifya kukumanya nelyo ubushinino bwa kuti kwali ukulunduluka mu fyalo filumbwilwe, nga fintu amalipoti ya mu maYearbook yalangilila.
Ulwimbo 87 ne pepo lya kusondwelela.