Ukutantika Ukulongana kwa Mulimo
Umulungu wa Kutampa January 10
Ulwimbo 107
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
15 min: “Ukulenga Ishina lya kwa Yehova Ukwishibwa mwi Sonde Lyonse.” Ukulanshanya kwa fipusho ne fyasuko. Landeniko ne fyebo pa lwa bunte bwa mu lyashi ukufuma mu citabo ca Abateyanishiwa, amabula 93 na 94.
20 min: Ukusalapo Ukulingana ne Funde pa lwa Kundapwa Ukwabula Umulopa. (Imil. 15:28, 29) Ilyashi ukulandwa na eluda wafikapo. Likashimpwa pali kalata wa pa November 16, 1992, uwatuminwe ku filonganino fyonse. Ilyo kuno kulongana kwalapwa, Inte sha kwa Yehova shonse ishabatishiwa shalapoka kardi mupya uwa Advance Medical Directive/Release, kabili ababa na bana abaice abashabatishiwa balapokela abana babo ama Identity Card. Takuli ukulembapo icili conse pa makardi ilyo ukulongana kwalapwa. Yafwile ukulembwapo bwino bwino ku ng’anda, lelo TE KUSAINA. Ukusaina, ukwikalila ubunte, no kulemba inshiku pa makardi yonse kukabako pe Sambililo lya Citabo pa Cilonganino ilikakonkapo. Katungulula we Sambililo lya Citabo akafwilisha bonse abengakabila ubwafwilisho pa fya kusaina amakardi. Ilyo mushilasaina, shininkisheni ukuti amakardi nayesushiwa bwino bwino. Abaleikalila ubunte bafwile ukumonako ilyo umwine wa kardi alesaina. Bakasabankanya abashabatishiwa kuti balemba pa mapepala yabo abene na ya bana babo, ukukopolola ifyebo ukulingana ne mibele yabo na fintu basuminamo. Bakatungulula ba masambililo ya citabo bafwile ukushininkisha ukuti bonse ababa mwi bumba lyabo abalefwaya ubwafwilisho baafwiwa pa kusaina amakardi ya Advance Medical Directive/Release. Pa kuti tucingililwe bwino ukulingana ne funde lya buteko, uyu kardi afwile ukwisushiwa bwino onse.
Ulwimbo 155 ne pepo lya kusondwelela.
Umulungu wa Kutampa January 17
Ulwimbo 12
10 min: Ukubilisha kwa pa mwenu. Lipoti wa ndalama.
15 min: Ukukabila kwa pa mwenu.
20 min: “Ukusangwa Lyonse ku Kulongana—Kwalicindama pa Kuti Twingeminina Abashangila.” Ilyashi no kulanshanya ne bumba lyonse.
Ulwimbo 57 ne pepo lya kusondwelela.
Umulungu wa Kutampa January 24
Ulwimbo 110
10 min: Ukubilisha kwa pa mwenu. Landeni na pa Umukululo wa Fipusho.
15 min: “Bebeteni Icebo ca kwa Yehova Cila Bushiku!” Ilyashi no kulanshanya ne bumba lyonse. Koselesheni bonse ukubomfya bwino akatabo ka Ukubebeta Amalembo Cila Bushiku mu 2000. Landeni na pa fyaba mu Intendekelo, amabula 3-4. Ipusheni bakasabankanya bashimike ifyo bapaatulako inshita ya kulungatika ku kubebeta ilembo lya cila bushiku na mashiwi yalandilwepo.
20 min: “Beni Abashilimuka pa Kutambika Impapulo Shesu.” Ukulanshanya kwa fipusho ne fyasuko. Cilya mwalanshanya paragrafu 7, pekanyeni ukuti bakasabankanya ababelesha babili nelyo batatu baciteko ifilangililo ifipi ukubomfya imitubululo imo pali ilya ili mu maparagrafu 4-7.
Ulwimbo 157 ne pepo lya kusondwelela.
Umulungu wa Kutampa January 31
Ulwimbo 16
12 min: Ukubilisha kwa pa mwenu. Cinkuleniko bonse ukuleta amalipoti ya mulimo wa mwi bala aya January. Landeni pa lupapulo lwa kutambika mu February: Icitabo ca Insansa sha Lupwa. Langilileni ifyo ifipusho fitatu ifyaba mu mukululo pe bula 12 fingabomfiwa nge lyashi lya kulanshanyapo no muntu. Londololeni ukuti twakulapoka akali konse ako umuntu engasangwilako ku butumikishi bwesu ubwa mwi sonde lyonse.
15 min: Icasuko ku Cipusho pa lwa ‘Ukuceleka.’ Ilyashi na eluda, likafuma mu Ulupungu lwa kwa Kalinda ulwa July 15, 1999 pa mabula 18 na 19.
18 min: Ifya Kwafwa Abantu Ukwishiba Ukupepa kwa Cine. Umubomfi utumikila uwafikapo alanshanya na bakasabankanya abafikapo babili nelyo batatu. Balanshanya pa fyo abantu bamo bamona Inte sha kwa Yehova ukuti bantu abasuma lelo balifilwa ukumona bwino bwino ubupusano bwaba pa mipepele imbi ne mipepele yesu. Landeni pa fishinka 7 ifyaba pa mabula 288 na 289 mu citabo ca Ukupelulula. Londololeni ifyo ukwishiba ifi fyebo kwingafwa umuntu wa mutima wafumaluka ukumona ifishinka fibili, ubupusano bwaba pa kupepa kwa bufi no kwa cine no mulandu cingabela icisuma ukusambilishiwa na bantu ba kwa Yehova no kulabishanya na ifwe.
Ulwimbo 60 ne pepo lya kusondwelela.
Umulungu wa Kutampa February 7
Ulwimbo 113
8 min: Ukubilisha kwa pa mwenu.
17 min: Ukulanda pa Fishinka Fimo Fimo mu Citabo ca Ukusesema kwa kwa Daniele. Ilyashi no kulanshanya ne bumba lyonse. Landeni pa fishinka fikalamba ifyaba muli ci citabo cipya, ifili nga: Imitwe ya lyashi iya kucincimusha, ifikope ifisuma, imikululo ya fipusho ifilenga umuntu ukutontonkanya ifyaba ku mpela ya cipande cimo na cimo, bamapu na macharti ifilenga ilyashi ukumfwika. Landeni pa fyebo fya kukoselesha pa lwa fintu Mikaele “akema” mu nshila yaibela. (Amabula 288-90) Landeni pa bucindami bwaba mu kushipikisha nga bakasambilisha ba Cebo ca kwa Lesa. (Amabula 311-12) Bonse tulingile ukubelenga icitabo bwino bwino pa lwesu, no kukoselesha abalefwaya ukusambilila icine ukucibelenga na bo bene.
20 min: Balisalile Umulimo Usuma. Ilyashi ukufuma mu Ulupungu lwa kwa Kalinda ulwa October 15, 1997, amabula 19-21, amaparagrafu 3-16. Shimikeni ukulandapo kumo ukwa bapainiya, umulandu bayumfwila ukuti imikalile yabo yalibaletela ifilambu ifingi nga nshi kabili balimwenamo. Koselesheni ibumba ukumona nga kuti babombako bupainiya na bo bene.
Ulwimbo 182 ne pepo lya kusondwelela.