Ukubilisha

◼ Impapulo sha kutambika mu August: Kuti mwabomfya amabroshuwa ya mabula 32 pali aya: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Ipakishe Ubumi pe Sonde kuli Pe na Pe!, Ishina lya Bulesa Ilikatwalilila Kuli Pe na Pe, na Kamfulumende Iikaleta Paradise. Amabroshuwa yakonkapo kuti yashalikwa nga calinga: A Book for All People, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Our Problems—Who Will Help Us Solve Them?, na Will There Ever Be a World Without War? September na October: Ulupungu lwa kwa Kalinda na Loleni! ilyo mwabwelelako, ipusheni nga kuti batemwa ukulembesha. Ku mpela ya October, tukatendeka ukwananya trakiti wa Imbila Nsuma Na. 36 uwa mutwe wa kuti, “Bushe Iyi Myaka 1,000 Iipya, Finshi Imukwatile ku Ntashi?” November: Tukakonkanyapo ukwananya trakiti wa Imbila Nsuma Na. 36. Ifilonganino fikapwisha ukupeela amayanda yonse ayo fyapeelwa nelyo icifulo, kuti fyatendeka ukutambika broshuwa wa Cintu Lesa Afwaya nelyo icitabo ca Ukwishiba. Nga abantu balikwata kale ifi fitabo, kuti mwatambika icitabo ca Ikala Kuli pe na Pe nelyo ica Creation.

◼ Kangalila wa kutangilila nelyo umbi uwasontwa na wene afwile ukupenduluka mu maakaunti ya cilonganino pa September 1 nelyo mu kwangufyanya fye pa numa. Ilyo ico cacitwa, bilisheni ku cilonganino pa kubilisha lipoti wa ndalama.

◼ Ifilonganino fifwile ukutendeka ukuorda Kalenda wa Nte sha kwa Yehova uwa mu 2001 pa kuorda ifitabo mu September. AmaKalenda yakabako mu Cibemba, mu ciChewa, mu ciKaonde, mu ciLozi, mu ciLubale, mu ciNgeleshi, mu ciTonga na mu ciTumbuka.

◼ Amaformu yakumanina aya kubomfya mu mwaka onse uwa mulimo uwa 2001 yaletumwa ku filonganino fyonse. Shi bomfyeni bwino aya maformu. Yafwile ukubomfiwa fye ku mulimo wa yako.

◼ Ukupenda kwa pa mwaka ukwa fitabo fyonse ifilipo na bamagazini kufwile ukubako pa August 31, 2000, nelyo mu kwangufyanya sana pa numa. Uku kupenda kukaba cimo cine na kulya ukwa cila mweshi lilya kampanya apenda ifitabo fyonse ifilipo pa mpela ya cila mweshi, kabili ifitabo fyonse ifilipo fifwile ukulembwa pali formu wa (S-18). Ipusheni ababombela kuli bamagazini mu cilonganino cimo na cimo bamwebe impendwa ya bamagazini balipo mwi bumba lyenu ilya pa Ng’anda ya Bufumu. Icilonganino cimo na cimo icileampanya cikapokelela amaformu yatatu aya Ukupenda Ifitabo (S-18). Shi tumeni formu wa kubalilapo ku Sosaite ilyo September 6 ishilafika. Sungeni formu wa bubili mu mafaelo yenu. Formu wa butatu nalimo kuti abomfiwa ku kulembapo pa kupenda. Kalemba wa mu cilonganino icileampanya afwile ukwangalila uku kupenda. Kangalila wa kutangilila na kalemba aba mu cilonganino icileampanya bakasaina uyu formu.

◼ Tulefwaya ukuti bapainiya ba nshita yonse abatendeke pa October 1, 1999 nelyo abatendeke kale, abashasangwa ku Sukulu lya Mulimo wa Bupainiya beshibe ukuti isukulu likabako ukutendeka pa October 2 ukufika pa 15, 2000. Shi pekanishisheni libela ukusangwa ku Sukulu lya Mulimo wa Bupainiya mu October, kabili ibukisheni ukuti uku kupayanya kwafuma kuli Yehova. Kangalila wa muputule akamwebako ifyebo na fimbi.