Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya May 1 ukufika ku August 21, 2000. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Ifyo Gideone ayaswike abena Efraimu abamwebawile apabula umulandu fyalangilile ukuti ali uwanakilila kabili uwaicefya, e calengele no kuti ubukali bwabo ubushalolelemo bupwe no kubakilila umutende. (Abapi. 8:1-3) [Ukubelenga Baibolo ukwa cila mulungu.]
2. Nangu line Manoa atile “tumwene Lesa,” ena no mukashi wakwe bamwene uwa kulandilamo wa kwa Lesa uwafwele umubili wa buntu, te Yehova umwine bamwene. (Abapi. 13:22) [Ukubelenga Baibolo ukwa cila mulungu; moneni w88-CW 5/15 ibu. 23 para. 4.]
3. Pa Abapingushi 5:31, ishiwi lya kuti “abamutemwa,” mu kusesema lilosha kuli ba 144,000 impyani sha Bufumu. [si-CW ibu. 50 para. 28.]
4. Takwaba ifipimfya ifili fyonse ifye buuku lya kwa Ruti ifyasangwa mu Fimfungwa fya muli Bemba Wafwa. [si-CW ibu. 51, para. 3.]
5. Ilembo lya Abapingushi 21:25 lilanda pa ciputulwa ca nshita ilyo Yehova alekele abena Israele ukubasha ukwabula ubutungulushi ubuli bonse. [Ukubelenga Baibolo ukwa cila mulungu; moneni w95-CW 6/15 ibu. 22 para. 16.]
6. Ifimpashanya fya bakerubi ifyali ku cipao ca cipingo fyalangilile ukubapo kwa kwa Yehova ukwa cifumu, uo casoselwe ukuti “uwaikala pali bakerubi.” (1 Sam. 4:4) [Ukubelenga Baibolo ukwa cila mulungu; moneni w80, 11/1 ibu. 29 para. 2, utulembo twa pe samba.]
7. Ilyo ifita fya kwa Shauli fyaliile umulopa ku mulandu wa kupelelwa kabili tafyakandilwe, cilangilila ukuti inshita shimo te kuti tukandwe nga twasuula ifunde lya kwa Lesa pa kuti tupusushe ubumi. (1 Sam. 14:24-35) [Ukubelenga Baibolo ukwa cila mulungu; moneni w94-CW 4/15 ibu. 31 amapara. 7-9.]
8. Nangu line bamo batila ishiwi “ukunashanasha” lipilibula imilandile ya kubeleleka kabili iya bucenjeshi, kuti lyabomfiwa na mu nshila isuma ukupilibula ukushinina, ukwalula umuntontonkanya ukupitila mu kupelulula kusuma, ukwa mano. (2 Tim. 3: 14, 15) [w98-CW 5/15 ibu. 21 para. 4.]
9. ‘Imfunga ya mweo,’ ilosha ku kucingililwa no kubakililwa na Lesa ifyali no kuba pali Davidi nga asengauka umulandu wa mulopa mu menso ya kwa Lesa. (1 Sam. 25:29) [Ukubelenga Baibolo ukwa cila mulungu; moneni w91-CW 6/15 ibu. 14, para. 3.]
10. Icipingo ca kwa Davidi ica Bufumu, icalandwapo pali 2 Samwele 7:16, calengele ukuti umutande wa Lubuto umukafuma Mesia ucefiweko, kabili bwali bushinino bwa mwi funde ubwa kuti umo uukafuma mu lupwa lwa kwa Davidi akaba imfumu “umuyayaya.” [Ukubelenga Baibolo ukwa cila mulungu; moneni w89-CW 2/1 ibu. 14 para. 21–ibu. 15, para. 22.]
Asukeni ifipusho fyakonkapo:
11. Bulayo nshi ubwashininkishiwa ubwaba pa Amalumbo 34:18? [w98-CW 4/1 ibu. 31 para. 2.]
12. Cinshi cilangililwa ku cishinka ca kuti Yosefe aleitwa ishina lya kuti Barnaba? (Imilimo 4:36) [w98-CW 4/15 ibu. 20 para. 3, utulembo twa pe samba.]
13. Mulandu nshi mu Baibolo balandila ati Eli alecindika abana bakwe abaume ukucila Yehova? (1 Sam. 2:12, 22-24, 29) [Ukubelenga Baibolo ukwa cila mulungu; moneni w96-CW 9/15 ibu. 13 para. 14.]
14. Mulandu nshi ibuuku lya kwa Ruti lifwile ukukosesha ukucetekela kwesu mu malayo ya Bufumu? [si-CW ibu. 53 para. 10.]
15. Ukulingana na 1 Samwele 1:1-7, ca kumwenako nshi icishaiwamina ico ulupwa lwa kwa Samwele lwaimike? [Ukubelenga Baibolo ukwa cila mulungu; moneni w98-CW 5/15 3/1 ibu. 16 para. 12.]
16. Mulandu nshi twingalandila ukuti ‘ifyuma fyaliba no longolo’? (Mat. 13:22) [w98-CW 5/15 ibu. 5, para. 1.]
17. Ni shani fintu Yonatani uwali umukalamba alangile ukuti alipokelele uwasubwa wa kwa Yehova, Davidi, kabili cinshi cintu ico cimininako lelo? (1 Sam. 18: 1, 3, 4) [Ukubelenga Baibolo ukwa cila mulungu; moneni w89-CW 1/1 amabu. 24, 26 amapara. 4, 13.]
18. Nangu line ali “wa mpomfu kabili uwatambalala,” ni shani fintu ibuuku lya kwa Yobo lilangilila ukuti ico tacalolele mu kuti Yobo ali uwapwililika? (Yobo 1:8) [w98-CW 5/1 ibu. 31 para. 1.]
19. Bushe insoselo ya kutila “pilikiteni,” yalola mwi? (Luka 13:24) [w98-CW 6/15 ibu. 31 amapara. 1, 4.]
20. Ilyo tulebombela capamo na bambi, lisambililo nshi ilyacindama tushifwile ukulabako, ilyalembwa pali 2 Samwele 12:26-28? [Ukubelenga Baibolo ukwa cila mulungu; moneni w93-CW 12/1 ibu. 19 para. 19.]
Lembeni ishiwi nelyo amashiwi yalekabilwa ku kupwishishisha ubulondoloshi bwakonkapo:
21. Ifyo Yehova asenwike nga nshi ukupepa Baali fifwile ukutucincisha ukukaaninina ndai ifyalinganako muno nshiku ifyaba ․․․․․․․․, na ․․․․․․․․. (Abapi. 2:11- 18) [si-CW ibu. 50 para. 26.]
22. Ni mu nshiku sha kwa Samwele e lintu inshita ya ․․․․․․․․ yapwile kabili kwaishile inshita ya ․․․․․․․․, muli iyi ine nshita e mo abena Israele kuli pele pele baali no kukaanwa na Yehova. [si-CW ibu. 53, para. 1.]
23. Ishina lya bulesa, ilya kuti Yehova, lipilibula ukuti “․․․․․․․․,” e kutila Yehova alailenga ukuba fintu alekabila ukuba pa kuti engapwishishisha ․․․․․․․․ yakwe. [w98-CW 5/1 ibu. 5 para. 3.]
24. Bonse babili Eli na Shauli bali ba cifilwafilwa pantu Eli ․․․․․․․․ ukubombapo kabili Shauli abombele ․․․․․․․․. [si-CW ibu. 57 para. 27.]
25. Umulumbe wa kwa Yesu uwa mwina Samaria musuma ulangililo kuti umuntu uwatambalala icine cine tanakila fye ku ․․․․․․․․ ya kwa Lesa lelo alapashanya ne ․․․․․․․․ yakwe. (Luka 10:29- 37) [w98-CW 7/1 p. 31 para. 2.]
Salenimo icasuko calungama muli ubu bulondoloshi:
26. Imibele yatanunuka iya kwa Yehova iya (amano; amaka; ukutemwa) yamoneka mu kusoobola umwina Moabu mwanakashi (Ruti; Naomi; Orpa), uwali kale kapepa wa kwa (Baali; Kemoshe; Dagoni), uwapilibukile ku kupepa kwa cine no kwisaba nacikolwe wa kwa Yesu Kristu. (Mat. 1: 3, 5, 16) [si-CW ibu. 51 para. 1.]
27. Inshita ya kwa Israele iya kutekwa na bapingushi yapwile lintu (Samwele; Davidi; Shauli) asubilwe ku kube mfumu kabili tapalepele sana acimfishe (abena Amone; abena Moabu; abaPelishiti) pantu aletungululwa na Yehova. (1 Sam. 11:6, 11) [Ukubelenga Baibolo ukwa cila mulungu; moneni w95-CW 12/15 ibu. 9 para. 2 ibu. 10, para. 1.]
28. (Umutumwa Paulo e wali pa ntanshi; wishi kwa Timote e wali pa ntanshi; nyina na nakulu e bali pa ntanshi) mu kusambilisha Timote “amalembo ya mushilo” ukufika fye na ku kuba mishonari musuma kabili kangalila. (2 Tim. 3:14, 15; Fil. 2:19- 22) [w98-CW 5/15 ibu. 8 para. 3–ibu. 9 para. 5.]
29. Umulimo wa kwa (Davidi; Samwele; Yonatani) uwa ku bwaice ufwile ukukoselesha abacaice ba lelo ukubombako ubutumikishi, kabili ukutwalilila kwakwe ukwabula ukuleka ukufika na ku mpela ya nshiku shakwe kufwile ukucincisha abalenakuka ku mulandu no bukote. [si-CW ibu. 58 para. 30.]
30. Inshita ifyalandwapo muli 2 Samwele fyacitike (ni mu 1077 ukufika mupepi na 1040; ni mu 1077 ukufika mupepi na 1037; ni mu 1070 ukufika mupepi na 1040) B.C.E. [si-CW ibu. 59 para. 3.]
Linganyeni aya malembo ku bulondoloshi buli pe samba:
Abapi. 11:30, 31; 1 Sam. 15:22; 30:24, 25; 2 Isha. 6:15-17; Yako. 5:11
31. Yehova alitupeela ubushininkisho bwa kuti akabomfya imilalo yakwe iya ku muulu ukucingilila abantu bakwe ukulingana no kufwaya kwakwe. [w98-CW 4/15 ibu. 29 para. 5.]
32. Bakangalila ba mu cilonganino baba no mulimo wa kufikilisha ifipangano nangu cingati inshita shimo ukucite co kuti kwabakosela kabili limo kuti kwakabila no kuti baipusule icine cine. [w99-CW 9/15 ibu. 10 amapara. 3-4.]
33. Ukutwalilila aba mpomfu ilyo twaponenwa na mesho kuti kwalenga twaisalobolola icilambu icikalamba ukufuma kuli Yehova Lesa. [w98-CW 5/1 ibu. 31 para. 4.]
34. Ukutemwa Lesa ukwine kwine kupilibula ukuba ne cumfwila ku fyo Lesa afwaya, te kumupeela fye amalambo. [Ukubelenga Baibolo ukwa cila mulungu; moneni w96-CW 6/15 ibu. 5 para. 1.]
35. Yehova alatasha nga nshi ababomba imilimo ya kwafwilisha mu kuteyanya kwakwe ilelo. [Ukubelenga Baibolo ukwa cila mulungu; moneni w86 9/1 ibu. 28 para. 4.]