Ukubilisha

◼ Impapulo sha kutambika mu September na October: Bamagazini ba Ulupungu lwa kwa Kalinda na Loleni! ilyo mwabwelelako, ipusheni nga kuti batemwa ukulembesha. Ku mpela ya October, tukatendeka ukwananya trakiti wa Imbila ya Bufumu Na. 36 uwa mutwe wa kuti, “Bushe Iyi Myaka 1,000 Iipya, Finshi Imukwatile ku Ntanshi?” November: Tukakonkanyapo ukwananya trakiti wa Imbila ya Bufumu Na. 36. Ifilonganino fikapwisha ukupeela amayanda yonse ayo fyapeelwa nelyo icifulo, kuti fyatendeka ukutambika broshuwa wa Cintu Lesa Afwaya nelyo icitabo ca Ukwishiba. Nga bantu balikwata kale ifi fitabo, kuti mwatambika icitabo ca Kuti Waikala nelyo ica Creation. December: Ukwishiba Uko Kutungulula ku Mweo wa Muyayaya.

◼ Amafunde ya National Registration Regulations yatila bonse abena Zambia abali ne myaka 16, nelyo abafisha imyaka 16 nelyo ukucilapo lelo abashaishiba ubushiku bafyelwepo balingile ukuya kwi ofeshi lya National Registration Office ilyabela mupepi no ko bekalila pa kuti bakopwe reji (national registration card). Na balealula ishina na bo bene bafwile ukuyakopwa. Bonse abalingile ukuyakopwa bafwile ukuya bwangu, kabili balingile ukumona ici nge cintu ico Abena Kristu bafwile ukucita kuli bakateka bacilamo. Baeluda na bafyashi bakafwaya ukwibukisha ici no kucinkulako bamunyina na bankashi bacaice abalepalamina ku mushinku wa myaka 16.

◼ Baeluda balecinkulwako ukukonka amakambisho yaba mu Ulupungu lwa kwa Kalinda ulwa April 15, 1991, amabula 21-23, ukulosha ku bantu batamfiwa nelyo abaifumya abalemoneka kwati kuti batemwa ukubweshiwa.

◼ UKUBWESHA LONI WA NG’ANDA YA BUFUMU: Indalama shonse isha kubwesha loni isho ifilonganino ifibomfya Ing’anda ya Bufumu imo fituma shifwile ukutuminwa mwi shina lya cilonganino ico pali sitetimenti wa ciko uwa cila mweshi, e pamoneka loni wa Ng’anda ya Bufumu. Mwibomfya ishina lya cilonganino cimbi. Cila mweshi, komiti wa Ng’anda ya Bufumu akalonganya indalama shonse isha loni ukufuma mu filonganino fyonse ifibomfya iyo Ng’anda ya Bufumu no kutuma ku Sosaite ukubomfya Formu wa Kutuminapo Indalama uwa Cilonganino (S-20). Langilileni bwino bwino ati “Ni loni wa KH” no bwingi bwa ndalama pa mupelwa wafiita pali S-20. Twapaapaata mwibomfya uyu wine S-20 ukutuminapo indalama shimbi kano fye isha loni.

◼ Waini wa pa Cibukisho: Ifilonganino fyabela mu mishi kuti fyaorda waini ino ine nshita. Tumeni S-20 apali indalama sha waini sheka. Lembenipo pa mupelwa umo fye mu kumonekesha ukuti “INDALAMA SHA WAINI.” Mwikatuma kalata nelyo S-14, mukatume fye S-20 yeka. Takwakabe ukumutumina waini nga tamwakatumine orda wenu pamo ne ndalama. Umutengo wa kabotolo ka bukulu bwa 200ml ni K1,500.00. Ubushiku bwa kupelako ukubombela pa maorda ya waini ni pa December 31, 2000. Tukamutumina waini mu February 2001.

◼ Sosaite taituma amaorda ya mpapulo aya muntu pa lwakwe. Kangalila wa kutangilila alingile ukupekanya ukuti balebilisha cila mweshi ilyo orda wa cilonganino uwa cila mweshi uwa mpapulo talatumwa ku Sosaite pa kuti bonse abalefwayako impapulo bengeba munyina uubombelako. Twapaapaata ibukisheni impapulo sha kuorda mu kuibela.

◼ Ukutendeka no lwa September 1, 2000, Ulupungu lwa kwa Kalinda lwakulafuma mu cina Assam, iciAzerbaijani, na mu ciTumbuka. Lwakulafuma lumo pa mweshi.

◼ Kangalila wa kutangilila nelyo umbi uwasontwa kuli wene afwile ukupituluka mu ndalama sha cilonganino pa September 1 nelyo bwangu bwangu pa numa ya ubo bushiku. Ilyo kwapwa, bilisheni ku cilonganino pa numa lipoti ya ndalama ikakonkapo yabelengwa.

◼ Impapulo Shilipo:

Amalembo Yonse Yantu Yapuutwamo Kuli Lesa Kabili ya Kunonsha—mu Cibemba, ne ciLozi

1999 Watchtower Publications Index—mu ciNgeleshi