Ukutantika Ukulongana kwa Mulimo
Umulungu wa Kutampa September 11
Ulwimbo 139
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
15 min: “Ipaalo lya kwa Yehova Lilatucindamika.” Imitendekele taifwile ukucila pali miniti umo, kabili konkanyenipo ukulanshanya kwa fipusho ne fyasuko.—Moneni Insight, Volyumu 2, ibula 804, amaparagrafu 6-7.
20 min: “Landeni pa Filecitika Ifingalenga Abantu Ukufwaya Ukumfwa.” Ukulanshanya ne bumba lyonse ne filangililo. Lumbuleni ificitike nomba line ifyo abantu balelandapo sana uko mwikala. Bushe ifyo filengele abantu ukusakamikwa ulwa finshi pa lwa fya ku ntanshi? Landenipo imitubululo yaba mu citabo ca Ukupelulula, amabula 10-11, pa fyo mwingapekanya imitendekele ingatungulula ku kulanshanya pali Baibolo. Citeniko ifilangililo fibili ifingabomba bwino, ifyapekanishiwa bwino.
Ulwimbo 224 ne pepo lya kusondwelela.
Umulungu wa Kutampa September 18
10 min: Ukubilisha kwa pa mwenu. Lipoti wa ndalama.
15 min: Twabombele Shani Uyu Mwaka Wapwile? Ilyashi kuli kangalila wa mulimo. Pitulukeni mu mbali isho icilonganino cabombele bwino muli uyu mwaka wa mulimo uwa 2000. Tasheni pa fisuma fyabombelwe. Landeniko pa mbali shimo shimo umo kwingabo kuwamyako. Komaileni pa fyo icilonganino cabomba ukukuma ku kusangwa ku kulongana, ukutendeka no kutungulula amasambililo ya Baibolo, no kuba no mute wa kuya mu mulimo wa mwi bala. Tantikeni amabuyo yengafikwapo aya uyu mwaka uleisa.
20 min: “Imyeo Kuti Yaisaloba!” Ukulanshanya ne bumba lyonse. Komaileni pa malembo yali mu cipande.
Ulwimbo 30 ne pepo lya kusondwelela.
Umulungu wa Kutampa September 25
Ulwimbo 93
15 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya September. Landeni pa Umukululo wa Fipusho.
15 min: Ukukabila kwa pa mwenu.
15 min: Ubucindami bwa Bamagazini Besu Tabupwa. Mucita shani nga ca kuti bamagazini ba Ulupungu lwa kwa Kalinda na Loleni! batuulama? Bakasabankanya bamo balitemwa ukubapoosa, pantu batila ifyabamo teti fibombe ino nshita. Lelo, Ubutumikishi Bwesu Ubwa Bufumu ubwa mu September 1993, pe bula 3, bwatucincishe ukusendako bamagazini ba kale no kubatambika apo calinga. Kuti mwasalamo ifishinka fimo ifyalingana ne nshita tulipo ifyo bengafwaya ukubelenga abaume, abanakashi, abaishibisha imilimo imo imo, abakoloci, na bacaice; lyene sendeni abo bamagazini no kubatambika nga kwabe shuko. Langilileni ifyo ifipande fingasalwa no kutambikwa. Shimikeni ifya kukumanya fisuma ifyo bakasabankanya bakumenye pa kushalika bamagazini ba kale.
Ulwimbo 115 ne pepo lya kusondwelela.
Umulungu wa Kutampa October 2
Ulwimbo 169
15 min: Ukubilisha kwa pa mwenu. Ishibisheni icilonganino pa lwa kusabankanya kwaibela ukwatantikwa mu kushalika Imbila ya Bufumu Na. 36, ukukatendeka pali Cimo, October 16, no kupulinkana ukufika pali Cisano, November 17. Cincisheni bonse, ukusanshako abacaice na bapya, ukufwaisha ukwisabombako. Bakatungulula ba masambililo ya citabo balingile ukutendeka nomba ukukoselesha no kuteyanya amabumba yabo ku kubombako mu kupimpa ukufika pantu bengapesha. Landeniko pa fya kukumanya fya kukuulilila ifyo bamo bakumenye umuku wafumineko ilyo twatambike Imbila ya Bufumu.
15 min: “Bushe Nkakuuke?” Ilyashi kuli eluda. Londololeni umulandu ukulingulula bwino kulekabililwa pa kufwaya ukukuukila kumbi. Landeni pa fya kubomfya ukufunda kusangwa pa Amapinda 22:3. Landeniko pa fya kusoka fisangwa mu Ulupungu lwa kwa Kalinda ulwa August 15, 1988, ibula 22.
15 min: Ifya Kukumanya pa lwa Kutendeka Ukulanshanya. Mu Kulongana kwa Mulimo mu mulungu wa September 11, casoselwe ukuti kuti cawama twafwayako imitendekele pa lwa filecitika pa kuti abantu mu butumikishi bafwaye ukumfwa no kutendeka ukulanshanya. Ebeni ibumba ukushimika ifisuma ifyafumamo ukufika pali ino nshita ukupitila mu kubomfya iyi mitubululo.
Ulwimbo 205 ne pepo lya kusondwelela.