Ukutantika Ukulongana kwa Mulimo

Umulungu wa Kutampa January 8

Ulwimbo 29

7 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.

13 min: ‘Lengeni Ulubuuto Lwenu Ukubalika.’a Sansheniko ne fyebo fya mu Ulupungu lwa kwa Kalinda, ulwa June 1, 1997, ibula 14, amaparagrafu 12-13. Koselesheni bonse ukushimikila apali ponse.

25 min: Kuti Mwasanga Ifya Kusekesha Fisuma. Ulupwa lwalanshanya pa kupanda amano kwapeelwe muli Loleni! wa June 8, 1997. Wishi ali uwasakamikwa pa fyo ulupwa lulefwaisha ifya kusekesha. Pa numa ya kulandako panono pa lyashi lileti “Cinshi Cacitika ku Fya Kusekesha?” (amabula 18-21) batontomesha pa fya kusekesha fisuma kabili ifya kunonsha. Landeniko pa fyaba mu citabo ca Abateyanishiwa, amabula 131-132, pa kamutwe katila “Ukukokoloka,” na mabula 135-136, pa kamutwe akatila “Citeni Fyonse ku Kucindika Lesa.” Komaileni pa fyo abafyashi bafwile ukuba basolwesolwe na pa bucindami bwa kubombela capamo ngo lupwa pa kuti bonse pa ng’anda bengamwenamo.

Ulwimbo 1 ne pepo lya kusondwelela.

Umulungu wa Kutampa January 15

Ulwimbo 51

10 min: Ukubilisha kwa pa mwenu. Lipoti wa ndalama.

15 min: Ukukabila kwa pa mwenu.

20 min: Bushe Mulabebeta Ilembo lya Cila Bushiku? Ilyashi no kwipusha kwa kulanshanya. Landeni pa fyali mu Ulupungu lwa kwa kalinda, ulwa December 15, 1996, amabula 17-18, amaparagrafu 12-14, ukulangilila amano yaba mu kulanshanya ilembo lya bushiku pamo ngo lupwa. Ipusheni ababa mu ndupwa, abaleibukishako ilembo lya bushiku limo ilyo banonkelemo sana kabili balande no mulandu banonkelemo. Komaileni pa kuti ilembo lya bushiku lifwile ukusanshiwa pali programu we sambililo lya lupwa ilyabelako ku kukosha aba mu ng’anda yesu no kulenga ulupwa ukutwalilila ulwapimpa mu butumikishi.

Ulwimbo 67 ne pepo lya kusondwelela.

Umulungu wa Kutampa January 22

Ulwimbo 90

7 min: Ukubilisha kwa pa mwenu.

18 min: Ifya Kupekanya Intendekelo. Ilyashi ne filangililo. Pitulukeni mu fishinka fikalamba ifili mu citabo ca Ukupelulula, ibula 9. Langilileni ifyo twingasala intendekelo shilingene bwino ne nshila tusalile ukulandilamo, ubuntu bwesu, ne cifulo ca kubombelamo. Pitulukeni pa ntendekelo shimo shimo ishingabomfiwa pamo na broshuwa wa Cintu Lesa Afwaya, kabili citeniko icilangililo cimo nelyo fibili pali isho ntendekelo. (Moneni Ubutumikishi Bwesu, ubwa April 1997, ibula 8.) Koselesheni bonse ukubomfya bwino imitubululo yapeelwa mu citabo ca Ukupelulula na mu Ubutumikishi Bwesu Ubwa Bufumu mu mulimo wabo uwa mwi bala.

20 min: “Inshila Yayanguka iya Kushalikilamo Impapulo Shesu.” Eluda alanda ne bumba. Lumbuleni ifishinka fyaba muli kalata wafumine ku Sosaite uwa October 15, 1999. Mu filangililo, bomfyeni kasabankanya uuipekenye bwino kabili uwabelesha. Ukubomfya magazini wa nomba line, kasabankanya atendeka ukulanshanya no mwine ng’anda pa lyashi limo ilili muli magazini. Ilyo kasabankanya alelanda pa cishinka cili muli magazini, mwine ng’anda atila: “Caumfwika bwino ico.” Kasabankanya atila: “Nalamushila uyu magazini pa kuti muipakishe ukuibelenga.” Mwine ng’anda aipusha ati: “Muleshitisha shinga?” Kasabankanya ayasuka ati: “Nga ca kutila muleibelenga nshilemulipilisha. Iyi magazini yaba pa mpapulo shimbi ishibomfiwa mu mulimo wa mwi sonde lyonse uwa masomo ya Baibolo kabili uyu mulimo utungililwa no bupe bwa kuitemenwa. [Kupukuleni pa mashiwi yali pe bula 5 ilya Loleni! na pe bula 2 ku kuso pe samba ilya Ulupungu lwa kwa Kalinda.] Na ine wine ndi pali ishi shiine Inte sha kwa Yehova abali ukucila pa mamilioni 6 kabili ababomfya inshita yabo ne fyuma bakwata ku kubombako uyu mulimo wacindama uulebombwa mu fyalo ukucila pali 200. Nga mulefwaya ukupeelako ubupe ubunono kuli uyu mulimo, kuti mwapeela.” Mwine ng’anda apeela ubupe kabili kasabankanya abika indalama muli enifulupu uo asenda ukubikamo isho ndalama. Atasha pa bupe bwapeelwa kabili atila akabwela ne mpapulo shimbi ishikafuma. Mu cilangililo ca bubili icipi, kasabankanya akaana ukusha ulupapulo pantu mwine ng’anda, talemoneka ukufwaya ukumfwa ubukombe bwa Bufumu, nangu ca kutila alefwaya ukulanshanya. Mu cilangililo ca butatu icipi, langilileni ifyo trakiti ingashalikwa ku muntu uwalanga ubuseko bwine bwine lelo napamfiwa kabili cilemoneka kwati tacilingile no kumulondolwela ifyo umulimo wesu utungililwa. Kasabankanya alaya ukubwela inshita imbi. Ilyo abwelelako umuku umbi, akamona nga ca kutila cine cine mwine ng’anda ali no buseko mu mulimo wesu kabili, nga ca kutila ali no buseko, akalondolola ifyo ubutumikishi bwesu bwaba na fintu umulimo utungililwa.

Ulwimbo 96 ne pepo lya kusondwelela.

Umulungu wa Kutampa January 29

Ulwimbo 139

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya January. Lumbuleni ulupapulo lukalatambikwa mu mweshi wa February, no kulanda pa fitabo icilonganino cikwete.

15 min: Ulupwa—Lulakabilwa mu Buntunse! Ilyashi ukushimpwa pa Ulupungu lwa kwa Kalinda, ulwa April 1, 1998, ibula 6-8, koselesheni icilonganino ukulolesha ku ntanshi ku kusambilila icitabo ca Icaba Inkaama ku Nsansa sha Lupwa. Cincisheni abacaice ukulaasukapo pa kulanshanya kwa cila mulungu ukubako pe sambililo lya citabo. Bonse bakafwaya ukusambilila ukufika pantu bengapesha pa lwa kumfwila inshila shalungama isha kwa Lesa pa kuti ulupwa lube ne nsansa.

20 min: “Mwe Bafyashi—Fundeni Abana Benu Imibele Isuma.” Ilyashi no kulanshanya kwa fipusho na bafyashi bakwata abana balebomba bwino lwa ku mupashi. Abafyashi balanda pa fintu ifisuma ifyo bacita pa kulenga abana babo ukulabombako umulimo wa mwi bala. Nga kuli inshita, lundenipo ne mitubululo yaba mu citabo ca Nsansa sha Lupwa, amabula 55-59.

Ulwimbo 149 ne pepo lya kusondwelela.

Umulungu wa Kutampa February 5

Ulwimbo 168

7 min: Ukubilisha kwa pa mwenu.

15 min: “Beni Bakacita wa Nsansa.”b Langilileni na cimbi icituletela ubuseko mu mulimo wa kwa Lesa, nga fintu calondololwa mu Ulupungu lwa kwa Kalinda, ulwa January 15, 1995, amabula 11-14, amaparagrafu 4-17.

23 min: Ukupayanya Kwabamo Ukutemwa Lintu Twalwala. Ilyashi ukulandwa na eluda wafikapo, likashimpwa pali kalata wa December 1, 2000, na autulaini wafuma ku Sosaite. Komaileni pa kuti ukucingililwa kusuma ukwa mwi funde ku kubikwamo umulopa kubako fye ukupitila mu kwisushisha kardi wa Advance Medical Directive/Release. Bonse bakasabankanya babatishiwa balapokako kardi pa numa ya kulongana cino cungulo, lelo TAILINGILE ukulembwapo nelyo fimo cino cungulo. Ukusaina, ukubela ubunte, no kulembapo ubushiku kukabako pa numa ye Sambililo lya Citabo ilya pa Cilonganino ilikakonkapo, bakatungulula ba mambililo ya citabo bakamwafwa apo mushakomfwikishe. Abalebelako ubunte pa kusaina bafwile ukumonako uko umo alesaina pali kardi. Bakatungulula ba Mambililo ya Citabo balingile ukumona ukuti bonse ababa mwi bumba lyabo baafwiwa nga balekabila ubwafwilisho pa kusaina kardi wa Advance Medical Directive/Release. Ama Identity Card ya bana epo yali, abafyashi bapokeko pa numa ya kuno kulongana. Bakasabankanya bashabatishiwa kuti bailembela amakardi yabo abene na bana babo ukubomfya amashiwi yali pa makardi yafuma ku Sosaite ukulingana ne fyo balefwaya no kushininwa kwabo.

Ulwimbo 190 ne pepo lya kusondwelela.

[Amafutunoti]