Ukutantika Ukulongana kwa Mulimo

Umulungu wa Kutampa March 12

Ulwimbo 112

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Umukululo wa Fipusho.

15 min: Ukukabila kwa pa mwenu.

20 min: “April—Umweshi wa ‘Kubombesha no Kupilikita.’” (Amaparagrafu 1-13) Ukulandwa na kangalila wa kutangilila. Ilyashi lyacincimuka ukulanda pa fyo tulefwaya ukubomba mu April. Koselesheni bonse mu cilonganino ukufika pa buyo bwa kubombesha na maka yabo yonse mu butumikishi mu mweshi wa April.

Ulwimbo 147 ne pepo lya kusondwelela.

Umulungu wa Kutampa March 19

Ulwimbo 166

8 min: Ukubilisha kwa pa mwenu. Lipoti wa ndalama.

17 min: “Ifyo Ubutumikishi Bwafwilishiwa.” Ilyashi ukufuma mu citabo ca Abateyanishiwa ku Kupwilikisha Ubutumikishi Bwesu amabula 119 ukufika ku 121. Landeni no kuti umusangulo wa bukapekape uwa Kwafwilisha Umulimo wa Mwi Sonde Lyonse uwa Sosaite no wa Kwafwilisha Ubukuule bwa Mayanda ya Bufumu walyafwa ifilonganino ku numa uku kabili ukwabula ukutwishika ukatwalilila ukwafwa ifilonganino na fimbi. Ilyo ca cine ukuti amaka yesu aya kupeela ne fyo twakwata fyalipusanapusana, kuti twasanga ukuti pa kwalula umusango tubomfeshamo indalama sha pa lwesu, kuti twalundako ubupe tupeela ubwa kwafwilisha umulimo wa mwi sonde lyonse uwa Sosaite na makuule ya Mayanda ya Bufumu. Bukapekape bwa musango yo cine cine bulenga umutima wa kwa Yehova ukusekelela, kabili bulakoselesha nga nshi na bamunyinefwe. Landeniko na pa fyo ifyebo fingabomba pa mwenu. Nga ca kuti icilonganino cenu cilekabila ukukoshako ukuboko mu kutuma indalama sha Loni wa Ng’anda ya Bufumu, twapaapaata mwilabako ukulanda na pali ico cine.

20 min: “April—Umweshi wa ‘Kubombesha no Kupilikita.’” (Amaparagrafu 14-30) Ukulandwa na kangalila wa mulimo. Ilyashi no kwipushako ifipusho mumo mumo. Kasabankanya onse afwile ukulemba ukutantika ukwingabomba pa kuti akabombeko na maka yakwe yonse mu butumikishi mu April. Bilisheni ukutantika konse ukwa kukumana kwa mulimo wa mwi bala uko mukakwata mu April. Koselesheni bonse abengakumanisha ukuti bakabombeko bupainiya bwa kwafwilisha. Bakoselesheni ukupoka amaformu pa numa ya kulongana.

Ulwimbo 188 ne pepo lya kusondwelela.

Umulungu wa Kutampa March 26

Ulwimbo 204

10 min: Ukubilisha kwa pa mwenu. Cinkuleniko bamunyina ukuti ukubomfya bwino inshita kuti kwayafwa bapainiya ba kwafwilisha ukufika pa buyo bwabo. Landeni ukuti inshita e ko icili iya kuleta formu wa bupainiya bwa kwafwilisha ubwa mu April. Koselesheni bonse ukukonkamo mu kubelenga Baibolo ukwa mu nshiku sha Cibukisho ukukabako ukufuma pa April 3 ukufika pa 8, nga filya kwatantikwa mu katabo ka Ukubebeta Amalembo Cila Bushiku mu 2001. Bilisheni ubushiku kukaba ukulongana kwe Sambililo lya Ulupungu lwa kwa Kalinda ilya mu mulungu wa Cibukisho. Mwilabako ukubilisha ilyashi lyaibela ilikabako pa Mulungu, pa April 1, ilya mutwe wa kuti “Ni Bani Bengapusuka?” Cincisheni bonse ukubombako umulimo wa mwi bala pa Mulungu pa April 1, e pa kutila pa bushiku fye bwine ubwa kubalilapo tukatendeke no kubomba.

20 min: “Lekeni Bonse Tucindike Yehova no Mwana Wakwe.” Ilyashi lya kucincimusha ilya mu Malembo ukulandwa na eluda. Koselesheni bonse ukubombako na maka yabo yonse mu mulimo waibela uo tulepanga ukubomba mu April no kwesha sana ukwita abantu abengi ukwisa ku Cibukisho.

15 min: Ukupekanya Ifya Kulanda pa Kutambika Bamagazini. Mu April, twakulatambika Ulupungu lwa kwa Kalinda na Loleni! Landeni pa fyebo fyaba pe bula 8, amaparagrafu 3 na 10, mu Ubutumikishi Bwesu Ubwa Bufumu ubwa October 1996. Ilyo mulelanda pa fya kutambika magazini umo uwa nomba line, komaileni pa (1) icipandwa cimo, (2) icishinka cimo icingawama ukulandapo, (3) icipusho icingalenga ukuti umuntu afwaishe ukumfwilapo na fimbi, na (4) ilembo lyalingana ne nshita ilingabomfiwa bwino. Esheni sana ukubomfya broshuwa wa Cintu Lesa Afwaya nelyo icitabo ca Ukwishiba pa kuti mutendeke amasambililo ya Baibolo aya mu ng’anda na balefwaya ukusambilila icine. Pa kulekelesha, citeni ne cilangililo capekanishiwa bwino pa fya kutendeka isambililo pa kutandala kwa kubalilapo.

Ulwimbo 207 ne pepo lya kusondwelela.

Umulungu wa Kutampa April 2

Ulwimbo 220

9 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya March. Pitulukeni mu mukululo uleti “Ifya Kucinkulako pa lwa Cibukisho.”

18 min: “Ukutemwa E Kutucincisha Ukuti Tuleshimikila.”a Komaileni pa malembo yali mu cipandwa. Landeni na pa fyebo fya muli Insight, Volume 2, ibula 673, paragrafu 1. Ipusheni kasabankanya uwashimikila pa myake ingi alande ifyo ukutemwa kwa kwa Lesa kwamucincisha ukupampamina pa kutwalilila mu mulimo wa kushimikila. Cincisheni bakasabankanya bonse ukubombako umulimo wa kushimikila mu April ne myeshi yonse iikakonkapo.

18 min: “Afweni Bambi Ukuti Balesangwa ku Kulongana.”b Mu ca mu kati ica Ubutumikishi Bwesu Ubwa Bufumu ubwa June 1996, amaparagrafu 14 ukufika ku 16, mwaba imitubululo na imbi pa fya kutungulula abasambi ba Baibolo ku kuteyanya kwa kwa Yehova. Landeni pa fya kubomfya fyonse fibili broshuwa wa Cintu Lesa Afwaya (isambililo 5, paragrafu 7) ne citabo ca Ukwishiba (icipandwa 5, paragrafu 22). Landeni pa fyo fingabomfiwa pa kutendeka pene fye ku kukoselesha abasambi ukuti balesangwa ku kulongana. Citeniko ne cilangililo capekanishiwa bwino ica kwa kasabankanya wafikapo alekoselesha umusambi ukuti atontonkanyepo sana pa kusangwa ku kulongana.

Ulwimbo 47 ne pepo lya kusondwelela.

[Amafutunoti]