Ukubilisha

◼ Impapulo sha kutambika mu April na May: Bamagazini ba Ulupungu lwa kwa Kalinda na Loleni! Lintu mwasanga abalefwaya ukwishiba icine ilyo mwabwelelako batambikeni icitabo ca Ukwishiba nelyo broshuwa wa Cintu Lesa Afwaya, mu kuba no buyo bwa kutendeka amasambililo ya Baibolo aya pa ng’anda. June: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Pooseni amano ku kutendeka amasambililo ya Baibolo aya pa ng’anda. July: Babroshuwa ba mabula 32 abali bonse pali aba kuti bashalikwa: Bushe Lesa mu Cituntulu Alatusakamana?, Ipakishe Ubumi pe Sonde kuli Pe na Pe!, “Moneni! Fintu Fyonse Nafilenge Fipya,” Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi? Ni Shani Fintu Wingaisanga?, na Ilyo Untu Watemwa Afwa. Uko calinga babroshuwa bakonkapo kuti bashalikwa: A Book for All People, Our Problems—Who Will Help Us Solve Them?, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba? na Will There Ever Be a World Without War?

◼ Sosaite kuti yatemwa ukulakwata akeyala ne nambala ya telefoni iya ndakai iya bakangalila ba kutangilila na bakalemba bonse. Nga ca kuti ifi fyayalulwa inshita iili yonse, kalemba alingile ukulemba no kutuma bwangu bwangu ku Sosaite formu wa (S-29) uwa Ukwalula Akeyala ka kwa Kangalila wa Kutangilila nelyo Kalemba.

◼ Amalyashi Na. 3 na Na. 4 mu “Ukutantika Isukulu lya Butumikishi bwa Teokrasi mu 2001” yakulafuma pa mabula yalangililwe aya mu citabo ca Ukupelulula. Amaparagrafu ya kupenda ni ayo sentensi wa kubalilapo atendekeleko panono lwa mu kati.

◼ Bakalemba ba pa filonganino balingile lyonse ukulakwata amaformu ya (S-205) aya Ukwipusha kwa Mulimo wa Bupainiya bwa Nshita Yonse na (S-205b) aya Ukwipusha Umulimo wa Bupainiya bwa Kwafwilisha. Kuti mwaorda aya maformu formu aya (S-14) pali Literature Request Form. Mufwile ukuba na maformu ya kubomfya umwaka onse. Pitulukeni mu maformu yonse aya kwipushishapo umulimo wa bupainiya bwa nshita yonse ku kushininkisha ukuti nayalembwa bwino. Nga ca kuti abaleipusha te kuti bebukishe ubushiku babatishiwe, balingile ukutunganya ubu bushiku no kubulemba pamo.

◼ Icitabo ca filembo fikalamba ica Ukusesema kwa kwa Esaya—Ulubuuto lwa Bantu Bonse 1 cilepekanishiwa ku kwafwa abashimona bwino. Ici citabo cikaba ubukulu nga magazini ica nkupo yanaka cikakwata amabula 512 ukwabula ifikope, kabili ifilembo fyakulamoneka kwati ni filya ifya mu The Watchtower iya filembo fikalamba iikwata fye ifipande fibili. Intanshi ici citabo cikaba fye mu ciNgeleshi. Kukaba ukubilisha nga casabankanishiwa mu ndimi shimbi. Kuti mwaorda ukubomfya formu wa (S-14) nge citabo ca Isaiah’s Prophecy 1-Large Print.

◼ Ukutendeka umulungu wa July 30, 2001, tukalasambilila icitabo ca Ukusesema kwa kwa Esaya—Ulubuuto lwa Bantu Bonse 1 pe Sambililo lya Citabo ilya pa Cilonganino.

◼ Nga ca kuti mulepanga ukuyatandala ku calo cimbi kabili mulefwaya ukulasangwa ku kulongana kwa pa cilonganino, ukulonganako umuputule, nelyo icitungu, mufwile ukwipusha iofeshi linono ilyangalila umulimo muli ico calo pa lwa fyebo ukukuma ku nshiku uko kulongana kukabako, inshita, ne cifulo. Amaadresi ya maofeshi yanono yalitantikwa pe bula lya kulekeleshako muli Yearbook wa ndakai.

◼ Ulupungu lwa kwa Kalinda mu ciPortuguese lukatendeka ukuba pa matepu ukutampa na magazini ya April 1, 2001.