Bushe Mulatasha nga Nshi Pali iyi Nshila Ipya iya Kushalikilamo Impapulo Ukwabula Ukulipilisha?

Umulimo onse uwa kushimikila no kupanga abasambi uubombwa muno nshiku utungililwa ne misangulo. Utubokoshi balembapo ati “Imisangulo ya Kwafwilisha Umulimo wa mwi Sonde Lyonse uwa Sosaite.—Mat. 24:14.” tulabikwa mu Mayanda ya Bufumu umo abantu bengapoosa umusangulo cila mulungu, pa numa ya milungu ibili, nelyo cila mweshi, mu nshila ya lyonse. (1 Kor. 16:2) Lekeni bonse tuleibukisha ukuti nangu tulapeela na bashili Inte ishuko lya kusangwilako, ubu bwafwilisho bufwile ukufuma sana ku babomfi ba kwa Yehova. Tulatasha pa misangulo inono iifuma ku bantu bambi. Lyonse tufwile ukupoosa mu kabokoshi imisangulo yonse iyo twapokelela mu butumikishi.