Ukutantika Ukulongana kwa Mulimo

Umulungu wa Kutampa September 10

Ulwimbo 86

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.

13 min: Ukukabila kwa pa mwenu.

22 min: “Bushe Mulefishapo Bukapyunga Bwenu?”a Cilya mwapwisha ukulanshanya ne bumba amaparagrafu 1 ukufika ku 3, citeniko ifilangililo fibili pa lwa kutambika bamagazini, cimo ica kushalika Ulupungu lwa kwa Kalinda ulwa September 15 e lyo cimbi ica kushalika Loleni! wa October 8. Cilya mwapwa ukulanshanya paragrafu 4, citeni icilangililo ca fili muli paragrafu pa lwa kushalika icitabo ca Ukwishiba.

Ulwimbo 124 ne pepo lya kusondwelela.

Umulungu wa Kutampa September 17

Ulwimbo 92

15 min: Ukubilisha kwa pa mwenu. Lipoti wa ndalama. “Fyaba mu Cisontelelo ca Mitwe ya Malyashi.” Londololeni ifya kusanga ifipande fyalekanalekana ifilanda pa bucindami bwe sambililo lya pa lwesu na pa kuba ne mibele yasanguluka.

15 min: Twabombele Shani Uyu Mwaka Wapwile? Ilyashi ukulandwa na kangalila wa mulimo. Landeni pa fikalamba ifyabombelwe ne cilonganino mu mwaka wa mulimo uwa 2001. Tasheni icilonganino conse pa milimo isuma iyabombelwe. Komaileni pa fyo icilonganino cabombele ukulosha ku kusangwa ku kulongana, ukushimikila lyonse no kutungulula amasambililo ya Baibolo. Landeniko ne mitubululo imo pa fya kuwamyako. Imikeni amabuyo yengafikwapo umwaka uleisa.

15 min: Umukululo wa Fipusho. Ilyashi. Landeni pa kutantika kwa cilonganino ukwa cila mulungu ukwa kukumana ukuya mwi bala. Londololeni ifyo bonse abasangwako bengalandapo ifyo twingamwenamo muli uku kukumana. Koselesheni icilonganino ukulasangwako kuli uku kukumana kwa kuya mwi bala.

Ulwimbo 129 ne pepo lya kusondwelela.

Umulungu wa Kutampa September 24

Ulwimbo 97

15 min: Ukubilisha kwa pa mwenu. Ukulanda pa fyebo fili mu mukululo wa kuti “Ifya Kulanda Pali Bamagazini,” citeniko ifilangililo fibili, cimo ica kutambika Ulupungu lwa kwa Kalinda ulwa October 1, cimbi na co ica kutambika Loleni! wa October 8.

30 min: Temweni Lesa—Mwitemwa Ifya Pano Isonde. (1 Yoh. 2:15-17) Ilyashi no kulanshanya ne bumba lyonse ukupituluka muli programu wa kulongana kwa muputule ukwaliko umwaka wa mulimo uwapwile. Ipusheniko bakasabankanya bamo balande pa fishinka fikalamba ifyo basambilile ne fyo bafibomfeshe pa lwabo nelyo ne ndupwa shabo. (Abakalandapo kuti baebelwa libela.) Landeni pali aya malyashi yali ku kulongana: (1) “Ukutemwa Lesa E Kutucincisha mu Butumikishi Bwesu.” Ukutemwa kwa musango yo kulenga ukushipikisha kuli fimo ifingatufuupula ukuleka no kushimikila, pamo nga ukumfwe nsoni, ukuimona abashafikapo no kutiina abantu. (2) “Abatemwa Yehova Balipata Icabipa.” (w99-CW 10/1 28-31) Ukuba cibusa wa kwa Lesa kwashintilila pa kupata ico apata, te kupata fye ifintu ifyo onse umuntu aishiba ukuti fibi lelo ne fibi fimo ifimoneka kwati fisuma. (3) “Konkeleleni Inshila Yacilamo iya Kutemwa.” (w92-CW 7/15 27-30) Ilembo lya 1 Abena Korinti 13:4-8 lilanda umulandu tushipikishisha ku kukanapwililika kwa banensu, ukutaluka kuli bukaitemwe na ku kucimfyanya, tatutandanya ulwambo kabili tutwalilila aba cishinka ku kuteyanya kwa kwa Lesa. (4) “Ifya Pano Isonde—Bushe Tufimona Shani?” Tatufwile ukutemwa ifya pano isonde, ukukonka ifyo umubili ufwaya, ukupumbulwa ku fya kumonamona, nelyo ukuba na mataki ya mikalile ino. (5) “Ukukaanaba Aba Pano Isonde Kulatucingilila.” Ilembo lya 2 Abena Korinti 6:14-17 lilanda pa fyo ifisumino fimo, ifishilano ne ntambi fingatulenga ukukaanwa na Lesa. Tufwile ukwiluka no kufulumuka ifiteyo fya kwa Kaseebanya. (6) “Amalayo ya kwa Lesa ku Bamutemwa.” (w92-CW 7/1 4-7) Amapaalo ya kwa Yehova yalatulenga ukusekelela mu mikalile yesu kabili yatulenga ukuba abakankaala lwa ku mupashi.—1 Tim. 6:17-19.

Ulwimbo 133 ne pepo lya kusondwelela.

Umulungu wa Kutampa October 1

Ulwimbo 106

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya mu September.

15 min: Cinshi Ningacita pa Kuti Ndecita Bwino ku Sukulu? Eluda no mukashi nelyo umubomfi utumikila no mukashi balanshanya no mwana wabo uuya ku sukulu. Nabasakamana pantu talecita bwino ku sukulu. Bapituluka mu kupanda amano mu citabo ca Ifipusho Abacaice Bepusha, icipandwa 18, no kulanda pa co umwana engacita pa kuti alebomba bwino ku sukulu. Abafyashi bakomaila pa bucindami bwa masomo yasuma aya ku sukulu pa kuti umuntu abomfye amaka yakwe yonse aya kulamuka ku kubomba umulimo washila.

20 min: “Bushe E Cipindami Cilemulesha Ukushimikila?”b Komaileni pa bucindami bwa kwishiba bwino umwa kupelela ilyo tulebomba incito, ukwishiba fintu tufwile ukucindika pa kuti tulekatamika ifya Bufumu. Ipusheniko abafyashi abaume bamo bamo mu cilonganino balande ifyo bakumanisha ukusunga ulupwa lwabo mu fya ku mubili ukwabula ukulekelesha ifya ku mupashi.

Ulwimbo 137 ne pepo lya kusondwelela.

[Amafutunoti]