Utubungwe Tupya Natupangwa

Ulupungu lwa kwa Kalinda ulwa January 15, 2001, lwalandile pa nshila isuma iyo Inte sha kwa Yehova baletwalililamo ukuya pa ntanshi mu mulimo wa Bufumu mu calo conse. Lwalondolwele na fintu utubungwe twalekanalekana utwa mwi funde tubomfiwa nge fibombelo ku kwafwilisha ukwananya imbila nsuma. Utubungwe twa musango uyu tulakabilwa pa kumfwana na mafunde ya muli iyo ncende ne calo, nga fintu Icebo ca kwa Lesa calanda. (Rom. 13:1) Pa mulandu wa bukulu bwa mulimo wesu na fimbi ifyasanshiwamo, Ibumba Litungulula nalisuminisha ukupangako utubungwe na tumbi utwa kusakamana imilimo imo iya Inte sha kwa Yehova mu United States. Utubungwe tupya ni utu:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Utu tubungwe tukabombela pamo na Watch Tower Bible and Tract Society of Pennsylvania e lyo na Watchtower Bible and Tract Society of New York, Inc. Ifilonganino fya mu United States na bakasabankanya kuti bapokelela ifyebo ukufuma kuli utu tubungwe. Uku kwaluka kucitilwe ne Bumba Litungulula pa kufishapo umulimo wabo uwa kusakamana fyonse ifya kwa Shikulu.—Mat. 24:45-47.