Ukutantika Ukulongana kwa Mulimo

Umulungu wa Kutampa March 11

Ulwimbo 2

13 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo pe bula 8, citeniko ifilangililo fibili pa fya kushalika Ulupungu lwa kwa kalinda ulwa March 15 na Loleni! wa January-March. Mu filangililo fyonse fibili, langeni inshila shalekanalekana umo mwingasukila amashiwi yacilikila ukulanshanya pamo nga, “nshili uwasekelela.”—Moneni icitabo ca Ukupelulula, ibula 16.

12 min: Ukutwalilila Ukuba Abena Kristu Bashiitumpa mu fya Calo. Ilyashi na eluda wafikapo. Ukutemwisha ukulumbanya icalo na kuseeka sana pa sukulu, ku ncito, na ku bena mupalamano. Abengi abalumbilisha icalo bamona ukutila e mwa kupwishisha amasakamika no kukalipwa pa masanso yacitika mu calo. Nangu line na ifwe tulasakamikwa pa fyo tumona, tulomfwikisha fyonse pa lwa bumulopwe bwa kubumbwa konse kabili tulasansamushiwa ku bukombe bwa Bufumu. Ilyo tulelondolwela bambi umulandu tushilumbanishisha icalo, tufwile no kubebako amashiwi ya cisansamushi ne subilo fintu twasanga mu Cebo ca kwa Lesa. Broshuwa wa Ifyo Inte sha kwa Yehova Bamona Amasomo, amabula 20-4, pa kamutwe katila “Ukupika Sulupu ku Mendela,” ilalondolola umulandu tushicitilako ifya kulumbanya icalo. Landeni pa fishinka fikalamba, kabili koselesheni abafyashi ukupitulukamo bwino bwino muli ifi fyebo na bana babo. Shimikeni ifya kukumanya pe bula 20 muli broshuwa na pe bula 31 muli Awake! wa January 8, 1996. Komaileni pa bucindami bwa kupepa fye Yehova eka, ilyo tulecindika na balashi ba buteko.

20 min: ‘Beni Abacindama ku Milimo Isuma.’a Ukulandwa na kangalila wa mulimo. Koselesheni bonse ukubombako nga nshi ubutumikishi pa kulenga abantu ukwisa ku Cibukisho pa March 28. Ipusheni bakasabankanya bashimike ifyo bacitile pa kulenga balupwa lwabo, abena mupalamano, abasambi ba Baibolo, na bambi abakusekelela ukusangwa ku Cibukisho uyu mwaka wapwile na fintu baumfwile insansa. Koselesheni bonse abengafwaya ukubombako bupainiya bwa kwaafwilisha mu April ukupokako formu wa kwipushishapo pa numa ya kulongana.

Ulwimbo 82 ne pepo lya kusondwelela.

Umulungu wa Kutampa March 18

Ulwimbo 7

10 min: Ukubilisha kwa pa mwenu. Lipoti wa ndalama. Lanshanyeni pa “Ifya Kucinkulako pa lwa Cibukisho.” Koselesheni bonse ukukonka ukutantika kwa kubelenga Baibolo pa nshita ya Cibukisho ukwa March 23-28, nga filya fine kwalangililwa mu katabo ka Ukubebeta Amalembo Cila Bushiku—2002.

15 min: “Ukusekelela pa Kwikatana na Yehova no Mwana Wakwe.” Ilyashi lya mu Malembo ilya kulenga umuntu acitapo cimo, ukulandwa na eluda. Koselesheni bonse ukubombesha ukutendeka lelo line ukufika na pa March 28 ukwita abantu abengi ukusangwa ku Cibukisho pamo na ifwe.

20 min: “Lundeniko Ukusekelela Kwenu mu Kushimikila.”b Ilyo mulelanshanya paragrafu 5, ipusheni ukuti balandeko imitubululo ingabomba bwino mu ncende mushimikila. Langilileni ica kumwenako cimo nelyo fibili pa fyo twingaitendekelako ukushimikila umuntu mu nshita fye inono. Koselesheni bonse ukusangako inshila sha kushimikilamo uno mulungu.

Ulwimbo 45 ne pepo lya kusondwelela.

Umulungu wa Kutampa March 25

Ulwimbo 12

14 min: Ukubilisha kwa pa mwenu. Londololeni ukuti inshita iciliko iya kuleta formu wa kwipushishapo bupainiya bwa kwafwilisha mu April. Ukubomfya imitubululo pe bula 8, ebeni eluda alange ifya kushalika Ulupungu lwa kwa Kalinda ulwa April 1 no mwaice alange ifya kushalika Loleni! wa January-March. Pa numa ya cilangililo cimo, komaileni pa fyaciwama mu cilangililo.

15 min: Ukukabila kwa pa mwenu.

16 min: Bomfyeni Icitabo ca Ukupelulula pa Kukoselesha Bambi. Ukulanshanya ne bumba. Mu nshita mu nshita umuntu onse alafwaya ukumukoselesha mu cikuku. E ico, tufwile ukwishiba ubucindami bwa ‘kukosha’ bambi, pamo fye na balecula abo tukumanya mu butumikishi. (1 Tes. 5:14) Ukubomfya icitabo ca Ukupelulula, ebeni ibumba balandeko ukukoselesha kwa mu Malembo uko bengebako onse uuli na mesho nga yalya yaba pa mabula 325-7. Tubululeni ukuti cila muntu afwile ukwesha ukukoseleshako umo ilyo kwaba amafya.—Gal. 6:10.

Ulwimbo 131 ne pepo lya kusondwelela.

Umulungu wa Kutampa April 1

Ulwimbo 27

7 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya March.

18 min: “‘Ifya Bupe ku Bantu’ Bacema Umukuni wa kwa Lesa no Mukoosha.” Ilyashi ukulandwa na eluda. Londololeni amalembo yapeelwe. Langeni ifyo ukucema abanaka no kwaafwa abalwele ukubomba apapela amaka yabo kutulenga ukuba ne fya kukumanya fya kukoselesha. Bakacema baba ne citemwiko balatasha pa fyo umukuni utwalilila ukubombesha no kupimpa mu mulimo wa kwa Yehova.

20 min: Bushe Yearbook ilemunosha shani? Ilyashi no kulanshanya ne bumba. Ica ntanshi, komaileni pa fishinka fikalamba ifili muli “Kalata Ukufuma kwi Bumba Litungulula.” Lyena, ebeni ibumba ukushimika amalipoti ne fya kukumanya fili muli Yearbook ifyo bamwene ukuti fya kukoselesha nga nshi kabili fyakukosha ne citetekelo. Koselesheni bonse ukupwisha ukubelenga Yearbook no kulanga abasambi ba Baibolo pa kuti bengeshiba ifyo ukuteyanya kwa kwa Yehova kwaba.

Ulwimbo 15 ne pepo lya kusondwelela.

[Amafutunoti]