Ukutantika Ukulongana kwa Mulimo

Umulungu wa Kutampa May 13

Ulwimbo 140

Icishibisho: Ifilonganino tafifwile ukusesha Ukulongana kwa Mulimo ukwa mulungu wa May 13 ilyo ubu bushiku bushilafika kano fye nga ca kutila muletandalilwa na kangalila wa muputule. Icilonganino conse cilingile ukusambilila ica mu kati icilelanda pe bungano ukulingana na fintu Ukulongana kwa Mulimo kutantikwe mu Ubutumikishi Bwesu Ubwa Bufumu. Nga muli no kulongana kwa muputule muli uyu mulungu, bakatungulula ba masambililo ya citabo bafwile ukubilisha icifulo ukukabela ibungano ne nshiku pa masambililo ya citabo.

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fyapusana pa fyo mwingatambika Ulupungu lwa kwa Kalinda ulwa May 15 na Awake! wa May 22. Mu cilangililo cimo na cimo, langeni inshila imbi iyo mwingasukilamo aya mashiwi yacilikila ukulanshanya, ‘Ndi uwapamfiwa.’—Moneni icitabo ca Ukupelulula, amabula 19-20.

10 min: “Twalilileni Ukumwenamo mu Kubelenga Ulupungu lwa kwa Kalinda na Loleni!” Ilyashi no kulanshanya ne bumba lyonse ukulandwa na eluda. Koselesheni bakasabankanya bonse ukusunga apo balembele amashina yonse aya bapokeleko magazini, pa kuti bengapanga ubuyo bwa kubatwalila lyonse. Komaileni pa kumwenamo kukalamba ukwaba mu kwananya bamagazini ukuti ni nshila imo iisuma iya kutwalilamo ubukombe bwa Bufumu ku cintubwingi. Shininkisheni ukuti namukwata bamagazini ilyo mwaya mu mulimo; tambikeni ponse apo mwaba ne shuko. Ukuteyanya kwa pa lwenu cila mulungu ukwa Bushiku bwa Magazini ni nshila isuma iya kulundako bamagazini mushalika. Ukushalika bamagazini mu matuuka na mu misebo na ko kulabomba bwino.

25 min: “Ibungano lya Citungu Ilya Nte sha kwa Yehova Ilya mu 2002 Ilileti ‘Bakabila ba Bufumu Abapimpa.’”a Ukulandwa na kalemba, ukutontomesha sana pa maparagrafu 4-11. Mu cikuku tasheni icilonganino pa fyo bapekanishisha ibungano mu kwangufyanya.

Ulwimbo 219 ne pepo lya kusondwelela.

Umulungu wa Kutampa May 20

Ulwimbo 13

15 min: Ukubilisha kwa pa mwenu. Lipoti wa ndalama.

10 min: Ukukabila kwa pa mwenu.

20 min: Ilyashi no kulanshanya ne bumba lyonse pa ca mu kati icabwekeshiwapo icileti “Ifipusho Ukufuma ku Babelenga.” Ukulandwa na eluda wafikapo.

Ulwimbo 42 ne pepo lya kusondwelela.

Umulungu wa Kutampa May 27

Ulwimbo 208

12 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya May. Ukubomfya imitubululo ili pe bula 8, ebeniko kasabankanya umukalamba ukulangilila ifya kutambika Ulupungu lwa kwa Kalinda ulwa June 1 kabili ebeniko kasabankanya wacaice alange ifya kutambika Awake! wa June 8. Pa numa ya cilangililo cimo cimo, landeni pa fyo cinganguka ukubelengako ilembo pa kutambika.

15 min: “Bushe Icilonganino Cenu Cakwata Icifulo ca Kushimikilamo Icikalamba?” Ilyashi no kulanshanya ne bumba lyonse ukulandwa na kangalila wa mulimo. (Icilonganino icakwata icifulo ca kushimikilamo icinono kuti capituluka mu cipande cileti “Bomfyeni Inshita Yenu,” icali mu Ubutumikishi Bwesu Ubwa Bufumu ubwa June 1999.) Landeni pa fyo icifulo ca kushimikilamo ica cilonganino cakula ne fyo cabombelwemo umwaka wapwile. Londololeni ifyo imitubululo ipeelwe ingabomba mu ncende yenu. Pitulukeni mu mapange yenu aya ku ntanshi pa kuti mukashimikile mu cifulo icibombelwamo limo limo.

18 min: “Bushe Mulebomfya Broshuwa wa Cintu Lesa Afwaya ku Kutendeka Amasambililo?” (Bonse balingile ukukwata ica mu kati ca Ubutumikishi Bwesu Ubwa Bufumu ubwa January 2002 ilyo mulelanshanya ili lyashi.) Tendekeni na kasabankanya uupekenye bwino icilangililo ku kulanga ifya kutampa isambililo, ukubomfya ica kumwenako cili mu paragrafu 3. Pa numa, lumbuleni ifishinka fikalamba ifyaba muli broshuwa, kabili londololeni ifyo yapekanishiwa bwino ku kutendeka amasambililo. Langeni ubucindami bwa kupituluka mu mitubululo ilanda pa fya kutambika iili mu ca mu kati ca January 2002. Ipusheni abali mwi bumba balandeko imitubululo iyo bamona ukuti ilabomba bwino kuli bena. Pa kusondwelela bwekeshenipo icilangililo cili pa muulu.

Ulwimbo 93 ne pepo lya kusondwelela.

Umulungu wa Kutampa June 3

Ulwimbo 178

15 min: Ukubilisha kwa pa mwenu. Pekanyeni ukuti bakasabankanya bashimikeko pa lwa mapaalo bamwenenemo pa kubombako bupainiya bwa kwafwilisha nelyo bupainiya bwa nshita yonse mu March, April, nelyo May.

15 min: Ifyo Icitabo ca Ukupelulula Cibomfya Amabupilibulo Yambi aya Baibolo. Ilyashi ilipi e lyo pakonka ukulanshanya ne bumba lyonse. Belengeni paragrafu 2 pe bula 8 mu citabo ca Ukupelulula, kabili londololeni umulandu ne fyo Baibolo ingakomailwapo mu butumikishi bwesu. Lumbuleni ifishibilo fyaipifiwa pe bula 6, kabili londololeni umulandu twambwila mu mabupilibulo ya Baibolo yambi. Landeni pa kusoka mu Ulupungu lwa kwa Kalinda ulwa October 1, 1997, ibula 16, paragrafu 2, na pe bula 20, paragrafu 15. Ukubomfya imitwe itila “Ukupyanwa kwa Batumwa,” “Ifipasho,” na “Bulesa Butatu” mu citabo ca Ukupelulula, ebeni abali mwi bumba balange ifyo ukulinganya amabupilibulo kwingafwa pa kusambilisha icine.

15 min: “Icitetekelo Cesu Citulenga Ukubomba Imilimo Isuma.”b Ilyo mulelanshanya paragrafu 2, mu kwipifya ipusheniko Nte uwapimpa. Ebeni kasabankanya alande ifyo ukushimikila bambi kulanga icitetekelo cakwe no kucikosha.

Ulwimbo 56 ne pepo lya kusondwelela.

[Amafutunoti]