Ukutantika Ukulongana kwa Mulimo

Umulungu wa Kutampa August 12

Ulwimbo 76

13 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Bomfyeni imitubululo ili pe bula 8 ilyo mulecita ifilangililo fibili pa fya kushalika Ulupungu lwa kwa Kalinda ulwa August 15 na Loleni! wa July-September. Mu cilangililo cimo na cimo, langeni inshila shapusana isha kwasukilamo amepusho yacilikila ukulanshanya pamo nga “mulandu nshi imwe mwe bantu mutandalila libili libili?”—Moneni icitabo ca Ukupelulula, ibula 20.

20 min: “Imikeni Amabuyo ya ku Mupashi.”a Ilyo mulelanshanya paragrafu 5, landeni na mashiwi ya kukoselesha pa lwa bupainiya bwa nshita yonse, Isukulu lya Kukansha Ilya Butumikishi no mulimo wa pa Bethel.—Icitabo ca Abateyanishiwa, amabula 114-16 na Ulupungu lwa kwa Kalinda ulwa March 15, 1988, amabula 30-1.

12 min: Ifya kukumanya fya pa mwenu. Ipusheni icilonganino bashimike ifyo basangile ilyo baleshalika trakiti wa Bushe Kuti Mwatemwa Ukwishiba na Fimbi Pali Baibolo? Bushe kuliko amasambililo ya Baibolo ayatendekwa? Nga e ko yali, londololeni ifyo yatendekwe nelyo citeni icilangililo cimo nelyo fibili pali ifi fya kukumanya. Pitulukeni mu mukululo waleti “Uko Twingashalika Trakiti” mu Ubutumikishi Bwesu Ubwa Bufumu ubwa November 2001, ibula 4.

Ulwimbo 123 ne pepo lya kusondwelela.

Umulungu wa Kutampa August 19

Ulwimbo 182

12 min: Ukubilisha kwa pa mwenu. Lipoti wa ndalama. Lanshanyeni pali “Programu Mupya uwa Bushiku bwa Kulongana Kwaibela.” Bilisheni ubushiku bwa kulongana kwaibela ukukakonkapo, kabili koselesheni bonse ukufika bwangu no kukutika kuli programu onse. Koselesheni bakasabankanya ukulaalika aba kusekelela abapya na basambi ba Baibolo.

15 min: Cinshi Bakaanina? Ukulanshanya ne bumba lyonse ne cilangililo. Mu butumikishi bwesu ilingi line tulasanga abantu abashimunuka ukulanshanya na ifwe pa lwa fisumino fyabo. Ici cilatucilikila ukubeba ubukombe bwa Bufumu. Nga twaishiba icalenga umuntu ukukaana, nalimo ici kuti catwafwa ukumona ifyebo twingamweba pa kuti uyo muntu ailandile ifyo aletontonkanya. Lanshanyeni pa fyo twingaalula ifya kulanda ilyo twasanga abantu babe fi: (1) Abashifwaya kupepa, nangu fye ni kuntu bapepa. (2) Balya bakosela sana ku fishilano fya mipepele ya lupwa lwabo ne fikolwe. (3) Balya abashumfwa bwino ukulanda pa fisumino fyabo pa mulandu wa kukanaishiba Amalembo yengakosha ifisumino fyabo. (4) Balya batupata pa mulandu wa bufi ubo abashitufwaya balanda pali ifwe. Kuti mwayalula umutande ukulingana ne ncende mushimikilamo, ukwangwa sana sana pa fyo ilingi line musanga. Citeniko ne cilangililo icipi ukulanga ifyo mwingalenga umuntu alanshanya na imwe ifya mu Malembo.

18 min: “Langeni Bucishinka bwa Bwina Kristu Lintu uwa mu Lupwa Atamfiwa.”b (Amaparagrafu 1-8) Ukulandwa na eluda wafikapo, ukubomfya ifipusho fipekanishiwe. Lekeni paragrafu imo na imo ibelengwe mu kupongomoka na munyina uubelenga bwino.

Ulwimbo 136 ne pepo lya kusondwelela.

Umulungu wa Kutampa August 26

Ulwimbo 189

10 min: Ukubilisha kwa pa mwenu. Ukubomfya imitubululo pe bula 8, ebeni painiya wa nshita yonse nelyo uwa kwafwilisha alange ifya kushalika Ulupungu lwa kwa Kalinda ulwa September 1 kabili ebeniko na kasabankanya wa mu cilonganino alange ifya kushalika Loleni! wa July-September. Koselesheni bonse bakasabankanya ukubelengako ilembo ilyo baleshalika.

17 min“Ishibeni Ifya Kulanshanya!”c

18 min: “Langeni Bucishinka bwa Bwina Kristu Lintu uwa mu Lupwa Atamfiwa.”d (Amaparagrafu 9-14) Ukulandwa na eluda wafikapo, bomfyeni ifipusho fipekanishiwe. Lekeni paragrafu imo na imo ibelengwe mu kupongomoka na munyina uubelenga bwino.

Ulwimbo 125 ne pepo lya kusondwelela.

Umulungu wa Kutampa September 2

Ulwimbo 84

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya mu August. Mu kwipifya komaileni pa cipande cileti “Belengeleni Capamo Na Bana” mu Ulupungu lwa kwa Kalinda ulwa May 1, 1999, ibula 25.

20 min: Pekanishisheni Kabela Ilyo Mushilaya. Ukulanshanya ne cilangililo. Ukupekanishisha kabela kulaafwa ukubomba bwino ubutumikishi bwesu. E ico, ilyo mushilaya: (1) Pokeni impapulo mulekabila. (2) Shininkisheni ukuti namukwata apa kulemba ilyo muleya ku ng’anda ne ng’anda kabili shininkisheni ukuti muli na bopeni nelyo pensulo. (3) Nga mulekabila ukunina motoka, teyanyeni bwino. (4) Tontonkanyeni pa lwa fipempu fya kubwelelamo ifyo mulepanga ukucita. (5) Pekanyeni ifyo muleyalanda. Nga mwalayatungulula ukukumana kwa kuya mu mulimo wa mwi bala, pokeni icifulo calinga ica kuyabombelamo. Lanshanyeni ne bumba lyonse inshila shibili nelyo shitatu isha kutambikilamo ifitabo fya kale fyonse ifilipo mu butumikishi mu September. Citeniko icilangililo cimo pa fya kushalika, kabili belengeniko ne lembo pa kulanshanya.—Moneni imitubululo mu Ubutumikishi Bwesu Ubwa Bufumu, ubwa September 1996, ibula 8, no bwa June 1995, ibula 4.

15 min: Ukukabila kwa pa mwenu. Nelyo ebeni icilonganino ukushimika ifyo bakumenye ilyo baleshimikila ubunte bwa mu lyashi, nalimo ilyo baleshimikila bambi imbila nsuma palya bemika bamotoka, muli motoka wa cintubwingi, mu maparka, apo bashitisha ifintu, na mu ncende shimbi isha cintubwingi. Citeniko icilangililo cimo nelyo fibili pa fyacitike.

Ulwimbo 99 ne pepo lya kusondwelela.

[Amafutunoti]