Ukubilisha

◼ Ulupapulo lwa kutambika mu September: Life—How Did It Get Here? By Evolution or by Creation? nelyo icitabo conse ica kale ico icilonganino cikwete. Ilyo mushilaorda ifitabo fimbi ku maofeshi yanono, shi bebeteni nga ca kuti ifilonganino fyaba mupepi nafikwata ifi fitabo ifyo bashilebomfya. October: Bamagazini ba Ulupungu lwa kwa Kalinda na Loleni! Umuntu nga amoneka ngo wingatemwa ukusambilila, mutambikeni broshuwa wa Cintu Lesa Afwaya, no kubombesha apakalamba ukutendeka amasambililo ya Baibolo. November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Nga bantu balikwata ifi, kuti mwatambika impapulo sha kale. Kuti mwabebeta nga ifilonganino fyaba mupepi nafikwata impapulo sha kale nga tamukwete. December: Umuntu Wakulisha Uwabalile Abako Uwa Mweo. Nga tamukwete, kuti mwatambika Baibolo—Bushe Cebo ca kwa Lesa Nelyo ca Muntu?, Icitabo Candi ica Malyashi ya mu Baibolo, nelyo Kuti Waikala Kuli Pe na pe muli Paradise Pe Sonde.

◼ Ubutumikishi Bwesu Ubwa Bufumu ubwa mu October 2002 tabufwile ukupeelwa ukufikila icilonganino casangwa kwi bungano lya citungu.

◼ Baeluda balecinkulwako ukukonka ifyebo fyali pa mabula 21-3 mu Ulupungu lwa kwa Kalinda ulwa April 15, 1991 ukukuma ku batamfiwa nelyo abaifumya abengafwaya ukubweshiwa.

◼ Ifilonganino filingile ukutendeka ukuorda amabaundi volyumu ya Ulupungu lwa kwa Kalinda na Loleni! aya mwaka wa 2001. Aya mabaundi volyumu yakaba mu ciNgeleshi. Ukufikila aya mabaundi volyumu yaisa no kutumwa, yakaba pa “Ifikesa pa numa” pa Mutande wa Kulongelapo Ifitabo uwa cilonganino.

◼ Shi ishibeni ukuti ukulembesha Kwapuminkana konse kukapwa e co kanshi tamufwile ukulembesha cipya cipya ilyo kwapwa. Ukulembesha kwa kupokelela magazini mu melu kukatwalilila kuli balya ababa mu ncende sha kutali.

◼ Amaofeshi ya Nte sha kwa Yehova tayabombela pa maorda ya mpapulo sha kwa kasabankanya umo umo. Kangalila wa kutangilila afwile ukupekanya ukuti balebilisha cila mweshi ilyo orda wa mpapulo sha cilonganino ashilatumwa ku maofeshi yanono pa kuti bonse abalefwaya ukupokako ifitabo balembesha kuli munyina uubombela ku mpapulo. Kuti cawama muleibukisha impapulo isho baorda mu kuibela.

◼ Inshita shimo, bakasabankanya balapeelwa imilandu mu cilye iikuma ku kupepa Yehova. Akatabo kaleti Defending and Legally Establishing the Good News kalisabankanishiwe mu 1950 ku kwaafwa muli aya mafya. Nangu ca kuti aka katabo kalebomfiwa kale, ifyebo fyabamo ino nshita teti fibombe. E ico, bakasabankanya na mabumba ya baeluda tabafwile ukwesha ukubombela pa milandu ya mu cilye ukukonka ifyebo fyaba muli aka katabo.

◼ Ilyashi lya ku cintubwingi ilyaibela ilya mu nshita ya Cibukisho iya mu 2003 likalandwa pa Mulungu pa April 27. Ico ilyashi likalalandapo na autulaini fikabilishiwa limbi. Ifilonganino ifikatandalilwa na kangalila wa muputule nelyo ifikakwata ukulongana kukalamba uyo mulungu fikakwata ili lyashi umulungu ukakonkapo. Takuli icilonganino cifwile ukukwata ili lyashi ilyo April 27, 2003 ishilafika.

◼ Waini ya pa Cibukisho: Ifilonganino ifyaba mu mishi kuti fyaorda waini nomba line. Tumeni S-20 ne ndalama. Lembenipo bwino ukuti “INDALAMA SHA WAINI.” MWIKATUMA kalata nelyo S-14, tumeni fye S-20. Nga tamutumine indalama, waini tayakatumwe. Umutengo wa kabotolo ka bukulu bwa 200ml ni K2,000.00. Ubushiku bwa kulekesha ubwa kubombela pa maorda ni December 31, 2002. Waini ikatumwa mu February 2003.

◼ Impapulo Shipya Ishilipo:

A Satisfying Life—How to Attain it—mu Chichewa, iciNgeleshi, iciFrench, iciPortuguese, iciSwahili, ne ciTumbuka

Bushe Mwakwata Umupashi Uushifwa? (Trakti Na. 25)—Ichichewa, Icitonga, Icibemba, iciNgeleshi, iciFrench, ciKaonde, iciLubale, iciPortuguese, iciLozi, iciSwahili, ne ciTumbuka

Ukusesema kwa kwa Esaya—Ulubuuto lwa Bantu Bonse 2—Mu Filembo Fikalamba—IciNgeleshi, iciPortuguese, ne ciSwahili

Ukusesema kwa kwa Esaya—Ulubuuto lwa Bantu Bonse 2—Ichichewa, Icibemba, iciNgeleshi, iciFrench, iciPortuguese, iciLozi, ne ciSwahili

◼ Amatepu yapya ayalipo:

Respect Jehovah’s Authority—IciNgeleshi

◼ Compact Disc ipya iilipo:

Respect Jehovah’s Authority—IciNgeleshi