Cindamikeni Abalwala

Bakacema baba ne citemwiko balangwa balya abantu abengasuulwa. Mu cilonganino conse mwaba abalwala, abantu abekala mu fikuulwa basungila abalwala, nelyo abantu abanakuka mu nshila shimbi. Tabengabomba sana mu kubila ubukombe bwa Bufumu pa mulandu wa fyo baba. Nalimo kuti bakwata fye ishuko lya kushimikila ku batandashi, ku balwele bambi, nelyo ku balebasakamana. Lelo, conse ico bacita cintu cacindama mu kwaafwilisha umulimo onse uwa kushimikila. (Mat. 25:15) Nangu nga bashimikila fye amaminiti 15, kuti bacita lipoti, kabili bakatwalilila ukupendwa nga bakabila ba lyonse aba Bufumu.