Ukutantika Ukulongana kwa Mulimo
Umulungu wa Kutampa December 9
Ulwimbo 193
12 min: Ukubilisha kwa pa mwenu. Ukubilisha kwasoobolwamo mu Butumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo pa fya kushalika Ulupungu lwa kwa Kalinda ulwa December 15 na mu ca bubili mubomfye Loleni! wa October-December.
15 min: “Bilisheni Ubukombe bwa Bufumu.”a Ilyo mulelanshanya paragrafu wa butatu, landeni pa mitubululo ya kubelenga mu kulungatika Baibolo ilyo muleebako bambi imbila nsuma.—km 12/01 ibu. 1 para. 3.
18 min: Twaleni Ifisabo mu Mulimo Onse Uusuma. Ilyashi, no kulanshanya ne bumba lyonse. Ukulandwa na eluda. Pitulukeni mu fyo icilonganino catendeke ne fyo calunduluka, ukusanshako no kubombesha kwalengele icilonganino ukupangwa. Pekanishisheni kabela ukuti abalipo ilyo icilonganino calepangwa bashimike ifya kukumanya fya kukoselesha. Landeni pa kulunduluka muleenekela na kumbi, kabili koselesheni bonse ukutungilila imilimo ya cilonganino mu kupimpa.
Ulwimbo 119 ne pepo lya kusondwelela.
Umulungu wa Kutampa December 16
Ulwimbo 29
10 min: Ukubilisha kwa pa Mwenu. Lipoti wa ndalama. Londololeni ifyo mutantike imibombele ya December 25 na pa January 1.
15 min: Abashilimuka Bakeluka. (Dan. 12:3, 10) Icilangililo. Uulefwaya ukwishibe icine aipusha ati: “Kuti naishiba shani ukuti mwalyumfwikisha bwino bwino ifyo Baibolo isambilisha?” Kasabankanya alondolola ifya kufwaya ifyebo muli Baibolo ukubomfya umutwe wa lyashi. (w96 5/15 Ibu. 19-20) Ukubomfya ica kumwenako cimo nelyo fibili ukufuma mu citabo ca Ukupelulula, amabula 213-218, alanga ifyo twingeshiba ubufwayo bwa kwa Lesa kwi sonde pa kubebeta bwino bwino Amalembo. Kasabankanya alondolola ifyo inshila imo ine ingabomfiwa ku kumfwikisha ifisambilisho fya Baibolo fimbi kabili amweba na pe sambililo lya Baibolo.
20 min: “Ibukisheni Abakoloci ba Busumino.”b Landeniko na pa fyebo ukufuma mu Ulupungu lwa kwa Kalinda ulwa August 1, 1994 ibula 29. Landeni pa kutantika kwa kutila abalwala na bakote kuti baletuma lipoti ukwambila pa maminiti 15. Pekanyeni ukuti bamo balande ifya kukumanya ifilanga ifyo ukubishanya na ba musango yu kuletela bonse bene amapaalo.
Ulwimbo 154 ne pepo lya kusondwelela.
Umulungu wa Kutampa December 23
Ulwimbo 148
10 min: Ukubilisha kwa pa mwenu. Ukubomfya imitubululo ili pe bula 8, langilileni ifya kushalika Ulupungu lwa kwa Kalinda ulwa January 1 na Loleni! wa October-December. Koselesheni bonse ukutamba vidio wa No Blood—Medicine Meets the Challenge pa kuti bapekanishishe ukulanshanya kukabako mu Kulongana kwa Mulimo ukwa mu mulungu wa January 6. Nga ca kuti vidio tapali, koselesheni bonse ukubelenga icitabo ca Ukupelulula pa mabula 389-393.
15 min: Ukukabila kwa pa mwenu.
20 min: “Bushe Mulabomba Ulubali Lwenu pa Kuti Lipoti Ilungame?”c Ilyo mulelanshanya paragrafu ya bubili, landeni pa fyebo fyaba mu citabo ca Ubutumikishi Bwesu, amabula 106-8.
Ulwimbo 165 ne pepo lya kusondwelela.
Umulungu wa Kutampa December 30
Ulwimbo 152
10 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya December. Nga ca kuti icilonganino cenu cikaalula inshita sha kulongana mu mwaka upya, mu cikuuku koselesheni bonse ukulasangwako ku kulongana pali ishi nshita shipya. Lumbuleni impapulo sha kushalika mu January, komaileni pa fitabo icilonganino cikwete.
15 min: Pitulukeni mu citabo ca Pepeni Lesa. Ilyashi no kulanshanya ne bumba. Londololeni ukutantika kwa kuti ici citabo cipya e citabo ca bubili ica kusambililamo na basambi. (km 6/00 ibu. 4 amapara. 5-6) Ipusheni ibumba ukulanda ifili muli ulu lupapulo ifyo batemenwe. Landenipo ukuti ifiputulwa fimo ifya ici citabo nafikwata ifipusho na malembo ifilecincisha umusambi ukutontonkanyapo sana pa Cebo ca kwa Lesa. Landeni pa ca kumwenako cili pa mabula 47-9, para. 13.
20 min: “Talukeni ku Mulopa Muli Bucishinka.” Eluda wafikapo atungulula ukulanshanya kwa fipusho ne fyasuko.d Pampamineni pa kwafwa bonse ukufishapo umulimo wabo uwa kutaluka ku umulopa. Eluda afwile ukukoselesha ibumba ukusanga amaparagrafu yalinga mu cipande no kuyashila nelyo ukushila pa fishinka fikalamba. Lekeni bakasabankanya bafikapo basuke ifipusho fyakonkapo ifi: Cishinte nshi icacindama icaba pa Ukutendeka 9:3, 4 icakomailwapo na pa Imilimo 15:28, 29 ico abantunse bonse bafwile ukukonka? (para. 3) Bushe “ukutalukako” ku mulopa kwalolele mwi ku Bena Kristu ba kubalilapo? (amapara. 4-6) Ukulingana no kuundapa kwa muno nshiku, bushe ukutaluka ku mulopa kusanshamo cinshi? (para. 8) Bushe Abena Kristu bafwile ukusumina ukubabikamo fimo ififuma mu mulopa ilyo baleundapwa? (amapara. 9-11) Mulandu nshi Abena Kristu bambi abafumacumi bashingatontonkanisha ifyo? (amapara. 12-15) Sondweleleni pa kwipusha ibumba ifipusho ifi ifya kupitulukamo: Bushe Inte sha kwa Yehova balasumina insandesande shafuma mu mulopa ishili shonse? Pa kusala inshila shalekanalekana isha kundapilwamo, cinshi Umwina Kristu wakosoka esha na maka ukucita?
Ulwimbo 147 ne pepo lya kusondwelela.
Umulungu wa Kutampa January 6
Ulwimbo 67
13 min: Ukubilisha kwa pa mwenu.
15 min: Ica Kutwafwa Ukuumfwila Ifunde lya kwa Lesa pa Mulopa. Ilyashi ukulandwa na eluda wafikapo, ukushimpwa pali autulaini afumine kwi ofeshi lya musambo. Kalemba afwile ukukwata bakardi abengi aba Advance Medical Directive/Release. Aba bakardi balapeelwa kuli bakasabankanya ababatishiwa pa numa ya kuno kulongana, lelo MWILEMBAPO lelo line. Ukusaina, ukubela bukambone, no kulembapo ubushiku fikabako pe Sambililo lya Citabo ilya Cilonganino ilikonkelepo. Kangalila we sambililo akamwafwa apo mushumfwikishe. Bonse bakambone abalesaina bafwile ukumona uko umwine wa kardi alesaina. Bakasabankanya abashabatishiwa kuti bailembela abene na bana babo kardi wa Advance Medical Directive/Release, ukulingana ne mibele no kushininwa kwabo.
17 min “Ufwile Ukutamba Vidio wa No Blood—Medicine Meets the Challenge.” Ukulandwa na eluda wafikapo. Tendekeni ilyo line fye ukulanshanya ne bumba pali vidio wa No Blood, ukubomfya ifipusho ifili pa mukululo uli pe bula 7. Pa numa, belengeni paragrafu wa kulekelesha mu mukululo. Nga ca kuti vidio tapali, lanshanyeni mu citabo ca Ukupelulula amabula 389-393.
Ulwimbo 79 ne pepo lya kusondwelela.
[Amafutunoti]
a Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.
b Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.
c Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.
d Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.