Ukubilisha

◼ Impapulo sha kutambika mu February: Icitabo cipya ica Palameni Kuli Yehova e cakulatambikwa. March: Icitabo ca Ukwishiba Uko Kutungulula ku Mweo wa Muyayaya. Bombesheni ku kutendeka amasambililo ya Baibolo aya pa ng’anda. April na May: Tambikeni bamagazini ba Ulupungu lwa kwa Kalinda na Loleni! Ilyo mulebwelela ku balefwaya ukusambilila, abengaba napamo ni balya abasangwa ku Cibukisho nelyo abasangwa ku kulongana kumbi ukwa fya Bufumu lelo abashibishanya sana ne cilonganino, pooseni sana amano ku kushalika icitabo capyana pa citabo ca Abaikatana (e kuti icitabo ca Pepeni Lesa Wine Wine Eka). Bombesheni ku kutendeka isambililo lya Baibolo ilya pa ng’anda, maka maka nga ca kuti bamo balisambilila kale kale icitabo ca Ukwishiba na broshuwa wa Cintu Lesa Afwaya.

◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa March 1 nelyo mu kwangufyanya pa numa. Ilyo ici cacitwa, bilisheni ku cilonganino pa numa ya kubelenga lipoti wa ndalama uukonkelepo. Belengeni imisangulo iyatuminwe kabili iilelangililwa ukuti yalipokelelwe iyo icilonganino casangwilileko ku mulimo wa mwi sonde lyonse ne ndalama shimbi isho ukuteyanya kwapoosele.

◼ Kalemba na kangalila wa mulimo balingile ukupituluka mu mibombele ya bapainiya wa nshita yonse bonse. Nga ca kuti pali bapainiya abali no bwafya bwa kukumanisha amaawala yafwaikwa, baeluda balingile ukutantika ifya kubafwilisha. Pitulukeni mu makalata ya Sosaite aya cila mwaka aya S-201 no kubulamo imitubululo. Moneni na maparagrafu 12-20 mu ca mu kati ca Ubutumikishi Bwesu Ubwa Bufumu ubwa October 1986.

◼ Ilyashi lya ku cintubwingi ilyaibela ilya mu nshita ya Cibukisho iya mu 2003 likaba no mutwe wa kuti “Bushe Inshita ya Kupingula Babiloni Naifika.” Moneni ukubilisha kwapalako mu Ubutumikishi Bwesu Ubwa Bufumu ubwa September 2002.

◼ Ukutendeka no lwa March 1, 2003, magazini wa Ulupungu lwa kwa Kalinda, akalabako mu filembo fikalamba mu Chichewa.