Ukutantika Ukulongana kwa Mulimo
Umulungu wa Kutampa March 10
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo pa fya kushalika Ulupungu lwa kwa Kalinda ulwa March 15 na Loleni! wa April-June. Mu cilangililo cimo na cimo, bamagazini bonse babili bafwile ukutambikwa, nangu line mulelanda fye pali magazini imo.
15 min: “Kalata Ukufuma kwi Bumba Litungulula,” pe bula 7. Ilyashi no kulanshanya ne bumba lyonse.
20 min: “Natupimpilile Icisuma!”a (Amaparagrafu 1-12) Pa numa ya kulanshanya paragrafu 6, mu kwipifya langeni ifyo kasabankanya engalaalika lupwa lwakwe, umwina mupalamano, uo asambilila nankwe, nelyo uo abomba nankwe pa kuti akasangwe ku Cibukisho.
Ulwimbo 19 ne pepo lya kusondwelela.
Umulungu wa Kutampa March 17
Ulwimbo 34
10 min: Ukubilisha kwa pa mwenu. Lipoti wa ndalama.
15 min: Saleni Mano Mano Abo Mubishanya Nabo. Ilyashi ukulandwa na eluda ukufuma muli Awake! wa February 22, 1997, ibula 13, ne fyebo fili pa kamutwe kaleti “Ukubishanya Kubi” pe bula 78 mu citabo ca Ukupelulula. Langeni ifyo ifishinte fibomba ku bacaice na bakalamba. Komaileni pa busuma bwa kusala balya batemwa Lesa kabili abalanga ukuti balabombesha ukukonka ifipimo fyakwe ukuba ifibusa fyesu.
20 min: “Natupimpilile Icisuma!”b (Amaparagrafu 13-26) Ukulandwa na kangalila wa kutangilila. Ilyo mulelanshanya paragrafu 14, citeniko icilangililo icipi icilelanga eluda aletandalila munyina uulwele pa kuti amukoseleshe, ilyo alondolola ne fyo uyo munyina engabombela pamo ne cilonganino pa nshita ya Cibukisho.
Ulwimbo 53 ne pepo lya kusondwelela.
Umulungu wa Kutampa March 24
Ulwimbo 72
10 min: Ukubilisha kwa pa mwenu. Ukubomfya imitubululo ili pe bula 8, citeniko icilangililo pa fya kushalika Ulupungu lwa kwa Kalinda ulwa April 1 na Awake! wa April-June.
15 min: Ukukabila kwa pa mwenu.
20 min: Inte sha kwa Yehova—Balalenga Abantu Ukucite Cisuma kuli Bambi. Ilyashi no kulanshanya ne bumba lyonse. Inshita shimo tulakwata ishuko lya kulanda pa fyo ubutumikishi bwesu ne ca kumwenako cesu finonsha abantu. Ebeni ibumba lyonse balandeko pali ifi fishinka: (1) Tusambilisha abantu ukuba ne mibele isuma iya fipimo fya mu Baibolo. (2) Tusambilisha abantu ukuba abafumacumi no kucindika abalashi. (3) Tusambilisha ukuti abantu ba mishobo yalekanalekana, aba mu nko shalekanalekana, na ba mikalile yalekanalekana bafwile ukuumfwana. (4) Bambi tubaafwa ukuwamya imikalile ya ndupwa shabo ukupitila mu kubakoselesha ukubomfya ifishinte fya mu Baibolo. (5) Twalisambilisha imintapendwa ukubelenga no kulemba. (6) Tulabombesha ukwaafwa bambi pa nshita ya masanso. (7) Twalibombako ulubali lukalamba pa kuti kube ubuntungwa bwa maipepele ubo na bantu bonse baipakishako.—Moneni icitabo ca Proclaimers, ibula 699.
Ulwimbo 121 ne pepo lya kusondwelela.
Umulungu wa Kutampa March 31
Ulwimbo 130
12 min: Ukubilisha kwa pa mwenu. Cinkuleniko bonse ukuleta amalipoti ya mulimo wa mwi bala aya March. Lumbuleni ulupapulo lwa kutambika mu April. Lanshanyeni icipande cileti “Bomfyeni Icitabo ca Pepeni Lesa ku Kutungulula Amasambililo ya Baibolo.” Lanshanyeni ifishinka fikalamba ifili pa mutwe uleti “Ifya Kucinkulako pa lwa Cibukisho” ukufuma mu Ubutumikishi Bwesu Ubwa Bufumu ubwa March 2002.
13 min: Ifya kukumanya fya pa mwenu. Ebeni icilonganino cishimike ifya kukumanya baipakishe ilyo kwali ukubombesha mu March. Batasheni pa kubombesha kwabo, kabili koselesheni bonse ukubombako sana apapela amaka yabo mu April.
20 min: “Yehova Awamino Kutashiwa Apakalamba.”c Komaileni pa bucindami bwa Cibukisho. Langeni ifyo bonse bengafwa bambi ukusangwako. Londololeni icingacitwa ku kusanga abanaka no kubalenga ukucincila na kabili. Ebeni ibumba lyonse ukushimikako ifya kukumanya fya kukoselesha pa Cibukisho ca mwaka wapwile.
Ulwimbo 173 ne pepo lya kusondwelela.
Umulungu wa Kutampa April 7
Ulwimbo 191
10 min: Ukubilisha kwa pa mwenu.
15 min: Ifya Kupelulula mu Malembo. Ukulanshanya ne bumba lyonse. Bushe kuti twalundulula shani amaka ya kupelulula bwino na bantu mu butumikishi? (1) Nonkeni ukwishiba kwa Malembo ukusuma ukupitila mwi sambililo lya pa lwenu ilya lyonse no kusangwa ku kulongana. (2) Etetuleni pa fyo musambilila, ceeceeteni ifishinka mu mbali shalekanalekana. (3) Fwayeni ukwishiba ifyo amalembo yalondolola no mulandu Amalembo yalondolwela ifyo. (4) Tontonkanyeni pa fyo mwingalondolola amalembo ku bantu bapusanapusana. (5) Tontonkanyeni pa fyo mwingalangilila ifishinka fimo.
20 min: “Ifyo Icine Citulenga Ukuba Abantungwa.”d Landeniko na pa mukululo uli pe bula 6 mu Ulupungu lwa kwa Kalinda ulwa October 1, 1998. Ebeni abali mwi bumba balandeko pa fyo icine ca mu Cebo ca kwa Lesa cabaletela ubuntungwa.
Ulwimbo 217 ne pepo lya kusondwelela.
[Amafutunoti]
a Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.
b Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.
c Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.
d Ukulandapo kwenu ukwa pa kutendeka kwicila pali miniti umo, lyene tendekeni ukulanshanya kwa fipusho ne fyasuko.