Ukuntantika Ukulongana kwa Mulimo
Umulungu wa Kutampa August 11
Ulwimbo 101
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Bomfyeni imitubululo ili pe bula 8, no kucita ifilangililo fibili pa fya kushalika Ulupungu lwa kwa Kalinda ulwa August 15 na Loleni! wa July–September. Mu filangililo fyonse, bamagazini bonse babili balingile ukulangwa capamo lelo kulanda fye pali umo pali aba. Muli cimo ica ifi filangililo, langilileni ifya kwasuka ku fimoneka ukucilikila ukulanshanya. Tutile umo asoso kuti “Ndi uwapamfiwa.”—Moneni icitabo ca Ukupelulula, ibula 19.
15 min: “Pashanyeni Ubusuma bwa kwa Yehova.”a Ipusheni ibumba ukushimika ifya kukumanya ifipi ifilanga ifyo imicitile ya cikuuku yatungulula ku kushimiko bunte. Tasheni aba mu cilonganino pa fyo babombesha ku kwafwa abasumina banabo.
20 min: “Amapaalo Yaba Muli Bupainiya.”b Bomfyeni amepusho yateyanishiwe. Ipusheni painiya umo nelyo babili balande pa mapaalo basanga muli bupainiya. Soseni ukuti onse ulefwaya bupainiya kuti apokako amaformu kuli kalemba.
Ulwimbo 11 ne pepo lya kusondwelela.
Umulungu wa Kutampa August 18
Ulwimbo 82
12 min: Ukubilisha kwa pa mwenu. Lipoti wa ndalama.
15 min: “Umulimo Upuupuutula.”c Pekanishisheni kabela ukuti babili nelyo batatu bakalande pa fyo ubutumikishi bwa Bwina Kristu bubapembesula.
18 min: “Tulewamya Icifulo Cesu ica Kupepelapo.”d (Amaparagrafu 1-5) Bomfyeni amepusho yateyanishiwe. Pa kulanshanya amaparagrafu 3 na 4, pitulukeni mu mitantikile ya pa mwenu iya kuwamya Ing’anda ya Bufumu. Landeni pali fimo ifilekabila ukwangwako. Tasheni icilonganino pa fyo babombesha pa kusungilila bwino icifulo ca kupepa kwa cine.
Ulwimbo 114 ne pepo lya kusondwelela.
Umulungu wa Kutampa August 25
Ulwimbo 175
10 min: Ukubilisha kwa pa mwenu. Bomfyeni imitubululo ili pe bula 8, no kucita ifilangililo fibili pa fya kushalika Ulupungu lwa kwa Kalinda ulwa September 1 na Loleni! wa July–September. Mu filangililo fyonse, bamagazini bonse babili balingile ukulangwa capamo lelo kulanda fye pali umo pali aba. Citeni icilangililo umo umufyashi no mwana umupungwe umwaume nelyo umwanakashi bale-esha ifya kulanda pa kushalika bamagazini. Mu kwipifya bapituluka mu mitubululo imo na imo ilyo bashilaesha.
15 min: Ukukabila kwa pa mwenu.
20 min: “Tulewamya Icifulo Cesu ica Kupepelapo.”e (Amaparagrafu 6-12) Bomfyeni amepusho yateyanishiwe. Komaileni pa fyo cacindama ukusunga bwino Ing’anda ya Bufumu, landeni pa fili mu mukululo pe bula 5. Sansheniko lipoti umwipi pa lwa Ng’anda ya Bufumu mubomfya, kabili landeni pa fili fyonse ifipekanishiwe ku kuiwamya.
Ulwimbo 125 ne pepo lya kusondwelela.
Umulungu wa Kutampa September 1
Ulwimbo 84
10 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya August. Lumbuleni ulupapulo lwa kutambika mu September. Pekanishisheni kabela ukuti kasabankanya umo nelyo babili bashimike ifya kukumanya fya kukuulilila ifyo bakumenye ilyo balecita ubunte bwa mu lyashi ilyo baleya nelyo ukufuma kwi bungano atemwa pa nshita ya kutuusha.
15 min: Bushe Mulafisha Ubulayo Bwenu Ubwa Kubwelelako? Ilyashi no kulanshanya ne bumba lyonse ukushimpwa pa Ulupungu lwa kwa Kalinda ulwa September 15, 1999, amabula 10-11, pa kamutwe katila “Inshila Shimbi Isha Kufishishamo Amalayo Yesu.” Ilyo twasanga abantu mu butumikishi bwesu abalesekelela, ilingi line tulomfwana ukuti tukatwalilile ukulanshanya inshita imbi. Bushe tulasunga ubulayo no kubwelelako? Pitulukeni mu fishinte fya mu Baibolo ifilingile ukutucincisha ukufisha ubulayo bwesu. Ipusheni ibumba ukushimika ifisuma fyafuminemo ilyo babweleleko bwangu bwangu.
20 min: “Baafweni Ukunonkelamo Icine Cine mu fyo Lesa Apekanya.” Ukulanshanya ne bumba lyonse ukutungululwa na kangalila we sukulu. (Moneni icitabo ca Isukulu lya Butumikishi, ibula 285.) Kuti mwalanda pa fyo ikalasi lya shibukeni lile-enda nelyo ikalasi lya kuwamyako ukubelenga, kabili kuti mwakoselesha bambi ukulembesha nga balekabila ubwafwilisho mu kuwamyako ukubelenga. Ifishinka fingabomba kabili ifya kwafwa ifya muli kalata yatuminwe nomba line ku mabumba ya baeluda pa lwa makalasi ya kubelenga kuti fyalandwapo. (Nga tamwakwata ikalasi lya kubelenga, bomfyeni iyi nshita yonse ku kulanda pe Sukulu lya Bulesa.)
Ulwimbo 41 ne pepo lya kusondwelela.
[Amafutunoti]
a Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
b Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
c Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
d Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
e Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.