Ukutantika Ukulongana kwa Mulimo

Umulungu wa Kutampa October 13

Ulwimbo 215

10 min: Ukubilisha kwa pa mwenu no Ukubilisha kwasoobolwamo mu Ubutumikishi Bwesu Ubwa Bufumu. Koselesheni bonse ukubomfya amepusho yali pe bula 1 ku kupituluka mu fyebo balembele pa kupekanisha ukulanshanya ne bumba lyonse pali programu we Bungano lya “Peeleni Lesa Ubukata” mu Ukulongana kwa Mulimo ukwa mulungu uleisa. Ukubomfya imitubululo ili pe bula 8, citeni ifilangililo fibili pa fya kushalika Ulupungu lwa kwa Kalinda ulwa October 15 na Loleni! iya October-December. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo. Mu cilangililo cimo, langilileni ifya kucita icipempu ca kubwelelamo pa muntu upokako magazini lyonse. Imikeni umufula wa kutandala kukakonkapo pa kumulanga umukululo utila “Mu Lukakonkapo.”—Moneni Ubutumikishi Bwesu Ubwa Bufumu ubwa October 1998, ibula 8, amapara. 7-8.

20 min: ‘Bombeleni Yehova ne Nsansa.’a (Pali uku kulanshanya bonse bafwile ukukwata ica mu kati ica Ubutumikishi Bwesu Ubwa Bufumu ubwa January 2002.) Pa numa ya kulanshanya paragrafu 4, beshibisheni ukuti mu November tukalashalika broshuwa ya Cintu Lesa Afwaya ne citabo ca Ukwishiba. Mu kwipifya pitulukeni pa mitubululo imo iyaba mu ca mu kati ica Ubutumikishi Bwesu Ubwa Bufumu ubwa January 2002. Lyene citeni icilangililo ukubomfya ifyo mwalanda. Koselesheni bonse ukupekanishisha bwino ubutumikishi.

15 min: Ukutungulula Amasambililo ya Baibolo Kulalambula. Ilyashi no kulanshanya ne bumba lyonse. Shimikeni ifya kukumanya finono ukufuma mu mpapulo shesu pa masambililo ya Baibolo ayalunduluka. (w00 3/1 ibu. 6; yb98 amabu. 55-60) Lekeni ibumba lilande pa fyo basambilila ukufuma ku fya kukumanya ne fyo tunonkelamo mu kutungulula amasambililo ya Baibolo.

Ulwimbo 172 ne pepo lya kusondwelela.

Umulungu wa Kutampa October 20

Ulwimbo 86

5 min: Ukubilisha kwa pa mwenu.

40 min: “Amabungano ya Citungu na ya Pa Kati ka Nko Yatucincisha Ukupeela Lesa Ubukata!” Ukulandwa na eluda. Pa numa ya mitendekele ya miniti umo nelyo ukucepako, tungululeni ukulanshanya kwe bumba lyonse pali programu we bungano ukubomfya amepusho yali mu cipande. Akanyeni inshita bwino pa kuti amepusho yonse yalandwepo, limbi kuti cawama nga mulesuminisha fye umo ukwasukapo pa mepusho yamo yamo. Te malembo yonse ayabikilwemo mufwile ukubelenga mu nshita ipeelwe; ico yabikiilwemo kwangusha ukusanga amasuko. Amasuko yalingile ukukomaila pa bunonshi bwa kubomfya ifyasambililwe.

Ulwimbo 112 ne pepo lya kusondwelela.

Umulungu wa Kutampa October 27

Ulwimbo 64

12 min: Ukubilisha kwa pa mwenu. Lipoti wa ndalama. Cinkuleni bakasabankanya ukutuma amalipoti ya mulimo wa mwi bala aya October. Koselesheni bonse ukupituluka mu fyebo baalembele pa bushiku bwa kulongana kwaibela mu mwaka wa mulimo wapwile ku kupekanisha Ukulongana kwa Mulimo umulungu uleisa. Ukubomfya imitubululo ili pe bula 8, citeniko ifilangililo fibili pa fya kushalika Ulupungu lwa kwa Kalinda ulwa November 1 na Loleni! ya October–December. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo. Mu cilangililo cimo, langilileni ifya kwasuka ku fya kucilikila ukulanshanya ngo muntu atila “nshili uwasekelela.”—Moneni icitabo ca Ukupelulula, ibu. 16.

20 min: Bomfyeni Ulupanga lwa Mupashi. (Efes. 6:17) Ukulanshanya ne bumba lyonse ukubomfya icitabo ca Isukulu lya Butumikishi, amabula 143-4. Lekeni balande pa mepusho yakonkapo: (1) Mulandu nshi tubomfesha Baibolo pa kwasuka amepusho? (2) Bushe ishina lya kuti Inte sha kwa Yehova lishibisha cinshi pa lwa ifwe? (3) Ca kumwenako nshi Yesu aimike, kabili ni shani twingamupashanya? (4) Mu cifulo cesu ica kubombelamo, ni nshila nshi ishitwala ifisabo isha kutendekelamo ukulanda pa fya mu Baibolo? (5) Mulandu nshi cawamina ukubelenga mu kulungatika muli Baibolo lyonse ilyo imibele yasuminisha? (6) Bushe baeluda kuti bakoselesha shani bambi ukubomfya sana Baibolo? Citeniko icilangililo cimo icapekanishiwa bwino ukubomfya ifya kucita pe bula 144 kabili muli ci cilangililo kasabankanya wafikapo abomfye ilembo nangu fye limo pa kwasuka ilipusho. Koselesheni bonse ukwimika ubuyo bwa kubomfya Baibolo lyonse ilyo baleshimikila.

13 min: Ifya kukumanya fya mu cilonganino. Lekeni aba mwi bumba bashimike ifya kukumanya baipakishe ifyampene no kusangwa kwi bungano lya citungu nelyo ilyo baleshimikila ubunte bwa mu lyashi pa ncito, pa sukulu, nelyo kumbi fye.

Ulwimbo 52 ne pepo lya kusondwelela.

Umulungu wa Kutampa November 3

Ulwimbo 147

5 min: Ukubilisha kwa pa mwenu.

15 min: Lanshanyeni lipoti wa mulimo wa mwi bala uwa June uwa mu calo cesu. Linganyeni uyu lipoti no waba mu Ubutumikishi Bwesu Ubwa Bufumu ubwa October 2002. Batasheni no kubaafwa umulekabila ukuwamyako. Londololeni ifyo ukwetetula pe lembo lya mwaka ne filecitika filetwafwa ukupalama kuli Lesa ilyo tulebomba imilimo ya Bwina Kristu apapela amaka yesu, pamo nga ukushimikila imbila nsuma no kusangwa ku kulongana. (Yako. 4:8) Landeni pa filelangilila ukuti kuti kwaba ukulunduluka mu cilonganino. Bebeni impendwa ya bakasabankanya, impendwa ya bapya (nga kwali abapya), bapainiya, bapainiya ba kwafwilisha, ne mpendwa ya babatishiwe pe bungano.

25 min: Beni Abacindama ku Milimo Isuma. (1 Tim. 6:18) Ukubomfya amepusho yapekanishiwe pano, eluda atungulula ukulanshanya ne bumba lyonse pa kulongana kwaibela ukwa mwaka wa mulimo wapwile. Lekeni icilonganino cilande ifyo balebomfye ifyo basambilile. (Kuti mwasalila limo aba kulandapo.) Komaileni pa fishinka fyali mu kulongana ifyakonkapo: (1) “Imilimo Isuma Ilaleta Ubunonshi Ubukalamba.” (Luk. Mil. 2:11) Mulandu nshi ababomfi ba kwa Lesa basupila imilimo isuma iyalondololwa mu Cebo ca kwa Lesa ukucila imilimo ya fye iya ici calo? (2) “Beni Abacindama Kuli Lesa.” (Mat. 6:20) Ni shani bamo ‘baitutilila ifyuma mu muulu,’ kabili bunonshi nshi ubwafumamo? (3) “Cindamikeni Ubutumikishi Bwenu pa Kukwatako Umusambi wa Baibolo.” (om ibu. 91) Cinshi cingatwafwa ukutendeka no kutungulula isambililo lya Baibolo? (4) “Imilimo Isuma Muli ino Nshita ya Kulobolola.” (Mat. 13:37-39) Ca kumwenako nshi ica milimo isuma ico Abena Kristu ba mu kubangilila baimike, kabili ni shani umulimo wa Bufumu usandulwike muno nshiku? (5) “Lekeni Imilimo Yenu Isuma Icindike Yehova.” (Mat. 5:14-16) Ni shani bamo ‘baleka ulubuuto lwabo ukubalika’? (6) “Ukutasha Abacaice pa Milimo Yabo Isuma iya Kulumba Yehova.” (Amalu. 148:12, 13) Bushe abacaice ba Bwina Kristu mu muputule wesu balelumbanya shani Yehova? (7) “Twalilileni Ukubombe Milimo Isuma no Kulobolola Amapaalo ya kwa Yehova.” (Amapi. 10:22) Ilyo tulepikintika mu milimo isuma, mapaalo nshi twingalobolola ngo muntu umo umo, ngo lupwa, nge cilonganino, kabili ngo kuteyanya kwa mu calo conse?

Ulwimbo 180 ne pepo lya kusondwelela.

[Futunoti]