Ukutantika Ukulongana kwa Mulimo

Umulungu wa Kutampa March 8

Ulwimbo 37

10 min: Ukubilisha kwa pa mwenu. Ukubilisha kwasoobolwa mu Ubutumikishi Bwesu Ubwa Bufumu. Cinkuleni bonse ukwisa na broshuwa wa ‘Moneni Icalo Cisuma’ ku Ukulongana kwa Mulimo ukwa mulungu uleisa. Ukubomfya imitubululo ili pe bula 8 citeniko icilangililo pa fya kushalika Ulupungu lwa kwa Kalinda ulwa March 15 na Loleni! iya January–March.

15 min: Ukubomfya Amatrakiti ku Kutendekelako Kulanshanya. Ukulanshanya ne bumba lyonse. Ilingi icafya pa kushimikila fya kutendeka ukulanshanya. Amatrakiti kuti yabomfiwa ku kupwisha ubo bwafya pa kushimikila ku ng’anda ne ng’anda, mu ncende sha makwebo, na mu ncende musangwa icintubwingi. Mu kwipifya pitulukeni mu matrakiti yabili nelyo yatatu ayengatemwikwa ku bantu mu ncende mubombela. Fyebo nshi mwingalanda pa kutendeka ukushalika aya matrakiti? Bushe ifikope kuti fyabomfiwa shani? Mepusho nshi mwingepusha mucenjelo mucenjelo? Landeni pali paragrafu imo iyo mwingalanshanya na mwine ng’anda nga atemwa ifyo mulelanshanya. Citeni icilangililo pa fyo mwingatendeka ukulanshanya ukubomfya trakiti. Lekeni kasabankanya alande mu kwipifya pali paragrafu imo muli trakiti kabili apwishishishe ukulanshanya no kutambika icitabo ca Ukwishiba.

20 min: “Temweni Yehova, Mwe Babile Bakwe Bonse aba Cishinka”a Pa kulanshanya paragrafu 3, lekeni aba mwi bumba balande pa fyo balaalike abantu ku Cibukisho.

Ulwimbo 131 ne pepo lya kusondwelela.

Umulungu wa Kutampa March 15

Ulwimbo 121

10 min: Ukubilisha kwa pa mwenu. Pitulukeni mu fishinka fili mu “Ifya Kucinkulako pa lwa Cibukisho.” Bilisheni ilyo isambililo lya Ulupungu lwa kwa Kalinda likabako mu mulungu wa Cibukisho.

15 min: Ifyo Umulimo Ukabombwa mu Nshita Yaibela iya Cibukisho. Kangalila wa mulimo alanshanya na ba mwi bumba bonse. Landeni pa kupekanya kwaibela uko mupekenye. Shimikeniko ifya kukumanya fya kukoselesha ifinono. Koselesheni abengabomba bupainiya bwa kwafwilisha ukulembeshako mu April na May. Mu kwipifya pitulukeni mu fishinka fyaba mu ca mu kati ica Ubutumikishi Bwesu Ubwa Bufumu ubwa February.

20 min: Nonkelenimo muli broshuwa wa ‘Moneni Icalo Cisuma.’ Broshuwa mupya kuti alenga ukubelenga no kusambilila Icebo ca kwa Lesa ukucindama icine cine. Ica kwafwa cikalamba cisontelelo. Belengeni Esaya 63:1 iilondolola ukutila Yehova alefuma ku Bosera. Ebeni bonse ukufwaya Bosera mu cisontelelo ca ‘Icalo Cisuma.’ Londololeni umwalola icisontelelo ca “Bosera 11 G11”, ukubomfya umukululo uli pe bula 34, kabili fwayeni Bosera na Edomu pali mapu balangilile. Ukubomfya icisontelelo, langilileni inshila Yesu apitile pa kufuma ku Yerusalemu ukuya ku Sukari. (Yoh. 4:3-5) Citeni cimo cine pa kusanga icishiba ca Betesda. (Yoh. 5:1-3) Saleni icifulo na cimbi cimo nelyo fibili mu kubelenga kwa Baibolo ukwa cila mulungu ukwa mu Isukulu lya Butumikishi Ilya Bulesa. Lekeni aba mwi bumba balande apo bengasanga ifyo fifulo muli broshuwa kabili ne co tunonkelamo mu kufwayafwaya muli bamapu. Mu kwipifya landeni pali bamapu baba muli broshuwa, no kulangilila inshita ififulo filumbwilwe pali mapu fyaliko. Pali mapu ili pa mabula 18-19 e pali incende shacindama ishingi isha mu Baibolo ukucila amabula yambi yonse. Koselesheni bonse ukubomfya bwino broshuwa ya ‘Moneni Icalo Cisuma.’

Ulwimbo 63 ne pepo lya kusondwelela.

Umulungu wa Kutampa March 22

Ulwimbo 191

10 min: Ukubilisha kwa pa mwenu. Lipoti wa ndalama. Cinkuleniko bonse ukulabelenga Baibolo mu nshiku sha Cibukisho ukutantikwe ukufuma pa March 30–April 4, mu katabo ka Ukubebeta Amalembo Cila Bushiku—2004 na muli 2004 Kalenda.

15 min: Ukukabila kwa pa Mwenu.

20 min: “Ukusansa kwa ba Pali Bakabalwe Ukwamukuma.”b Nga inshita e ko icili belengeni no kulanshanya pa malembo yabikilwemo.

Ulwimbo 181 ne pepo lya kusondwelela.

Umulungu wa Kutampa March 29

Ulwimbo 129

10 min: Ukubilisha kwa pa mwenu. Cinkuleniko bakasabankanya bonse ukucita lipoti umulimo wa mwi bala uwa March. Landeni ulupapulo lwa kushalika mu April. Ukubomfya imitubululo ili pe bula 8 citeni icilangililo pa fyo mwingashalika Ulupungu lwa kwa Kalinda ulwa April 1 na Loleni! ya January–March.

15 min: Bomfyeni Bwino 2004 Yearbook. Ilyashi no kulanshanya na ba mwi bumba bonse. Landeni ifishinka fikalamba ifili muli “Kalata Ukufuma kwi Bumba Litungulula,” impendwa shilimo ishili ishaibela muli lipoti ya calo conse, ne fya kukumanya finono ifilekosha icitetekelo. Koselesheni bonse ukubelenga icitabo conse mu kati ka mwaka. Nga tamukwete Yearbook, landeni pa fishinka fili muli lipoti ya pa mwaka iili mu Ulupungu lwa kwa Kalinda ulwa January 1, 2004.

20 min: “Ibungano lya Citungu Ilya Nte sha kwa Yehova Ilya mu 2004 llileti ‘Endeni na Lesa.’” Ukulandwa na kalemba wa pa cilonganino. Pa numa ya kulanshanya paragrafu 1, belengeni kalata ya kupeelelwapo ukwa ukulonganina iya CO March 15, 2004. Koselesheni bonse ukutendeka ukupekanya ukusangwako nomba.

Ulwimbo 130 ne pepo lya kusondwelela.

Umulungu wa Kutampa April 5

Ulwimbo 126

10 min: Ukubilisha kwa pa mwenu.

20 min: Ubusaka Bulashininkisha Bukapyunga Bwesu. Ilyashi ukushimpwa pa Ulupungu lwa kwa Kalinda ulwa June 1, 2002, amabula 19-21. Sanshenimo icilangililo umuli eluda alelangilila painiya ifya kwafwa umusambi wa Baibolo mu mucenjelo ukwishiba ubucindami bwa kusunga ing’anda yakwe no lubansa ifya busaka, ukubomfya isambililo 9, paragrafu 5, muli broshuwa wa Cintu Lesa Afwaya.

15 min: Shimikeni ifya kukumanya fisuma pa lwa Cibukisho kabili no kubombesha kwaliko mu mweshi wa March.

Ulwimbo 25 ne pepo lya kusondwelela.

[Amafutunoti]