Ukutantika Ukulongana kwa Mulimo

Icishibisho: Ukulongana kwa Mulimo konse ukwa mu nshita ya kulongana kwa citungu kukatantikwa mu Ubutumikishi Bwesu Ubwa Bufumu. Ifilonganino kuti fyayalula uku kutantika pa kutila fikasangwe ku Kulongana kwa Citungu ukuleti “Endeni na Lesa.” Nga calinga, bomfyeni baminiti 15 abalekelesheko mu Kulongana kwa Mulimo ukwa mu mulungu wa pa ntanshi ya ku kulongana kwa citungu, ukupituluka mu kufunda kwacindama ukuli mu ca mu kati ca buno Ubutumikishi Bwesu Ubwa Bufumu ukwingabomba sana mu cifulo cenu. Mu October, kukaba ukupituluka mu fishinka fikalamba ifya kulongana kwa citungu mu Kulongana kwa Mulimo kumo ukutuntulu ukukatantikwa. Pa kuipekanisha uku kulanshanya, ifwe bonse tukalembe ifishinka twingabomfya ifyo tukomfwa pali uku kulongana, ukusanshako ne fyo cila muntu engatemwa ukubomfya mu mikalile yakwe na mu mulimo wa kushimikila. Lyena kuti twakoseleshako bambi pa kulondolola ifyo twabomfya imitubululo twaumfwile.

Umulungu wa Kutampa July 12

Ulwimbo 93

12 min: Ukubilisha kwa pa mwenu. Ukubilisha kwasobolwamo ukufuma mu Ubutumikishi Bwesu Ubwa Bufumu. Ukubomfya imitubululo ili pe bula 8, langilileni ifya kutambika Ulupungu lwa kwa Kalinda ulwa July 15 na Loleni! wa April–June. Mu cilangililo cimo, langeni ifya kutambika magazini ku-ulepita mu musebo uushaishibisha icibemba.

18 min: “Pashanyeni Ubupingushi bwa kwa Yehova.”a Nga kwashala inshita, ebeni aba mwi bumba ukulanda pa malembo yashambwilwe.

15 min: ‘Natutondele Pamo Ishina Lyakwe.’b Ukulandwa na kalemba wa pa cilonganino, ukubomfya amepusho yapekanishiwe. Lumbuleni uko icilonganino cenu cikalongana ukulongana kwa citungu. Inshiku sha kulongana nashitantikwa mu ca mu kati ca Ubutumikishi Bwesu Ubwa Bufumu ubwa March 2004. Kuti mwalandapo na pa fishinka na fimbi ifyaba mu ca mu kati nga cakabilwa. Sondweleleni ilyashi pa kwipusha amepusho yabili nelyo yatatu ukufuma mu cipande cileti “Ica Kulya ca ku Mupashi ica pa Nshita Yalinga,” icikalandwapo mu Kulongana kwa Mulimo umulungu uleisa.

Ulwimbo 91 ne pepo lya kusondwelela.

Umulungu wa Kutampa July 19

Ulwimbo 55

10 min: Ukubilisha kwa pa mwenu. Landeni pa bucindami bwa kulakonka programu wa kubelenga Baibolo cila bushiku, na lintu kwaba ifyapumfyanya ukutantika kwa lyonse. Landeni na pa fyaba pe bula 32 ilya mu Ulupungu lwa kwa Kalinda ulwa August 15, 2000.

15 min: “Ica Kulya ca ku Mupashi ica pa Nshita Yalinga.”c Bomfyeni amepusho yapekanishiwe. Ilyo mulelanshanya paragrafu 2, lekeni umo nelyo babili mwi bumba balande mu kwipifya pa kulongana kwa citungu uko bebukisha. Sondweleleni pa kwipusha amepusho yabili nelyo yatatu ukufuma mu cipande cileti “Muleba Aba Mushilo mu Fintu Fyonse Ifyo Mucita,” icikalandwapo mu Kulongana kwa Mulimo umulungu uleisa.

20 min: “Ukutungulula Amasambililo ya Baibolo Ayalunduluka—Ulubali 1.” Ilyashi ukulandwa na kangalila wa mulimo. Lekeni ibumba lilandepo pa fyebo fyaba mu citabo ca Proclaimers pa mabula 572-4, ukulondolola ifyo umulimo wa masambililo ya Baibolo watendeke muno nshiku. Lengeni abantu ukufwaisha ukwisakutika ifyebo fikafuma mu fipande fikonkelepo ifya lino lyashi. Fimo ifikaba mu lyashi ili ni fi, ifya kupekanya isambililo, ifya kwafwa umusambi ukupekanya isambililo, ubwingi bwa fyebo fya kusambilila, ifya kubomfya bwino amalembo, ifya kwasuka amepusho umusambi aipusha, ifya kutendeka ukupepa pa kusambilila, ne fya kutungulula umusambi ku kuteyanya. Koselesheni bonse ukubomfya imitubululo ipeelwe no kusunga ifi fipande nge fya kupitulukamo ku ntanshi.

Ulwimbo 10 ne pepo lya kusondwelela.

Umulungu wa Kutampa July 26

Ulwimbo 216

12 min: Ukubilisha kwa pa mwenu. Lipoti wa ndalama. Cinkuleniko bakasabankanya ukutuma lipoti wa mulimo wa mwi bala uwa July. Ukubomfya imitubululo ili pe bula 8, langilileni ifya kutambika Ulupungu lwa kwa Kalinda ulwa August 1 na Loleni! wa July-September. Mu cilangililo cimo na cimo, langeni inshila shalekanalekana isha kwasukilamo uulefwaya ukucilikila ukulanshanya nga asosa ati ‘Cinshi ico imwe mutandalila libili libili?’—Moneni icitabo ca Ukupelulula ibula 20.

8 min: Umukululo wa Mepusho. Ukulandwa na Eluda. Belengeni no kulanshanya icipande conse.

25 min: “Muleba Aba Mushilo mu Fintu Fyonse Ifyo Mucita.”d Bomfyeni amepusho yateyanishiwa. Ebeni aba mwi bumba ukulanda pa fyo bamona ukuti imyendele isuma pa kulongana kwa citungu ilaleta ilumbo kuli Yehova. Sondweleleni ilyashi pa kwipusha amepusho yabili nelyo yatatu ukufuma mu cipande cileti “Imimonekele Isuma Kabili Iya Mucinshi,” icikalandwapo mu Kulongana kwa Mulimo ukwa mulungu uleisa.

Ulwimbo 38 ne pepo lya kusondwelela.

Umulungu wa Kutampa August 2

Ulwimbo 32

8 min: Ukubilisha kwa pa mwenu.

22 min: “Ifya Kushimikila mu Ncende ya Makwebo.”e Landeni ifyo mutantike ukubombela mu ncende ya makwebo. Mu kwipifya citeni ifilangililo fibili mu maparagrafu 4 na 5 nelyo ukubomfya inshila imbi iibomba bwino mu cifulo cenu. Nga kwashala inshita, ebeni aba mwi bumba ukushimika ifya kukoselesha ibumba ifyabacitikile ilyo baleshimikila mu ncende ya makwebo.

15 min: “Imimonekele Isuma Kabili Iya Mucinshi.”f Bomfyeni amepusho yateyanishiwa. Nga kwashala inshita, belengeni no kulanshanya amalembo yashambwilwe.

Ulwimbo 48 ne pepo lya kusondwelela.

[Amafutunoti]