Ukutantika Ukulongana kwa Mulimo

Umulungu wa Kutampa December 13

Ulwimbo 47

10 min: Ukubilisha kwa pa mwenu no kubilisha kwasoobolwamo mu Ubutumikishi Bwesu Ubwa Bufumu. Koselesheni bonse ukutamba vidio ya No Blood—Medicine Meets the Challenge ku kuipekanishisha ukulanshanya kwa uyu mulungu uleisa. Nga tamukwete uyu vidio, pitulukeni mu cipandwa icitila: “Walikwate Nsambu sha Kusala” amabuula 17-22 aya muli broshuwa wa kuti, Ni Shani Fintu Umulopa Wingapususha Ubumi Bobe? Londololeni ifyo mulepekanya umulimo waibela pa December 25 na pa January 1. Bomfyeni imitubululo ili pe bula 8 (nga nailinga mu ncende yenu) ku kulangilila ifya kushalika Ulupungu lwa kwa Kalinda ulwa December 15 na Loleni! wa October-December. Imitubululo imbi iyalinga na yo kuti yabomfiwa. Mu cilangililo cimo cimo, langilileni ifya kucita nga bamo balefwaya ukucilikila ukulanshanya pa kusoso kuti “Nalibeleshanya Kale no Mulimo Wenu.”—Moneni icitabo ca Ukupelulula ibu. 20.

15 min: “Ukwafwa Kwenu Kulekabilwa.”a Mu kwipifya ipusheni eluda. Lekeni alondolole icamukoseleshe ukutinamina bueluda mu cilonganino ne camwafwile ukufikapo.

20 min: “Kuti Twashimikila Shani Kuli Balupwa?”b Bomfyeni ifipusho ifili mu cipande. Lekeni ibumba lilandepo mu kwipifya ifyo balenga balupwa lwabo ukufwaya ukusambilila ne fyo bashimikila kuli bena.

Ulwimbo 17 ne pepo lya kusondwelela.

Umulungu wa Kutampa December 20

Ulwimbo 68

5 min: Ukubilisha kwa pa mwenu.

15 min: “Ifyo Isukulu lya Butumikishi Ilya Bulesa Litunonsha.” Ilyashi ukulandwa na kangalila we sukulu. Landeni na pa ca mu kati ica Ubutumikishi Bwesu Ubwa Bufumu ubwa October 2004. Pekanishisheni libela kasabankanya umo nelyo babili ukulanda pa fyo balenonkelamo mwi sukulu.

25 min: “Nonkelenimo muli Vidio wa No Blood—Medicine Meets the Challenge.” Ukulanshanya ne bumba lyonse pali vidio wa No Blood, ukubomfya ifipusho ifili pe bula 6. Nga mwapwa ukulanshanya, belengeni paragrafu wa kulekelesha. Nga tamukwete uyu vidio, lanshanyeni icipande icitila: “Walikwate Nsambu sha Kusala” amabula 17-22 aya muli broshuwa atila, Ni Shani Fintu Umulopa Wingapususha Ubumi Bobe? Koselesheni bonse ukusangwa ku kulanshanya kukabako umulungu ukonkelepo ku kutwafwa ukutaluka ku mulopa.

Ulwimbo 50 ne pepo lya kusondwelela.

Umulungu wa Kutampa December 27

Ulwimbo 36

10 min: Ukubilisha kwa pa mwenu. Lipoti wa ndalama. Cinkuleni bakasabankanya ukutuma amalipoti ya December. Bomfyeni imitubululo ili pe buula 8 (nga nailinga mu ncende yenu) ku kulangilila ifya kutambika Ulupungu lwa kwa Kalinda ulwa January 1 nangu Loleni! wa October-December.

25 min: Ukuba Abashipa pa Kulolenkana no Bwafya bwa Cipatala. Ilyashi ukulandwa na eluda wafikapo, ukubomfya autulaini uwatumwa ne ofesi lya musambo. Lanshanyeni ifishinka fikalamba ifili mu mukululo uuleti “Ifya Kutwafwa Ukutaluka ku Mulopa.”

10 min: Umulimo wa Kampingu Wenu. Ilyshi ukulandwa na eluda, ukufuma mu Ulupungu lwa kwa Kalinda, amabula 23-4 amaparagrafu 16-19. Komaileni pa cishinka ca kuti ukupingula kwa kukonka kampingu kwalicindama sana, pantu kusanshamo ukwampana kwesu na Yehova.

Ulwimbo 8 ne pepo lya kusondwelela.

Umulungu wa Kutampa January 3

Ulwimbo 27

5 min: Ukubilisha kwa pa mwenu. Bilisheni ulupapulo lwa kutambika mu January.

15 min: “Ukutungulula Amasambililo ya Baibolo Ayalunduluka—Ulubali 4.” Landeni amashiwi ya kwiswila ukufuma muli paragrafu wa kubalilapo muli miniti fye umo, kabili citeni icilangililo ca maminiti 5 ukubomfya amaparagrafu 2 na 3. Muli ici cilangililo katungulula we sambililo lya Baibolo alelangilila umusambi ifya kupekanya isambililo. Pa kucita icilangililo saleni paragrafu umo ukufuma mu citabo ca Ukwishiba nangu broshuwa wa Cintu Lesa Afwaya. Twalilileni ukulanshanya ukwa fipusho ne fyasuko ukufuma mu paragrafu 2 ukufika ku 5, ukukomaila pa fishinka fikalamba ifyaciba mu cilangililo.

15 min: “Ukubomba Umulimo wa Kushimikila Ukwabula Akapaatulula.”c Londololeni umwalola ukukanaba na kapaatulula, ifyo Yehova abomba ukwabula akapaatulula, ne fyo twingalangishe ci mu mulimo.—Moneni icitabo ca Insight, Volyumu 1, ibula 1192, amaparagrafu 4-7.

10 min “Ukunonkelamo mu Malyashi ya pa Cintubwingi.” Ukulandwa na kangalila wa kutangilila nangu eluda uutantika amalyashi ya pa cintubwingi. Landeni pa filekuma icilonganino cenu.

Ulwimbo 79 ne pepo lya kusondwelela.

[Amafutunoti]