Ukubilisha

◼ Impapulo sha kutambika mu January: Icitabo conse ica mabula 192 icapulintilwe pa mapepala ayacucuka nelyo ayabutulukila nangu conse icalembelwe ilyo 1990 ishilafika kuti catambikwa. Nga tamukwete ifi pa cilonganino cenu, kuti mwamona ifilonganino mwaba na fyo mupepi nga nabakwata ifingi kuti mwapokako no kubomfya. Ifilonganino ifishikwete ifitabo fya kale kuti batambika icitabo ca Ukusapika Lesa Ukwa Mutundu wa Muntu. February: Palameni Kuli Yehova. Nga tamukwete ulu ulupapulo, kuti mwashalika icitabo ca kuti Life—How Did It Get Here? By Evolution or by Creation? nangu icitabo ca Ukusokolola—Akalume ka Kuko Kakalamba Nakapalama! March: Tambikeni broshuwa wa Mulelola! Nga ca kuti abantu balefwaya ukusambilila, balangeni icitabo ca Ukwishiba kabili tukuteni ukutendeka isambililo lya Baibolo. April na May: Tambikeni bamagazini ba Ulupungu lwa kwa Kalinda na Loleni! Ilyo mulebwelelako, pooseni sana amano ku kushalika icitabo ca Pepeni Lesa. Ubuyo bwenu bufwile ukuba bwa kutendeka isambililo lya Baibolo ilya pa ng’anda, maka maka ku basambilila kale icitabo ca Ukwishiba na broshuwa wa Cintu Lesa Afwaya.

◼ Ukutendeka mu February ukufika pa March 6, ilyashi lya cintubwingi ilyo bakangalila ba muputule bakatendeka ukulanda likalatila: “Bombeni Mano Mano mu Calo Capelwa Amano.”

◼ Ifilonganino fifwile ukupekanya bwino ukusefya kwa Cibukisho uno mwaka pali Cine, pa March 24, cilya akasuba kawa. Nangu ca kuti ilyashi kuti lyatendeka bwangu, ukupishamo ifimpashanya kufwile ukucitwa pa numa ya kuwa kwa akasuba. Fwailisheni uko mwabela pa kuti mwishibe inshita akasuba kakawa mu ncende yenu. Kuti cawama nga ca kutila cila cilonganino caisefesha Icibukisho. Nomba limbi ici teti cicitike. Uko ifilonganino ifingi fibomfya Ing’anda ya Bufumu imo, nalimo icilonganino cimo nelyo ifyalinga kuti fyafwaya ukubomfya icikuulwa cimbi ico cungulo. Uko cingacitwa, tuletubulula ukuti pafwile ukupita amaminiti 40 no kucilapo ukutula apo icilonganino cimo capwila ukusefya pa kuti abasangilweko banonkelamo sana pali aka kashita. Mufwile ukusakamana umwa kupita bamotoka na pa kwimika, pamo na pa kwishisha no kusendela abantu. Baeluda bafwile ukusala ifingabomba bwino kuli iyo ncende.