Bomfyeni Imitendekele Iingabomba ku Bengi — Watchtower LAIBRARE YA PA INTANETI

Bomfyeni Imitendekele Iingabomba ku Bengi

Ukutemwa abantu icine cine, e kukalenga ukweshaesha ukwiluka ifibasakamika no kubasambilisha ifyo Ubufumu bukapwisha ubwafya bonse ubo bakwata. (Fil. 2:4) Inshila isuma iyo bakasabankanya abengi basanga, kweba mwine ng’anda ukulanda pa fikope fya Paradaise ifyaba mu mpapulo shesu, nge fi batantike mu mukululo uli ku kulyo kwa lino ibula. Kuti mwabomfya imitendekele imo pa yakonkapo:

◼ “Bushe mulemona kwati fwe bantu tukatala atwikala bwino nge fi icikope cilelanga?”

◼ “Bonse ifwe kuti twafwaya abana besu ukwikala bwino nge fi ici cikope cilelanga apa. Cinshi mutontonkanya ukuti e cingaleta aya mapaalo?”

◼ “Ici cikope, cilangililo ca fyo isonde likalamoneka ilyo ukufwaya kwa kwa Lesa kukacitika pano nse nga mu muulu. Finshi mulemona muli ci cikope ifipusene ne fyo twaikala lelo?”

◼ “Bushe kuti mwatemwa ukwikala mu calo ca musango yu? [Lekeni basuke.] Bushe mutontonkanya ukuti ifi fikacitika mu nkulo yesu?”

Kutikisheni bwino ilyo umuntu aleasuka, kabili cikuuku cikuuku mwipusheni icipusho cimo nelyo fibili ifyalalenga uyo muntu ukulanda ifyo aletontonkanya. Nga ca kutila bamo batila tabalefwaya ukwisaikala mu calo ca musango uli mu cikope nelyo ukuti tabalesumina ukutila icintu ca musango yo kuti cacitika, mwiyangufyanya ukusondwelela ukuti tabalefwaya. Bepusheni mu nshila isuma ico batontonkanishisha ifyo. Limbi mu fyo balelanda kuti mwaishiba ubwafya abantunse bapitamo ubwa basakamika sana kabili ubo bamona kwati te kuti bupwe.—Esek. 9:4.

Nga mwailuka ifisakamika mwine ng’anda, lanshanyeni ukulingana ne fyo alekabila. Landeni ifyebo pa Bufumu ifilekuma sana icamusakamika. Mubelengeleni ilembo limo nelyo yabili ayalelanda pa mulandu wamusakamika. (Moneni imitubululo mu mukululo uli ku kulyo.) Lekeni aimwene umwine ifyo Icebo ca kwa Lesa calanda. Nga atemwa ifyebo, mutambikeni ulupapulo kabili panganeni ilyo mwingamonana nankwe kabili. Twalilileni ukulalunda pa fyo mwalanshenye pa kubala.

[Akabokoshi pe bula 6]

Ifikope fya Paradaise Ifyo Mwingabomfya

Icitabo ca Creation: amabula 237, 243, 251

Icitabo ca Kasambilisha Mukalamba: amabula 251-4

Icitabo ca Ukwishiba: amabula 4-5, 188-9

Broshuwa wa Cintu Lesa Afwaya: amabula 11, 13

Icitabo ca Umutende wa Cine: ibula 98

Icitabo ca Ukupepa Lesa: amabula 92-3

[Akabokoshi pe bula 6]

Ifisakamika Abantu

Amasakamika

Amalumbo 34:8;