Ukutantika Ukulongana Kwa Mulimo

Umulungu wa Kutampa February 14

Ulwimbo 174

10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Konkeni imitubululo ili pe bula 8 (nga kuti yalinga mu cifulo cenu) ku kulangilila ifya kushalika Ulupungu lwa Kwa Kalinda ulwa February 15 na Loleni! ya January-March. Mu kwipifya langilileni ifyo mwingabomfya ifi filangililo mu cifulo mushimikilamo.—Moneni Ubutumikishi Bwesu Ubwa Bufumu ubwa January 2005, ibula 8.

35 min: “Inshita ya Cibukisho—Inshita ya Kubombesha.”a Uukalanda ili lyashi ni kangalila wa mulimo. Bilisheni ku cilonganino aba kabomba bupainiya bwa kwafwilisha. Bilisheni inshiku na shimbi ishisalilwe isha kukumana pa kuya mu mulimo wa mwi bala. Linganyeni lipoti wa mulimo uuli muli buno Ubutumikishi Bwesu Ubwa Bufumu kuli lipoti wa mweshi wa kulekeleshako uwa mu mwaka wa mulimo uwa 2004 uuli mu Ubutumikishi Bwesu Ubwa Bufumu ubwa mu December 2004; mwalasanga ukuti abalecita lipoti nabacepelako. Koselesheni bonse ukubombesha mu mulimo wabo uwa kuli Lesa mu nshita ya Cibukisho.

Ulwimbo 14 ne pepo lya kusondwelela.

Umulungu wa Kutampa February 21

Ulwimbo 31

10 min: Ukubilisha kwa pa mwenu. Pitulukeni mu fishinka fikalamba ifili pa mukululo uli pe bula 6 uuleti, “Bafweni Ukumfwilapo na Fimbi.” Koselesheni bonse ukulemba bwangu bwangu formu wa S-43 nga kwaba abalekabila ukusambilila.

20 min: “Tooteleni Yehova pa Luse Lwakwe.”b Bilisheni ku cilonganino inshita ne cifulo ukukabela Icibukisho e lyo ne shina lya kwa kalanda ne fyebo fimbi ifilekabilwa ukubilisha. Ilyo mulelanshanya mu paragrafu 4, langilileni mu kwipifya ifyo kasabankanya alecita pa kwita umuntu atwalila bamagazini ukwisasangwa ku Cibukisho. Pali uku kulongana bonse bafwile ukupoka utupepala twapulintwa utwakwitilapo abantu ku Cibukisho, nga ca kuti tabapoka kale.

15 min: “Ukutungulula Amasambililo ya Baibolo Ayalunduluka—Ulubali 6.”c Citeni icilangililo ica maminiti 4 umo umusambi aleipusha kasabankanya ico kwabelele fye abanono abalile umukate no kunwa umwangashi pa Cibukisho. Kasabankanya atasha umusambi pa cipusho cakwe, alemba cipusho, kabili aeba umusambi ukuti balalanshanya ici cipusho pa numa ya kupwisha ukusambilila. Cilya bapwa fye ukusambilila, kasabankanya alanga umusambi icipusho icisangwa mu citabo ca Ukupelulula pe bula 115 icitila, “Ni bani bafwile ukwakanako ku mukate no mwangashi?” moneni na pe bula 116 paragrafu 1 ukufika mu paragrafu 3. Kasabankanya no musambi babelengela pamo ifyebo, kabili umusambi atasha pa ku mwasuka bwino.

Ulwimbo 21 ne pepo lya kusondwelela.

Umulungu wa Kutampa February 28

Ulwimbo 42

15 min: Ukubilisha kwa pa mwenu. Lipoti wa ndalama. Cinkuleniko bakasabankanya ukusha lipoti wa mulimo uwa mu February. Konkeni imitubululo ili pe bula 8 (nga kuti yabomba mu cifulo cenu) ku kulangilila ifya kushalika Ulupungu lwa kwa Kalinda ulwa March 1 na Loleni! ya January-March. Kuti mwalangilila na fimbi ifingabomba. Pa numa ya kupwisha icilangililo cimo, lekeni kasabankanya alange ifyo aleeba mwine nga’nda ukwisasangwa ku Cibukisho ukubomfya inkupo ya ku numa iya Awake! ya March 8

20 min: Afweni Abanaka. (Imil. 20:35) Landenipo fye panono muli miniti umo, kabili lanshanyeni ne bumba mu Ulupungu lwa kwa Kalinda ulwa July 1, 2004 amabula 17-18, amaparagrafu 12-16 ukulaipusha ifipusho nga filya fine ciba pa kutungulula Ulupungu lwa kwa Kalinda. Lekeni munyinefwe uubelenga bwino alebelenga amaparagrafu. Landeni sana pa fyo twingabomfya ifi fyebo pa nshita ya Cibukisho na pa nshita tukakwata ilyashi ilyaibela.

10 min: Tambikeni broshuwa wa Mulelola! Landenipo no kulangilila ifyo twingatambika broshuwa mu March. Langilileni ifyo twingacita ukubomfya ifilangililo ifili mu ca mu kati ica Ubutumikishi Bwesu Ubwa Bufumu ubwa January 2005 nelyo ifilangililo fimbi ifingalinga mu cifulo tushimikilamo.

Ulwimbo 72 ne pepo lya kusondwelela.

Umulungu wa Kutampa March 7

Ulwimbo 12

10 min: Ukubilisha kwa pa mwenu. Pitulukeni mu fishinka fikalamba ukufuma mu mukululo uleti “Ifya Kucinkulako pa lwa Cibukisho.”

15 min: Ukukabila kwa pa mwenu.

20 min: “Shalikeni Bamagazini mu Mulimo wa mwi Bala.”d Ilyo mulelanshanya mu maparagrafu 3 na 4, langilileni ifyo mwingashalika bamagazini. Mu kwipifya ipusheni kasabankanya umo nelyo babili ababomba bwino mu kushalika bamagazini pa fifulo fya makwebo, ubunte bwa mu misebo, mu fifulo umusangwa abantu abengi, ne lyo balecita ubunte bwa mu lyashi. Bepusheni ifyo bacita pa kushalika bamagazini muli ifi fifulo. Mu kwipifya langilileni ifya kushalika bamagazini nelyo langilileni icacitike.

Ulwimbo 192 ne pepo lya kusondwelela.

[Amafutunoti]