Ukutantika Ukulongana Kwa Mulimo

Umulungu wa Kutampa May 9

Ulwimbo 217

10 min: Ukubilisha kwa pa mwenu. Ukubilisha kusoobolwamo ukufuma mu Ubutumikishi Bwesu Ubwa Bufumu. Bomfyeni imitubululo iili pe bula 8 (nga kuti yabomba mu cifulo cenu) ku kulangilila ifya kushalika magazini wa Ulupungu lwa kwa Kalinda uwa May 15 na Loleni! wa April-June. Kuti mwabomfya ne fyebo fimbi ifingabomba. Mu cilangililo cimo langilileni ifya kushalika bamagazini mu bunte bwa mu lyashi lintu muli pa bulendo.

15 min: Bomfyeni Icebo ca kwa Lesa pa kufika pa mutima. Ilyashi ilifumine mu Ulupungu lwa kwa Kalinda ulwa February 1, 2005, amabula 28-31. Landeni pa fyo Yesu abomfeshe Amalembo pa kwafwa Petro. Landeni pa fyo twingapashanya Yesu lintu tulefwaya ukulungika ukutontonkanya no kuyumfwa kwa bana, abo tusambilila na bo Baibolo, nangu ukuilungika fwe bene fweka.

20 min: “Tantikileni Ulupwa Ifya Kucita.” Ukulandapo kwa kutendeka kwicila pa maminiti yabili. Langilileni ico ukulemba ukutantika kwacindamina kabili langeni ifya kulemba ukutantika kushalembwamo kantu ukuli pe bula 6. Konkeshenipo kulanshanya kwa fipusho ne fyasuko pa lyashi lileti “Ukutantika kwa Lupwa—Ukulongana kwa Cilonganino.” Ebeni ibumba ukulanda pa fyo bacita pa kuti imilimo imbi ilapumfyanya ukulongana kwa cilonganino. Ifishinka fimbi pa kutantika kwa lupwa fikalandwapo mu milungu ikonkelepo.

Ulwimbo 176 ne pepo lya kusondwelela.

Umulungu wa Kutampa May 16

Ulwimbo 201

10 min: Ukubilisha kwa pa mwenu.

15 min: “Ukutantika kwa Lupwa—Ukushimikila Pamo ngo Lupwa.”a Ebeni ibumba balande pa ubusuma bwaba mu kubombela pamo ngo lupwa mu kushimikila. Batasheni pa kubombesha kwabo ukulengele ukuti kube ifipimo fya pa muulu ifya bapainiya ba nshita yonse 9,949 e lyo na bakasabankanya bonse pamo 127,151. Landeni na pa mbali shimbi isha lipoti inshita nga yasuminisha.

20 min: “Ukutungulula Amasambililo ya Baibolo Ayalunduluka—Ulubali 9.”b Lintu mulelanshanya paragrafu 2, landeni pa cishinka cimo nelyo fibili ukufuma mu Ubutumikishi Bwesu Ubwa Bufumu ubwa December 2004 ibula 8. Langilileni mu kwipifya isambililo lya Baibolo. Lilya line bapwisha fye isambililo 2 muli broshuwa wa Cintu Lesa Afwaya, katungulula we sambililo aipusha umusambi ati: “Kuti mwalondolwela shani umunenu ishina lya kwa Lesa?” Umusambi alondolola ifyo engabomfya Amalumbo 83:18, pa numa ya ico katungulula amutasha.

Ulwimbo 134 ne pepo lya kusondwelela.

Umulungu wa Kutampa May 23

Ulwimbo 194

12 min: Ukubilisha kwa pa mwenu. Belengeni lipoti wa ndalama na kalata wa kutasha pa bupe. Ukubomfya imitubululo ili pe bula 8 (nga kuti yabomba mu cifulo cenu), langilileni ifya kushalika Ulupungu lwa kwa Kalinda ulwa June 1 na Loleni! wa April-June. Imitubululo imbi iyalinga na yo kuti yabomfiwa.

18 min: “Ubushiku bwa kwa Yehova Nabupalama.”c Ilyo mulepekanya ili lyashi, moneni icitabo ca Ukusesema kwa kwa Daniele ibula 59, paragrafu 28.

15 min: “Ukutantika kwa Lupwa—Isambililo lya Lupwa.”d Mu kubangilila laalikeni umo nangu babili ukulanda pa fyo batantika isambililo lya lupwa ne cilenga ukuti lilebako lyonse.

Ulwimbo 152 ne pepo lya kusondwelela.

Umulungu wa Kutampa May 30

Ulwimbo 190

10 min: Ukubilisha kwa pa mwenu. Cinkuleniko bakasabankanya ukutuma amalipoti ya mweshi wa May. Lumbuleni ulupapulo lwa kushalika mu June. Pekanyeni icilangililo cimo nangu fibili ifya kutambika ulupapulo ukulingana ne mitubululo ili mu ca mu kati ica Ubutumikishi Bwesu Ubwa Bufumu ubwa January 2005. (nga kuti yabomba mu cifulo cenu). Kuti mwabomfya ne fyebo fimbi ifingabomba.

20 min: “Ukutantika kwa Lupwa—Ilembo lya Bushiku.”e Ebeni aba mwi ibumba ukulanda pa fyo ulupwa lwabo lunonkelamo mu kulanshanya ilembo lya bushiku capamo e lyo no kutantika uko basanga ukubomba bwino.

15 min: Shimikeni ifya kukumanya nelyo bwekeshenipo ukulangilila ifyacitike lintu mwali mu kushimikila mu myeshi ya March, April na May. Pekanyeni mu kubangilila umo nelyo babili aba kulanda pa fyo babombeshe pa kulundulula ukushimikila kwabo mu nshita ya Cibukisho na mapaalo baipakishe.

Ulwimbo 115 ne pepo lya kusondwelela.

Umulungu wa Kutampa June 6

Ulwimbo 155

10 min: Ukubilisha kwa pa mwenu.

15 min: Ukukabila kwa pa mwenu.

20 min: “Kusheni Insala ya Cine Ukupitila mu Kubatwalila Bamagazini Lyonse.”f Ilyo mulelanshanya paragrafu 3, moneni icitabo ca Ukupelulula, amabula 257-62. Ifi fyebo kuti fyabomfiwa mu kupekanya ukulanshanya fye ilembo limo lintu mulelanda pa fyo Ubufumu bwa Lesa bukacita. Langilileni kasabankanya uulebomfya fye ilembo limo pa kulanshanya na untu ashalikako bamagazini lyonse. Kasabankanya afwile mu kwipifya ukulanda pe lembo no kulangilila ifyo lingabomba ku kwafwa mwine ng’anda ukumfwikisha ifyo limukumine.

Ulwimbo 107 ne pepo lya kusondwelela.

[Amafutunoti]