Sungeni
Ifyo Mwingashalika Amabroshuwa
Imitubululo yalekanalekana naipeelwa muli cino cipande ca mu kati ukumwafwa ukupekanya ifya kulanda pa kushalika amabroshuwa. Iyi mitubululo kuti yaaluka ukulingana na bantu mulekumanya. Imitubululo imbi na yo iyalinga kuti yabomfiwa. Imitubululo ya kushalikilamo amabroshuwa yambi ayashilandilwepo muli cino ica mu kati kuti yapekanishiwa ukubomfya imitubululo ipeelwe nge ca kumwenako.—Moneni Ubutumikishi Bwesu Ubwa Bufumu, ubwa January 2005, ibu. 8.
Imo na imo iya mitubululo ipeelwe pali lino ibula ilesanshamo (1) ilipusho ilya kutendekelapo ukulanshanya, ilingalenga umuntu ukutontonkanya (2) amabula na maparagrafu muli broshuwa umufumine ifya kulanshanyapo, e lyo (3) ne lembo ililelanda bwino sana pa cilelandwapo ilingabelengwa ilyo mulelanshanya. Kuti mwasanshamo ifya kulandapo fimbi mu mashiwi yenu, ukulingana ne fyo umuntu mulelandako aleankulako.
A Book for All People
“Bushe kuti mwasoso kuti muli Baibolo mwaliba ukupanda mano kusuma ukwingabomba pali lelo?”—ibu. 22, utumashiwi twa pa cikope; ibu. 23, para. 3 mu mukululo; Amapi. 25:11.
A Satisfying Life—How to Attain It
“Abantu mwi sonde lyonse balefwaisha imikalile isuma. Bushe kuti mwatila kukatala akuba inshita ilyo abantu bakasekelamo mu mikalile yabo?”—ibu. 29, para. 6; 2 Pet. 3:13.
Ipakishe Ubumi pe Sonde kuli Pe na Pe!
“Abantu abengi basosa abati pa kuti baipakishe ubumi bafwile ukuya ku muulu, nga imwe mutontonkanyapo shani pa kwikala umuyayaya pe sonde?”—Icikope icili pa nkupo; Ukus. 21:4.
Bushe Ulingile Ukusumina Muli Bulesa Butatu?
“Abantu basumina ifyalekanalekana pa fyaba Lesa. Bushe batini ifyo twasumina pali Lesa fyalicindama?”—ibu. 3, amapara. 3, 7-8; Yoh. 17:3.
Ishina lya Bulesa Ilikatwalilila Kuli Pe na Pe
“Fwe bengi twalishiba ipepo ilitendeka ukuti: “We Shifwe wa mu mulu, ishina lyobe licindikwe.” (Mat. 6:9, Baibolo wa Mbala Diocese) Lelo bushe mwalishiba ukuti ipusukilo lyesu lyashintilila pa kwishiba ilyo shina?”—ibu. 28, para. 1; Rom. 10:13.
Kamfulumende Iikaleta Paradise
“Abantu abengi balafwaya inshila bengapwishishamo amafya ya pali lelo. Bushe muleti kukatala akuba ubuteko ubukapwisha ayo mafya?”—ibu. 3, para. 1; Mat. 6:9, 10.
Cinshi Cicitika Nga Twafwa?
“Ilyo abatemwikwa besu bafwa, ca cifyalilwa fye ukufwaisha ukwishiba uko bali kabili tulafwaisha ukwishiba nga tukatala atubamona na kabili. Bushe mwalitala amutontonkanya pa mepusho ya musango yo?”—Amepusho yali pa nkupo ya ku numa; Yobo 14:14, 15.
Ilyo Untu Watemwa Afwa
“Lelo tuleshalikila abantu uyu broshuwa uwasansamusha no kupeele subilo ku bantu abengi abafwilwa abatemwikwa babo. Bushe mwalitala amutontonkanyapo pe subilo lya bafwa?”—ibu. 27, para. 3; Yoh. 5:28, 29.
“Bushe mwalitala amutontonkanya pa fyo mwingasansamusha abafwilwa abatemwikwa babo?”—ibu. 20, para. 1; Amapi. 17:17.