Sungeni

Ifyo Mwingashalika Broshuwa wa Cinshi Caba Imifwaile ya Bumi—Ni Shani Fintu Wingaisanga?

Pa numa ya kuposhanya na mwine ng’anda, kuti mwatila:

“Imikalile ino nshita nayafya kabili ifilecitika fintu tushenekela ukucitika. Bushe batini ifi e fyo Lesa alefwaya ifintu ukuba? [Lekeni basuke.] Aka katabo kalelanda ukuti ku ntanshi, Lesa akalenga abantu ukwikala ifyo alefwaya bene ukulaikala, e lyo ne sonde likaba ifyo alefwaya lyena ukuba. [Landeni pa cikope cili pa mabula 20 na 21. E lyo mubelenge paragrafu 9, no kulanda pali Esaya 14:24 na 46:11.] Ilyo nkabwela, nkesamulanga apo calembwa mu Baibolo ukuti isonde likaba Paradaise na kabili.” Mutambikeni broshuwa, kabili umfwaneni ukuti mukabwele na kabili.

Ilyo mwabwelelako, kuti mwatila:

“Lilya twaishile, natile Lesa afwaya abantunse ukwikala umuyayaya muli paradaise pe sonde. [Balangeni icikope caba pa mabula 20 na 21 na kabili.] Mwamona kanshi ukuti Yesu, Petro, na Davidi, bonse balilandile pali Paradaise.” Bebeni babule broshuwa wabo. E lyo mukupukule pa mabula 21 na 22, kabili lanshanyeni amaparagrafu 10 ukufika ku 13. Mwebeni pe sambililo lya Baibolo, nelyo umfwaneni ukuti mukesalanshanya akamutwe kamo pa tumitwe twaba pa mabula 29 na 30 ilyo mukabwelelako.

**********

Kasabankanya umwaice kuti atila:

“Abaice banandi tabaishiba bwino bwino ifyo tukekala ku ntanshi. Bushe batini imikalile ikawama ku ntanshi? [Lekeni basuke.] Baibolo ilanda ukuti abantu bakekala bwino ku ntanshi. [Kupukula pe bula 31 muli broshuwa apaba icikope, kabili belenga utumashiwi tuli pa cikope. E lyo mubelenge na 2 Petro 3:13.] Aka katabo kalelanda pa fyo abantunse bakapaalwa na Lesa ku ntanshi. [Landa sana sana pa tumitwe twalembwa mu filembo fyatikama pa mabula 29 na 30, kabili tambika broshuwa.] Kuti natemwa ukwisa na kabili no kumwebako ubulayo bwa kwa Lesa ubwa kupwisha inkondo shonse fye.” Umfwaneni ukuti ukabweleleko.

Ilyo wabwelelako, kuti watila:

“Umuku wafumineko, nalandileko fye panono pa kufwaya kwa kwa Lesa ukwa kubwesha paradaise waliko kale pano calo. [Landa pa cikope caba pe bula 31 na kabili.] Bushe batini muletipo shani pa bulayo bwa kwa Lesa ubwa kuti akapwisha inkondo?” Bebe babuule broshuwa yabo. Lyene belenga no kulanshanya na bo amaparagrafu 3 ukufika ku 6 pe bula 29. Umfwaneni ukuti mukeselanshanya paragrafu 7 na 8.

**********

Ilyo umukalamba alebomba no mwaice, kuti alanda amashina yabo bonse babili e lyo atila:

“(Kantwa) alefwaya amulangeko icikope no kumubelengelako ilembo limo mu Baibolo. [Umwaice alanga mwine ng’anda icikope kabili abelenga ne fyebo fili pa cikope pe bula 31 e lyo abelenga ilembo lya Ukusokolola 21:4.] Aka katabo kalondolola ifyo Lesa akacita pa mafya twakwata pali lelo. [Landeniko panono pa tumitwe tuli mu filembo fyatikama pa mabula 29 na 30, kabili tambikeni broshuwa.] Ilyo tukabwela, tulefwaya ukwisamulanga apo Baibolo yalanda ukuti amalwele yonse yakapwa.”

Ilyo mwabwelelako, umukalamba kuti atila:

“Lilya twaishile, natile nalefwaya ukumulanga apo Baibolo yalanda ukuti amalwele yonse yakapwa. Moneni ifilembelwe apa.” Mwebeni abule broshuwa wakwe. Lyene lanshanyeni amaparagrafu 9 ukufika ku 14 pe bula 29. Mutambikeni isambililo lya Baibolo, nelyo umfwaneni ukwisalanshanya amaparagrafu 15 ukufika ku 17 ilyo mukabwela.