Ukupitulukamo kwe Sukulu lya Butumikishi Ilya Bulesa

Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu wa kutampa uwa August 29, 2005. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa July 4 ukufika August 29, 2005. [Icishibisho: Apashili ica kuloshako, mufwile ukuisapikila pa kusanga amasuko.—Moneni icitabo ca Nonkelenimo, amabu. 36-7.]

UKUFUNDA PA MILANDILE

1. Bushe kuti ‘twaleka shani umutembo wesu ukwishibikwa ku bantu bonse’ ilyo tulebashimikilako pe subilo lyesu, kabili mulandu nshi cacindamina? (Fil. 4:5; Yako. 3:17) [be ibu. 251 amapara. 1-3, umukululo]

2. Ukwishiba ilyo tulingile ukunakila kukatwafwa shani ukubomba bwino na bambi? [be ibu. 253 amapara. 1-2]

3. Mulandu nshi ukubomfesha bwino amepusho kwacindamina ilyo tuleyafwa bambi ukutontonkanya pa co tulelandapo? [be ibu. 253 amapara. 3-4]

4. Finshi tufwile ukulaibukisha pa kuti ilyashi lyesu libe ilya kunashanasha? [be ibu. 255 amapara. 1-4, umukululo; ibu. 256 para. 1, umukululo]

5. Finshi tufwile ukulaibukisha nga ca kuti twasalapo ukubomfya ubushininkisho bulingeneko ku kutungilila Ilembo tubomfeshe ukuti lili bwino? [be ibu. 256 amapara. 3-5, umukululo]

ILYASHI NA. 1

6. Bushininkisho nshi ubwa cine ubulangilila ukuti Yesu eko ali? [w03 6/15 amabu. 4-7]

7. Bushe ‘utunwa twa batambalala tubapokolola’ shani, kabili ni mu mano nshi ing’anda ya mulungami itwalilila ‘ukwiminina’? (Amapi. 12:6, 7) [w03 1/15 ibu. 30 amapara. 1-3]

8. Apo Baibolo tayaba citabo ca mafunde ayalembwa mu kulungatika, bushe kuti ‘twakutuluka shani icabo kufwaya kwa kwa Yehova’? (Efes. 5:17) [w03 12/1 ibu. 21 para. 3–ibu. 22 para. 3]

9. Fishinte nshi ifya mu Baibolo ifingaafwa umuntu ukushipikisha ubupiina nelyo ukubulisha indalama? [w03 8/1 ibu. 5 amapara. 2-5]

10. Bushe ica kumwenako ca kwa Yehova ica bukapekape cilingile ukutukuma shani? (Mat. 10:⁠8) [w03 8/1 amabu. 20-2]

UKUBELENGA BAIBOLO UKWA CILA MULUNGU

11. Cinshi inceshi shibili ishainikwe Yakini na Boasi ishali pa mwinshi we tempele lyakuulile Solomone shaleimininako? (1 Isha. 7:15-22)

12. Bushe filya Solomone apeele imishi 20 iya mu calo ca Galili ku Mfumu ya Turi, Hiramu, cali fye bwino ukulingana ne Funde lya kwa Mose? (1 Isha. 9:10-13)

13. Cinshi twingasambililako kuli bucintomfwa bwa “muntu wa kwa Lesa”? (1 Isha. 13:1-25)

14. Ni mu nshila nshi Imfumu Asa iya mu Yuda yalangile ubukose, kabili cinshi twingasambililako ku ca kumwenako cakwe? (1 Isha. 15:11-13)

15. Bushe ifyacitike pa Mfumu Ahabu na Nabote filangilila shani ubusanso bwaba mu kuililila ubulanda? (1 Isha. 21:1-16)