Ukutantika Ukulongana kwa Mulimo

Umulungu wa Kutampa January 9

Ulwimbo 10

10 min: Ukubilisha kwa pa mwenu. Ukubomfya imitubululo ili pe bula 8 nelyo ifyebo fimbi ifingabomba bwino ku mwenu, langilileni ifyo mwingashalika Ulupungu lwa kwa Kalinda ulwa January 15 na Awake! ya January nga namukwata. Mu cilangililo cimo, langilileni kasabankanya uulebombela mu cifulo ca makwebo.

15 min: “Icitabo ca Baibolo Isambilisha E co Twakulabomfya ku Masambililo ya Baibolo.”a Afweni bonse ukufwaisha ukutendeka amasambililo ya Baibolo mu citabo cipya.

20 min: “Ifya Kutendeka Amasambililo mu Citabo ca Baibolo Isambilisha.” Ukulanshanya ne bumba lyonse ne filangililo ukufuma pa fyebo fili pe bula 3 mu ca mu kati. Kuti twatendeka ukubomfya icitabo ca Baibolo Isambilisha ili line pa kutungulula amasambililo ya Baibolo ku balesekelela. Pekanyeni bwino ifilangililo fitatu pa fya kubomfya (1) amabula 4-5, (2) ibula 6, na (3) paragrafu ya kubalilapo pe bula 7 ku kutendeka isambililo lya Baibolo ilyo mwabwelela ku muntu. Landileni limo ifyo icilangililo cimo na cimo calaba ilyo tacilatendeka, kabili pitulukenimo cilya icilangililo capwa. Inshita nga naipwa, kuti mwasupawila fye ifili mu maparagrafu mu citabo ca Baibolo Isambilisha. Ku kupwa kwa cilangililo cimo na cimo, kasabankanya afwile aumfwana no mwine wa ng’anda ukuti bakamonana na kabili.

Ulwimbo 125 ne pepo lya kusondwelela.

Umulungu wa Kutampa January 16

Ulwimbo 178

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Nga kuti batamba vidio, koselesheni bonse ukutamba vidio ya Transfusion-Alternative Health Care—Meeting Patient Needs and Rights ilyo baleipekanishisha ukulanshanya kukabako mu Kulongana kwa Mulimo mu mulungu wa January 30. Nga te kuti batambe vidio, ninshi indupwa pa kuipekanya, kuti babelengela pamo ifyalembwa muli broshuwa ya Ni Shani Fintu Umulopa Wingapususha Ubumi Bobe? pa mutwe utila “Ifya kupyanikapo Fisuma pa Kukuushishamo,” amabula 13-15.

15 min: Abaiteyanya Ukucita Ukufwaya kwa kwa Yehova. Ilyashi no kulanshanya ne bumba lyonse ukubomfya ifyebo fyaba pa mabula 4-7 mu citabo ca Abaiteyanya Ukucita Ukufwaya kwa kwa Yehova. Pa kutendeka, mulande pa fyebo fyaba pe bula 4 mupepi na maminiti yatatu, yecilapo, e lyo mutendeke ukulanshanya ne bumba lyonse ifyebo fyaba pe bula 5 ukufika pe bula 7 pa kamutwe. Ifipande na fimbi ifyaba mu citabo ca Abaiteyanya fikasambililwa mu Kulongana kwa Mulimo kumbi ku ntanshi.

20 min: “Abaice Abalebalika Nge Fyengelo.”b Ebeni abaice balande ifyo bacita pa kushimikila pa sukulu. Umwaice umo nelyo babili bena kuti mwabebela libela ukuti bakesalandapo.

Ulwimbo 107 ne pepo lya kusondwelela.

Umulungu wa Kutampa January 23

Ulwimbo 60

10 min: Ukubilisha kwa pa mwenu. Belengeni lipoti wa ndalama no kutasha ukufuma ku ofesi lya musambo pa misangulo icilonganino catumine. Ukubomfya imitubululo ili pe bula 8 nelyo ifyebo fimbi ifingabomba mu cifulo cenu, langilileni ifyo mwingashalika Ulupungu lwa kwa Kalinda ulwa February 1 na Loleni! ya January-March. Ebeni no musepela ukucitako icilangililo cimo.

15 min: Ukukabila kwa pa mwenu.

20 min: “Langeni Ukuti Mulasakamana Abantu—Pa Kubepusha Amepusho no Kukutika.”c Ilyo mulelanshanya paragrafu 2, ipusheni ibumba balande ifipusho bepusha abantu nga balefwaya batendeke ukulanshanya na bo. Langilileni ifyo mwingalenga umuntu alanda ifili ku mutima pa kumwipusha amepusho ayasuma no kukutikisha.

Ulwimbo 205 ne pepo lya kusondwelela.

Umulungu wa Kutampa January 30

Ulwimbo 197

5 min: Ukubilisha kwa pa mwenu. Cinkuleniko bakasabankanya ukusha amalipoti ya mulimo wa mwi bala aya January. Landeni ulupapulo lwa kushalika mu February, kabili citeniko ne cilangililo cimo pa fyo bengashalika ulo lupapulo.

15 min: Ukumfwila Ifunde lya kwa Lesa Ilya Kutaluka ku Mulopa. Ilyashi lya kubelenga ilifumine kwi ofesi lya musambo, ukulandwa na eluda. Pa kutendeka landeni ukuti kardi ya UWA KUNJIMININAKO KULI BADOKOTA taili na kulembwa lelo. Ilyo kalanda alebelenga ilyashi, kuti abikamo ifyebo ifinono ifya kukomaila pa fishinka fikalamba, lelo tafwile ukubikilamo ifilangililo fimbi nelyo amalembo yambi. Nga ca kutila inshita ilesuminisha, amalembo kuti yabelengwa nelyo ukwambulwa. Apo mwafika mu lyashi nga palinga, mufwile ukulanda pa fyebo fili mu mukululo uletila “Icipya Ica Kutwafwa Ukutaluka ku Mulopa.” Kalemba afwile ukupeela bakasabankanya bonse kardi itila UWA KUNJIMININAKO e lyo na “Ifya Kulemba Kardi Aletila UWA KUNJIMININAKO” pa kuti balekonkamo ilyo ilyashi lilebelengwa. Kalemba afwile no kushininkisha ukuti ama Identity Card ayakumanina e po yali. Ifipusho 12 ifili pe bula 7 muli buno Ubutumikishi Bwesu Ubwa Bufumu kuti fyabomfiwa mu kupituluka mu fyaba muli uyu vidio.

15 min: Ubwafwilisho Busuma Kuli Ifwe. Ukulandwa na eluda. Belengeni no kulanda pali kalata ya January 3, 2006, iyatuminwe ku filonganino fyonse ukufuma kwi ofesi lya musambo, iilelanda pa fyo ababa mu Komiti wa Kumfwaninamo ne Fipatala (HLC) na Bapempula Abalwele mu fipatala (PVG) bengatwafwilisha.

Ulwimbo 45 ne pepo lya kusondwelela.

Umulungu wa Kutampa February 6

Ulwimbo 74

10 min: Ukubilisha kwa pa mwenu.

25 min: Ukwishiba Ulupapulo Lwesu Ulupya Ulwa Kusambilishamo Abantu. Ilyashi no kulanshanya ne bumba lyonse. Ipusheni ibumba ukulanda pa fyebo ifyo batemenwe mu citabo cipya ica Baibolo Isambilisha, kuti balanda pa fipusho fili pa ntendekelo na pa mukululo wa kupitulukamo apali ifishinka fikalamba ifili mu cipandwa (amabu. 106, 114), ifikope (amabula 122-3, 147, 198), ne fyebo na fimbi (ibula 197, amapara. 1-2). Umuntu fye onse kuti atemwa imifundile yaba mu citabo (ibula 12, para. 12). Ifyabamo fyalilondololwa bwino bwino kabili filomfwika (ibula 58, para. 5) kabili mwaliba ne filangililo ifisuma (ibula 159, para. 12). Amashiwi yatendekelapo kuti yatwafwa ukutendeka amasambililo ya Baibolo (amabu. 3-7). Citeni icilangililo pa fyo umukululo waba pe bula 7 wingabomba ku musambi wa Baibolo umupya. Shimikeni ifisuma ifyacitika ilyo bamo balebomfya ici citabo cipya.

10 min: Bupainiya bwa Kwafwilisha Bulaleta Amapaalo. (Amapi. 10:22) Ipusheni ababombeleko bupainiya bwa kwafwilisha umwaka wapwile balande ifyo bacitile pa kuti babombeko, e lyo na mapaalo yafumine mu kubomba kwabo. Koselesheni bonse ukutontonkanyapo sana pali bupainiya bwa kwafwilisha no kupepelapo pa kuti bakabombeko mu March, April, na mu May.

Ulwimbo 16 ne pepo lya kusondwelela.

[Amafutunoti]