Ukutantika Ukulongana Kwa Mulimo
Umulungu wa Kutampa May 8
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Langilileni ifyo mwingashalika Ulupungu lwa kwa Kalinda ulwa May 15 na Loleni! ya April-June ukubomfya imitubululo ili pe bula 4 nelyo imitubululo imbi iingabomba bwino ku mwenu. Mu cilangililo cimo, kasabankanya ashalike Ulupungu lwa kwa Kalinda ulwa May 1 na May 15 na Loleni! ya April-June ku muntu uo ashiila lyonse bamagazini uushapokeleko Ulupungu lwa kwa Kalinda ulwa May 1. Ilyo muletambika aba bamagazini batatu, landeni fye pali magazini imo. Bakasabankanya kuti batandalila abo batwalila bamagazini lyonse umuku umo nelyo imiku ibili pa mweshi.
20 min: ‘Mulenkonka.’a Ipusheni mu kwipifya kasabankanya uwesha sana na maka ukwangusha imikalile yakwe no kuipusulako muli fimo fimo pa kuti alundulule umulimo wa Bufumu no kubombela bambi. Landeni sana pa mapaalo yafumamo pa kucite fyo.
15 min: Ifyacitike mwi bala. Ebeni abali mwi bumba bashimike ifisuma fyacitike ilyo balebombesha mu mulimo mu March na mu April. Kuti mwalanda pa fyo babombele pa kutendeka amasambililo ya Baibolo na mu kwafwa abapya ukusangwa ku Cibukisho. Nga ca kutila ifyacitike fisuma sana, kuti mwacite icilangililo cimo nelyo fibili ku kulangilila ifyo cali.
Ulwimbo 91 ne pepo lya kusondwelela.
Umulungu wa Kutampa May 15
Ulwimbo 9
10 min: Ukubilisha kwa pa Mwenu. Koselesheni bonse ukutamba vidio wa kuti Noah—He Walked With God pa kupekanishisha Ukulongana kwa Mulimo ukwa mulungu wa May 29. Nga takuli abakwata iyi vidio, kuti mwakoselesha bonse ukupituluka mu fyebo ifingalinga mu citabo ca Sambilila na mu Icitabo Candi ca Malyashi ya mu Baibolo.
15 min: Ukubombela Pamo Ilyo Tuletungululwa na Kristu. Ilyashi ukufuma mu citabo ca Abaiteyanya Ukucita Ukufwaya kwa kwa Yehova pa mutwe utila “Umwalola Ukwishiba Umulimo Abomba,” amabula 13-15.
20 min “Ukukuula Amayanda ya Bufumu—Umulimo wa Mushilo Uwacindama.”b Ilyo mulelanshanya paragrafu 2, ipusheniko bamo ababombako umulimo wa kukuula Amayanda ya Bufumu nelyo uwa kuyawamya.
Ulwimbo 133 ne pepo lya kusondwelela.
Umulungu wa Kutampa May 22
Ulwimbo 86
12 min: Ukubilisha kwa pa mwenu. Belengeni lipoti wa ndalama no kutasha ukufuma ku musambo pa bupe mwatumine. Langilileni ifya kushalika Ulupungu lwa kwa Kalinda ulwa June 1 na Loleni! ya April- June ukubomfya imitubululo ili pe bula 4 nelyo imitubululo imbi iingabomba bwino ku mwenu. Ifyo icilangililo calaba ni fi: ulupwa lulepituluka mu fyo balayalanda mwi bala.
15 min: “Langeni Ukuti Mulasakamana Abantu Bambi—Pa Kuba Aba Mutembo.”c
18 min: Ukupempenkana. Ukulanshanya na bali mwi bumba ukufuma mu citabo ca Isukulu lya Butumikishi, amabula 131-133. Landeni pa fishinte fisano ifitantikwe ifikuma mifwalile no kuipempenkanya. Londololeni ukutila kuti twabomfya ifi fyebo cisuma cisuma ku kwafwilako abasambi ba Baibolo ukwishiba ifya kufwala bwino ilyo baleisa ku kulongana.
Ulwimbo 215 ne pepo lya kusondwelela.
Umulungu wa Kutampa May 29
Ulwimbo 42
10 min: Ukubilisha kwa pa mwenu. Cinkuleniko bakasabankanya bonse ukusha lipoti wa mulimo wa mwi bala uwa May.
10 min: Tambikeni icitabo ca Kasambilisha Mukalamba mu June. Langilileni ifya kushalika icitabo ca Sambilila Kuli Kasambilisha Mukalamba ukubomfya imitubululo ili pa mabula 3-4 aya Ubutumikishi Bwesu Ubwa Bufumu ubwa January 2005, nelyo imitubululo imbi iingabomba bwino ku mwenu. Nga kuli inshita, ipusheni abali mwi bumba balande pa fisuma ifyo basanga mu kubomfya ici citabo mu mulimo wa mwi bala nelyo mu lupwa lwabo.
25 min: “Uo Abaice na Bakalamba Bengapashanya.” Pa numa ya kulanda amashiwi yanono ayashifwile ukucila miniti umo, tendekeni ukulanshanya ne bumba ifipusho fili mu paragrafu wa bubili pali vidio ya Noah. Lyena ipusheni indupwa ukuti balande ifyo banonkelamo mu kukonka imitubululo ya kuti “Learning Activities” iyaba muli vidio ya DVD. Pa numa, lanshanyeni icipusho na malembo ifili mu paragrafu 3. Nga ca kuti tamwakwata DVD, bomfyeni ifya kuloshako ifya mu Baibolo ukulanshanya ifipusho. Kuti mwaipusha abakalamba na baice ukushimika ifyo banonkelamo mu fikope ne filangililo fimbi ifyaba mu citabo ca Kasambilisha Mukalamba na mu Icitabo Candi ca Malyashi ya mu Baibolo.
Ulwimbo 9 ne pepo lya kusondwelela.
Umulungu wa Kutampa June 5
Ulwimbo 176
10 min: Ukubilisha kwa pa mwenu.
15 min: Ukukabila kwa pa mwenu.
20 min: Ifyo Twingacita Bwino Ifipempu fya Kubwelelamo. Ukulanshanya na bali mwi bumba ukubomfya ifyebo fyaba pa mukululo mu Ulupungu lwa kwa Kalinda ulwa November 15, 2003 ibula 16. Landeni pa nshila shonse 7 ishitantikwe, kabili ipusheni abali mwi bumba balande ifyo iyi mitubululo ingabomfiwa ku mwenu. Koselesheni bakasabankanya ukubwelela kuli bonse abapokeleko impapulo na bonse ababasekelele ilyo balanshenye, ne co bafwile ukubwelelako, kufwaya ukutendeka na bo isambililo lya Baibolo. Bomfyeni imitubululo imo pa yaba pe bula 6 mu Ubutumikishi Bwesu Ubwa Bufumu ubwa January 2006 ukulangilila ifya kutendeka isambililo lya Baibolo ilyo mwabwelela ku o mwalanshenye nankwe.
Ulwimbo 57 ne pepo lya kusondwelela.
[Amafutunoti]
a Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.
b Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.
c Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.