Ukutantika Ukulongana Kwa Mulimo

Umulungu wa Kutampa October 9

Ulwimbo 25

10 min: Ukubilisha kwa pa mwenu. Salenimo ifyo mwingatemwa ukubilisha mu Ubutumikishi Bwesu Ubwa Bufumu. Bomfyeni ifyebo fili pe bula 8 nelyo ifyebo fimbi ifingabomba bwino ku mwenu, ukulangilila ifyo mwingapeela umuntu Ulupungu lwa kwa Kalinda ulwa October 15 na Loleni! iya October-December pamo na trakiti ya Mbila ya Bufumu Na. 37.

15 min: “Afweni Bambi Ukuba Ifibusa na Lesa.”a Ebeni ibumba ukushimika ifyo basambilile ukupitila mu kumona fye imibele isuma iya bambi e lyo no kumfwa ku mapepo ya kufuma ku mutima fyalengele balunduluka basuka babatishiwa.

20 min: Pekanyeni Ukusabankanya Trakiti ya Mbila ya Bufumu Na. 37. Ilyashi no kulanshanya ne bumba. Pitulukeni mu mitantikile ya kampeni, iyo balandapo mu Ubutumikishi Bwesu Ubwa Bufumu bwa September. Cincisheni bonse ukubombesha. Koselesheni abakwata abasambi ba Baibolo abalelunduluka ukumona nga nabalinga ukuba bakasabankanya bashabatishiwa pa kuti bakabombeko kampeni. Abafyashi nabo kuti bamona nga ca kuti abana babo nabalinga. Landenipo panono pa fifwaikwa ifyaba pe bula 79-81 mu citabo ca kuti Abaiteyanya ku Kucita Ukufwaya kwa kwa Yehova.

Ulwimbo 221 ne pepo lya kusondwelela.

Umulungu wa Kutampa October 16

Ulwimbo 84

10 min: Ukubilisha kwa pa mwenu.

20 min: Nonkelenimo mwi Sambililo lya Citabo Ilya pa Cilonganino. Ilyashi no kulanshanya ne bumba ukufuma mu citabo ca kuti Abaiteyanya ku Kucita Ukufwaya kwa kwa Yehova, ukufuma pa kamutwe akanono pe bula 69 ukushinta pa kamutwe kanono aka kubalilapo pe bula 72.

15 min: “Finshi Mwacindamika Sana?”b Ebeleni kabela bakasabankanya bamo ukulanda ifyo bayalula imitantikile yabo pa kuti balefwaya intanshi Ubufumu kabili balande ne fisuma ifyo baipakisha pa mulandu ne fyo babombesha.

Ulwimbo 172 ne pepo lya kusondwelela.

Umulungu wa Kutampa October 23

Uwimbo 58

10 min: Ukubilisha kwa pa mwenu. Belengeni lipoti ya ndalama na kalata iyafumine ku musambo, ukutasha icilonganino pa bupe catumine. Bomfyeni ifyebo fili pe bula 8 nelyo ifyebo fimbi ifingabomba bwino ku mwenu, ukulangilila ifyo mwingapeela umuntu Ulupungu lwa kwa Kalinda ulwa November 1 na Loleni! ya October-December. Mu cilangililo cimo, langilileni ifyo mwingalanda nga bamweba ati “Mulandu nshi mutandalila libili libili?”—Moneni icitabo ca kuti Ukupelulula, ibu. 20.

15 min: Ukukabila kwa pa mwenu.

20 min: “Nonkelenimo Nga Nshi mu Kukumana kwa Mulimo wa Mwi Bala.”c Ilyo mulelanshanya paragrafu 3, landeni na pa fyebo fyaba mu Mukululo wa Fipusho mu Ubutumikishi Bwesu Ubwa Bufumu ubwa September 2001, paragrafu 4, ukukuma ku fyo cingaba nga ca kuti inshita shimo takuli bamunyinefwe bafikapo aba kutungulula ukukumana.

Ulwimbo 143 ne pepo lya kusondwelela.

Umulungu wa Kutampa October 30

Ulwimbo 207

10 min: Ukubilisha kwa mwenu. Cinkuleniko bonse ukuleta amalipoti ya mulimo wa mwi bala no kulemba ku numa ya lipoti impendwa ya matrakiti ya Mbila ya Bufumu Na. 37 ayo bashalike.

15 min: Ni Shani Ningashimikila ku Banandi ba pa Sukulu? Ilyashi no kulanshanya ne bumba ukufuma muli Loleni! ya July 8, 2002, amabula 26-28. Ebeni ibumba ukushimika ifyo bacitile pa kushimikila ku bana be sukulu banabo.

20 min: Ifyo Twingatemwa Ukumfwa Ilyo Twalesabankanya Trakiti ya Mbila ya Bufumu Na. 37. Ipusheni bakasabankanya ukushimika ifisuma ifyafumine mu kwananya trakiti ya Mbila ya Bufumu Na. 37. Landeni pa ncende iyo mwapwile ukusabankanya iyi trakiti ukufika pali ino nshita ne yashalako ukupwisha ilyo ubushiku bwa November 12 bushilafika. Langilileni kasabankanya alecita icipempu ca kubwelelamo ukubomfya icitabo ca kuti ico Baibolo Isambilisha. Cinkuleniko bakasabankanya ukubwesha amatrakiti yonse aya Mbila ya Bufumu ayo bashakapwishe ukupeela abantu ilyo kampeni ishilapwa pa kuti bambi bakayabomfye.

Ulwimbo 136 ne pepo lya kusondwelela.

Umulungu wa Kutampa November 6

Ulwimbo 146

10 min: Ukubilisha kwa pa mwenu. Ukubomfya imitubululo yaba pe bula 3-4 mu Ubutumikishi Bwesu Ubwa Bufumu ubwa January 2005 nelyo ifyebo fimbi ifingabomba ku mwenu, langilileni ifya kushalika icitabo ca kuti Sambilila Kuli Kasambilisha Mukalamba mu milungu ibili iya kulekelesha mu November. Nga kuli nshita, ebeni ibumba ukulanda pa busuma ubo basanga ilyo balebomfya ici citabo mu mulimo nelyo mu lupwa lwabo.

15 min: Lekeni Ubushiku bwa Bwinga Bwenu Bukabe Ubwa Kusangalalapo Kabili Ubwacindama. Ilyashi ukulandwa na eluda ukufuma mu Ulupungu lwa kwa Kalinda ulwa October 15, 2006 pa mabula 28-31.

20 min: Ukubile Cebo Kulapembesula. Ilyashi no kulanshanya ne bumba ukufuma mu Ulupungu lwa kwa Kalinda ulwa January 15, 2002 pa mabula 8-9. Ebeni ibumba ukushimika ifyo ukubila imbila nsuma kubalenga ukuba ne nsansa. Pa balelandapo, bamo nelyo babili kuti mwabebela limo.

Ulwimbo 8 ne pepo lya kusondwelela.

[Amafutunoti]