Ifya Kubilisha

◼ Impapulo tukalashalika mu March: Shalikeni icitabo ca kuti Bushe Cinshi Baibolo Isambilisha? kabili bombesheni pa kuti mukatendeke amasambililo ya Baibolo. April na May: Tukalashalika Ulupungu lwa kwa Kalinda na Loleni! Nga mwabwelela ku bantu abalefwaya ukusambilila, na ku basangwa ku Cibukisho nelyo abasangwa ku kulongana kumbi lelo abashilati bakose mu cilonganino, esheni ukubashiila icitabo ca kuti Bushe Cinshi Baibolo Isambilisha? ne co mufwile ukubashila ici citabo kufwaya ukwisatendeka isambililo lya Baibolo na bo. June: Shalikeni icitabo ca Creator nelyo icitabo ca kuti Icabe Nkaama ku Nsansa sha Lupwa.

◼ Ifilonganino fifwile ukupeela bakasabankanya bamagazini abapya aba Ulupungu lwa kwa Kalinda na Loleni! lilya line fye bafika. Ici cikalenga bakasabankanya ukwishiba ifili muli bamagazini ilyo bashilatendeka ukushalika mwi bala.

◼ Kangalila wa kutangilila nelyo umbi uo engasala afwile ukupituluka mu ndalama sha cilonganino isha mu December, January, na February. Nga apitulukamo, mufwile ukubilisha ku cilonganino pa numa ya kubelenga lipoti wa ndalama uukakonkapo.—Moneni Amakambisho pa fya Kubomba na Maakaunti ya Cilonganino (S-27).

◼ Iofesi lya musambo talitumina impapulo basabankanya abaorda pa lwabo. Bakasabankanya bafwile ukuorda impapulo ukupitila mu cilonganino. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino tacilatuma orda wa mpapulo kwi ofesi lya musambo pa kuti bonse abalefwaya impapulo balembeshe kuli munyina uubombela ku mpapulo. Kuti cawama ukulaibukisha ukuti impapulo shimo bashiorda mu nshila yaibela, e kutila, shifwile fye ukuordwa nga kuli bamo mu cilonganino abaleshifwaya. Formu ya kuordelapo impapulo (S-14) ifwile ukutumwa bwangu cila mweshi.

◼ Ifilonganino fifwile ukutendeka ukuorda amabaundi volyumu ya The Watchtower na Awake! aya mwaka wa 2006. Amabaundi volyumu yakaba mu ciNgeleshi. Pa mutande wa kulongelapo ifitabo uwa cilonganino, bakalalembapo abati ifikesa pa numa mpaka amabaundi volyumu yakabeko no kutumwa. Amabaundi volyumu fipe fya kuorda mu kuibela.

◼ Ababomfi ba Fitabo bafwile ukwishiba ukuti te kuti baordeko amakaseti ya nyimbo ayaba mu ma-alubamu 5 aya Sing Praises On Cassette (csLsb-E) pali ino nshita. Nomba inyimbo isho mwakulaorda, shakulaba pa ma CD 8 aya Sing Praises on CD (cdsb-E). Lelo kwena, natukwatako amakaseti ayanono ayashaba mu ma-alubamu (ukutampila pa lwimbo Na. 1 ukushinta pa Na. 225) ayo mwingapyanikishapo nga ca kutila ayo mwakwata yaonaika. Aya makaseti tukwete nga yapwa fye, ninshi takwakabe na yambi aya kuorda.