Ukutantika Ukulongana Kwa Mulimo
Umulungu wa Kutampa October 8
Ulwimbo 56
10 min: Ifya kubilisha fya pa mwenu. Citeni icilangililo ukulangilila ifyo mwingalanda pa kushalika Ulupungu lwa kwa Kalinda ulwa October 15 na Loleni! ya October-December, ukubomfya ifyebo fili pe bula 8, nangu kuti mwalanda fye fimbi ifingabomba ku mwenu. Bapeeleni bamagazini bonse babili nangu ca kutila mulelanda fye pali imo.
20 min: Ikaleni mu Kuteyanya kwa kwa Yehova. Ilyashi no kulanshanya na bali mwi bumba. Lifumine mu citabo ca Abaiteyanya Ukucita Ukufwaya kwa kwa Yehova mu cipandwa 17.
15 min: “Awake! Iyaibela Iyo Tukalashalika mu November!”a Shimikeniko panono pa fyaba muli Awake! ya November. E lyo tendekeni ukulanshanya ili lyashi, icipusho ne casuko. Ilyo mulelanshanya paragrafu 3, citeni icilangililo ukulangilila ifya kushalika Awake! ya November ukubomfya ifyebo fili pe bula 8 nangu kuti mwalanda ifyo abantu ku cifulo mushimikila bengatemwa ukulandapo. Ilyo icilangililo cishilapwa, kasabankanya alingile ukweba uo aleshimikilako ifyo akesalanshanya nankwe nga abwelelako.
Ulwimbo 10
Umulungu wa Kutampa October 15
Ulwimbo 67
10 min: Ifya kubilisha fya pa mwenu. Salenimo Ifya Kubilisha ifili mu Ubutumikishi Bwesu Ubwa Bufumu.
20 min: Bushe Icine Ciletwale Fisabo mu Bantu Musambilisha? Ilyashi no kulanshanya na bali mwi bumba ukufuma mu Ulupungu lwa kwa Kalinda ulwa February 1, 2005, amabula 28 ukushinta ku 30. Landeni na pa fyo amepusho ayaba mu citabo ca ico Baibolo Isambilisha yatwafwa ukwishiba ifili mu mutima wa musambi. Landeni pa fya kumwenako ifinono, pamo nga icipandwa 1, paragrafu 19; icipandwa 2, paragrafu 4; icipandwa 3, paragrafu 24; na icipandwa 4, paragrafu 18. Koselesheni bakasabankanya ukulabomfya ici citabo pantu balicilemba bwino nga nshi.
15 min: Bushe Muleibukisha? Ili lyashi lya kulanshanya na bali mwi bumba. Lifumine mu Ulupungu lwa kwa Kalinda ulwa August 15, 2007, pe bula 19.
Ulwimbo 151
Umulungu wa Kutampa October 22
Ulwimbo 175
10 min: Ifya kubilisha fya pa mwenu. Belengeni lipoti ya ndalama na kalata iilelanda pa musangulo mwatumine ku musambo. Citeni icilangililo ukulangilila ifyo mwingalanda pa kushalika Ulupungu lwa kwa Kalinda ulwa November 1 na Loleni! ya October-December, ukubomfya ifyebo fili pe bula 8, nangu kuti mwalanda fye fimbi ifingabomba ku mwenu.
15 min: Ukukabila kwa pa mwenu.
20 min: Mule-enda Nga Bana ba Lubuuto. Ilyashi no kwipusha. Twalisha imfifi ya cino calo kabili twalisumina ukuti ulubuuto lwa kwa Yehova e lo luletutungulula. (Efes. 5:8, 9) Ici calenga ubumi bwesu ukuba bwino, kabili twalishiba ifyo tulingile ukubomfya ubumi bwesu. (1 Tim. 4:8) Ulu lubuuto na kabili lulatupeela isubilo. (Rom. 15:4) Ipusheni bakasabankanya babili nangu batatu abakwatapo amafya ayakalamba pa kuti fye babe bacibusa ba kwa Yehova. E lyo kabili lekeni balondolole ne fyo bacitile pa kuti batwalilile ukuba bacibusa nankwe. Ilyo balesambilila icine, mafya nshi bakwete? Bushe bacitile shani pa kuti bapwishe ayo mafya? Bushe ubumi bwabo bwawama shani pali ino nshita? Bushe finshi fibafwa ukutwalilila ukukosa mu cine? Pa kusondwelela, koselesheni bonse ukutwalilila ukukosha bucibusa bwabo na Yehova no kulalanga ukuti balatasha pa cine Yehova asokolola.—2 Pet. 1:5-8.
Ulwimbo 23
Umulungu wa Kutampa October 29
Ulwimbo 124
10 min: Ifya kubilisha fya pa mwenu. Cinkuleniko bakasabankanya ukusha amalipoti ya mulimo wa mwi bala aya October. Landeni ulupapulo tukalashalika mu November, e lyo citeniko ne cilangililo cimo.
15 min: Cindikeni Kabumba Wenu pa Kuba na Mabuyo ya ku Mupashi. Ilyashi no kulanshanya na bali mwi bumba ukufuma mu Ulupungu lwa kwa Kalinda ulwa July 15, 2004, pe bula 21 ukushinta kwi bula 23. Lekeni abali mwi bumba balande ifyo balepanga ukubomba mu mulimo wa kwa Lesa. E lyo bashimike ne fyo pali ino nshita balecita pa kuti bakafikilishe ifyo bapanga. Bamo nangu babili nalimo kuti mwabebela limo.
20 min: “Sansamusheni Abapiina.”b Ilyo mulelanshanya paragrafu 2, landeni na pa fyebo fyaba muli Loleni! ya October-December, 2003 pa mabula 24 ukushinta ku 25.
Umulungu wa Kutampa November 5
Ulwimbo 156
10 min: Ifya kubilisha fya pa mwenu.
15 min: Ifyo Mwingacingilila Abana Benu Ukubomfya Amano ya Bulesa. Ili lyashi lifumine mu Ulupungu lwa kwa Kalinda ulwa January 1, 2005, pa mabula 23 ukushinta ku 27.
20 min: “Tulakoseleshanya.”c Lekeni abali mwi bumba bashimike ifyo kangalila wenda abakoseleshe ilyo atandalile icilonganino. Bamo nangu babili nalimo kuti mwabebela limo.
Ulwimbo 192
[Amafutunoti]
a Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
b Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
c Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.