Vidio ya Young People Ask —What Will I Do With My Life? (Ulubali 1)
Ilyo abacaice baleyabalekula, bafwile ukupingulapo pa fyo bafwile ukucita mu bumi. Vidio ya Young People Ask—What Will I Do With My Life? baipekanishisha ukwafwa abacaice pa kuti beshibe ifyo bengacita mu bumi. Nga mwabikamo DVD, tinikeni palya balembele ati, Play Drama. E lyo nga mwapwisha ukutamba, asukeni ifipusho ifili mu paragrafu 2. Pa numa, saleni palya balembele ati Interviews, lyena saleni icipande cileti, Looking Back, nga mwapwisha ukutamba, asukeni ifipusho ifili mu paragrafu 3.
Amepusho Pali Vidio: (1) Bushe ifyacitikile Timote fyapalana shani ne ficitikila Abena Kristu bacaice? (2) Bushe finshi bale-eba Andre ilyo balemupatikisha pa kuti abike sana amano ku fyangalo? (3) Finshi Munyinefwe Fleissig aebele Andre (a) pa kutemwa Yehova e lyo no kutemwa ifyangalo? (Mat. 6:24) (b) ukuti e fingalenga aba ne nsansa sha cine cine? (c) ukuti e fyo ebukisha nga amona imbale iyo alebomfya ilyo aali mu nkambi? (d) pa bantu bali nankwe pamo no mwina mwakwe pa cikope? (e) pa fyo aleumfwa filya alekele ukuteya ifyangalo ifyali no kulenga alumbuke? (Fil. 3:8) (4) Bushe banakulu Andre bayaswike shani ilyo abepwishe ati, “bushe ifi mfwaya ukulumbuka mu fyangalo calilubana?” (Luka 4:5-7) (5) Bushe Andre ilikwete insansa sha cine cine ilyo ena na bo ali nabo mu cangalo bacimfishe? (6) Finshi mwatemenwemo sana muli kalata Munyinefwe Fleissig alembele Andre? (Amapi. 10:22) (7) Finshi Munyinefwe Fleissig ayafwile Andre ukwishiba?
Amepusho ya Cipande Cileti, Looking Back: (8) Milimo nshi iyo munyinefwe na nkashi abo baleipusha muli ici cipande balebomba, kabili mulandu nshi batemenwe ukubomba iyi milimo? (9) Bushe balumbwike shani mu milimo batemenwe ukubomba? (10) Cinshi calengele ukuti baleke ifyo balecita? (2 Kor. 5:15) (11) Milimo nshi iya mu kuteyanya iyo batendeke ukubomba, kabili mulandu nshi bamwenene ukuti te kuti bacite fyonse fibili? (12) Bushe balomfwa ububi pa kuleka ifyo balecita no kutendeka ukubombela Lesa? (13) Finshi balandile ifyalenga ukuti utontonkanye sana pa fyo ufwile ukucita mu bumi bobe?
Mukwai tambeni ne cipande ca vidio icileti, interviews ne cileti supplementary material, kabili mupekanye ukwisayasukapo ilyo kukaba ukulanshanya pali ifi fipande mu Kulongana kwa Mulimo umulungu uleisa.