Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu August

“Kulaba inshita ilyo umuntu fye onse apepapo kuli Lesa mu bumi. Nangu fye bantu abashasumina ukuti kwaliba Lesa balapepa nga bakwata ubwafya. Nomba batini, bushe Lesa alomfwa amapepo yonse?” Lekeni basuke. Balangeni ifyebo fili ku nkupo ya ku numa iya Ulupungu lwa kwa Kalinda ulwa August 1, kabili lanshanyeni ifyebo fili pa cipusho ca kubalilapo no kubabelengelako ilembo limo. Bapeeleni magazini kabili panganeni ilyo mukabwelelako pa kuti mukayelanshanya icipusho cikonkelepo.

Icishibisho: Mufwile ukubomfya ifi fyebo pa kukumana kwa kuya mu mulimo wa mwi bala pa 3 August.

Ulupungu lwa kwa Kalinda August 1

“Muno nshiku ukutamba ifye shiku nakuseeka sana ne ci cilesakamika abantu abengi. Na lyo line, bambi batontonkanya ukuti ukutamba ifye shiku takwabipa. Inga imwe mumona shani? [Lekeni basuke.] Yesu atile pa kuti twishibe icintu nga cisuma nelyo cibi, tulingile ukumona ificitikila abacita ico cine cintu. [Belengeni Mateo 7:17.] Iyi magazini ilelanda pa ficitika ngo muntu aletamba ifye shiku. Kabili muli no kupanda mano ukwingafwa umuntu ukuleka ukutamba ifye shiku.”

Loleni! July–August

“Tulelanshanya na bena mupalamano pa fyo bantalamisoka bafulile. Abantu bamo batontonkanya ukuti, ukufusha bakapokola kuti kwa cefyako buntalamisoka. Imwe mutontonkanyapo shani? [Lekeni basuke.] Bushe mwalishiba ukuti Baibolo yalilaya ukuti buntalamisoka bukapwa? [Belengeni Amalumbo 37:10, 11.] Iyi magazini ilelanda pa fyo Lesa akapwisha buntalamisoka kabili nailanda na pa fintu fimo ifyo twingacita pa kuicingilila kuli buntalamisoka.”