Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu August

“Abantu abengi balapepa ukwapusanapusana kabili balapepa Lesa mu nshila ishapusanapusana. Bushe batini Lesa omfwa shani pali ifi? [Lekeni basuke.] Moneni ifyo Yesu alandilepo pali ili lyashi.” Lyena peleni abene ba ng’anda Ulupungu lwa kwa Kalinda ulwa August 1 kabili belengeleni capamo no kulanshanya ifyebo fili pa kamutwe ka kubalilapo pe bula 16. Shalikeni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda August 1

“Bushe tufwile ukusambilisha abana pali Lesa lintu bacili abaice, nelyo bushe cili bwino ukulolela ukufikila bakula no kubaleka basalapo abene uko bafwile ukulapepa? [Lekeni basuke.] Moneni ifyo Baibolo ifunda abafyashi abaume ukucita. [Belengeni Abena Efese 6:4.] Iyi magazini nailandapo fimo fimo ifyo abafyashi bengacita pa kusambilisha abana babo pali Lesa.”

Loleni! July–September

“Bushe mulesumina ukuti ukufwilwa umuntu mwatemwa kwaba pa fintu fimo ifyayafya sana ificitikila abantunse? [Lekeni basuke.] Abengi balasumina ukuti aya mashiwi yalafwa. [Belengeni Amalumbo 55:22.] Iyi magazini ilelanda pa fintu fimo fimo ifingatwafwa ukwishiba ifya kucita lintu twafwilwa, ilelanda na pa fyo twingapoosa icisendo cesu pali Lesa.”