Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu July

“Muli ino myaka, abantu balafwaya ukwishiba sana pali bamalaika. Bushe mumona ukuti bamalaika eko baba? [Lekeni basuke.] Moneni ifyo iyi magazini ilelanda.” Lyena peeleni abene ba ng’anda Ulupungu lwa kwa Kalinda ulwa July 1 kabili belengeni capamo no kulanshanya ifyebo fili pa kamutwe ka kubalilapo pe bula 16. Shalikeni magazini kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda July 1

Belengeni Amalumbo 65:2. Lyena landeni ukuti: “Abengi balasumina ukuti Lesa ni komfwa we pepo kabili balapepa cila bushiku. Lelo bamo balapapa ukuti, ‘Nga ca kuti Lesa eko aba, mulandu nshi mu calo mwafulila amafya?’ Nga imwe mumona shani? Bushe Lesa alomfwa nga tulepepa? [Lekeni basuke.] Iyi magazini ilelanda ifyo Baibolo yasuka icipusho ca kuti: ‘Mulandu nshi Lesa uumfwa amapepo asuminishisha ukucula?’”

Loleni! April–June

Apo bonse tufyalwa ababembu, inshita shimo kuti twapusana na bambi. Bushe mulemona ukutila kuti kwaba icingatwafwa ukupwisha ubwafya ilyo twapusana na bambi? [Lekeni basuke. Lyena belengeni Abena Roma 12:21.] Ino magazini ilelanda ifyo Baibolo ilanda ifyo tulingile ukucita ne fyo tushifwile ukucita pa kuti tuleba pa mutende na bambi.