Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu July

“Abengi balalanda imiku ne miku amashiwi yaba mwi pepo lya We Shifwe aya kuti: ‘Ubufumu bwenu bwise. Ukufwaya kwenu kucitwe pano isonde nga mu muulu.’ Batini, bushe Bufumu nshi ubu? [Lekeni basuke.] Ili ilembo lya mu Baibolo lilatwebako fimo pa Bufumu.” Belengeni Daniele 2:44. Lyena peleni abo muleshimikila Ulupungu lwa kwa Kalinda ulwa July 1 kabili belengeleni capamo no kulanshanya ifyebo fili pa kamutwe ka kubalilapo pe bula 16. Shalikeni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda July 1

“Apo inshiku twikala pa calo shalicepa sana kabili tulakwata amafya mu bumi bwesu bonse, abengi balatwishika ico twabela pano calo. Nga imwe, bushe mwalitontonkanyapo pali ici? [Lekeni basuke.] Baibolo yalilaya ukuti ifintu tafyakatwalilile ukuba fye ifi fine. [Belengeni Ukusokolola 21:4.] Iyi magazini ilelanda umulandu Lesa apangiile icalo kabili ilelanda na pali fimo fimo ifyo twingacita pa kuti tuwamyeko imikalile yesu na pali ino ine nshita.”

Loleni! April–June

“Bushe mwalitontonkanyapo ukuti ibuuku lya kale nge fi Baibolo yaba kuti lyalanda ifyebo ifingomfwana na sayansi pali ino nshita? [Lekeni basuke. Lyena belengeni Esaya 40:22.] Ino magazini ilelanga ifyo ifyaba mu Baibolo fyumfwana na sayansi pa ficitika pano isonde, kabili kuti yalenga twatetekela ifyo ilanda na pa milandu iyacindama.”