Ifya Kucita

Pa kutendeka amasambililo ya Baibolo pa Cibelushi ca kubalilapo mu May

“Bushe mwalitala amutontonkanyapo ico Lesa alekela ifyabipa ukulacitika? [Lekeni basuke.] Ndefwaya ukumulanga fimo ifisuma sana pali ili lyashi.” Belengeleni capamo ifyebo fili pa kamutwe ka kubalilapo pe bula 16 mu Ulupungu lwa kwa Kalinda ulwa May 1 ne lembo limo ilishambwilwe. Shalikeni magazini, kabili bepusheni icipusho na cimbi no kupangana ilyo mukabwelelako pa kuti mukayebasuka.

Ulupungu lwa kwa Kalinda May 1

Belengeni Amalumbo 37:10, 11. Lyena landeni amuti: “Bushe batini ifi twabelenga apa fikacitika nomba line? [Lekeni basuke.] Iyi magazini ilelanda pa busesemo 6 ubwapusanapusana ubwaba mu Baibolo ubulefikilishiwa pali ino nshita, kabili ubulangilila ukuti ifi twabelenga pali ili lembo fili no kucita nomba line.”

Loleni! April–June

“Pa mulandu wa kuti Baibolo citabo ca kale sana, abantu bamo bamona kwati ifyabamo te kuti fyumfwane na sayansi. Nga imwe kuti mwatilapo shani? [Lekeni basuke.] Abengi balapapa ukusanga ukuti Baibolo yalilanda aya mashiwi. [Belengeni Esaya 40:22.] Icipande icitendekele pe bula 24 cileasuka icipusho ca kutila, Bushe sayansi ilomfwana ne fyaba muli Baibolo?”